Read Khumi Chin JEREMIA 41 Bible Online

JEREMIA 41 - Khumi Chin bible

JEREMIA 41

¹Huni saneng saryh lo y samrang i bangtang kalen leaungrei, Elishama i katu, Nethaniah i chapo samrang amjy leaungrei ne nai Ismaela ly khumi leaung horei hawi, Kedalia ai ka-vum sa ai nai Mizapa mary y chei u bo. Nichi ly mary y vanrei cha nei u nai thym khala,

²Nathania i chapo Ismaela hawi, my i khumi leaung horeichi ly mychi i haisauchi atheu u kryh iy, samrang i bangtang kalen Kedalia ai tleh u bo.

³Ismaela ly Mizapa mary y Kedalia hawi vanrei awm nai Israela chengchi hawi, hu y awm nai Babulon tavaimichi ai py tleh u nai ne.

⁴Pa-nyh kani y Kedalia ai padei nai satang ai ami py pany y rai khala y,

⁵Shekhem, Shilonh hawi Samari i khumi leaung vui tajarei tym u. Nichi ly labeaung muichi vau pan iy, mychi i ateaungchi sei piupa i, tlangchira py tamochi ajyn u piu bo. Nichi ly Achura yhm y talam ai nai katalamrachi, mui katuichi py syn u nai ne.

⁶Hunai deaungkho y Ismaela ly nichi ai lamchung ai nai Mizapa mary i dengdairei theu iy, lam jeungrei vo prei nai ne. Ni ly huni khumichi hawi avum nai khala nichi teng y, Kedalia ai avum ai nai jeu u,” nanai palau bo.

⁷Huni khumichi mary theung y tym phai tym u baly, Ismaela hawi my i khumichi ly huni khumichi ai tleh chauchau iy, veuchi ai ly tuikan theung y aphi u nai ne.

⁸Na i py huni khumichi theung i leaung horeichi my, “Kaichi ai padei moh kyh jemjem ba! Kaichi ly daichi theung y heu nai chohpui, chomaw, olive asitui hawi khawihangchi awm,” nanai thui pi i, Ismaela ly nichi ai padei y naimy patleaung bo.

⁹Ismaela my padei nai khumichi i veu aphi nai tuikan ly len parai; [10]huni tuikan ly Israela samrang Baasa my tiu nai khala, abyh ai nai samrang Asa i tai nai tuikan pui ne. Ismaela ly my i padei nai khumichi i veu hawi huni tuikan kawi hai bo.

¹⁰Hunaibaly Ismaela ly Kedalia i kry nai anui y awm ai nai, tavailu areng Nebuzaradan my au nai samrang i chaniuchi hawi, Mizapa mary y awm rai nai khumi bawibawichi ai patiu iy, Ammon pri mang y langheng hawi be nai ne.

¹¹Ismaela i reita taphra naichi ai Kara i chapo Johanan hawi tavaimi luchi my thai u nai ne.

¹²Hunai deaungkho y my i risachi ai hawi iy, Ismaela ai tiu ai nai hui u i, Kibeon mary sahawi i tuikan puira y ni ai kai u bo.

¹³Ismaela i langheng hawi naichi ly Johanan ai py, ni i hawi nai tavaimi luchi ai py niu nai khala amo theu u i,

¹⁴Johanan i awm nai mang y hi alengli iy angpreng u bo.

¹⁵Na i py Ismaela hawi ni i khumi leaung tajareichi ly Johanan teng i dengdairei, Ammon pri mang y preang i, tleaung u nai ne.

¹⁶Kedalia ai padei nai bo y Mizapa mary i Ismaela my langheng palawn iy, hawi nai tavaimi risachi, neampachychi, deaungdichi hawi, tlip chum naichi ai Johanan hawi ni i tavaimichi my kry nai ne.

¹⁷Nichi ly Kibeon mary i dengdairei Johanan my hawi nai khumi bawibawichi ai kry iy theu u i, Bethlehem mary sahawi Khimham meingtym y anawn u. Nichi ly Babulon chengchi kiu i nai tleaung ai nai Aikupta pri y chei u nai ne. Ismaela ly Juda samrang i bangtang kalen y Babulon samrang my khai nai Kedalia ai tleh nai molam y, nichi ly Babulon chengchi ai jei u bo.