Read Khumi Chin JEREMIA 51 Bible Online

JEREMIA 51 - Khumi Chin bible

JEREMIA 51

¹ARENG my, “Kai ly Babulon mary hawi mary i khumichi ai taphra ai nai ali aho hai ai.[14]

²Choh alichi ai pakheang nai ali kamta, Babulon mary y taphra ai nai cheng takhrachi kapato ai. Huna nai taphra ai nai neng kani tym nai khala, nichi ly mang mang py tiu u ai i, huni mary ai taphra be ai.

³Babulon tavaimi risachi ai mychi i thailiho ko ai nai py, tamo baichuchi amchiu ai nai py pei pi moh. Nichi i neampacho ka-cheangchi ai py pasai moh! Tavaimi kamkawm verei ai tamyh u!

⁴Nichi ly tamo nga iy mychi i mary lamchira y dei u ai.

⁵Israela khumichi hawi Juda khumichi ly Israela chengchi i chai parai nai keung, kai i tlang tleaung y kamngo sa u teu i py, ati cheaungkhang sa thai nai keung kai ARENG ly nichi ai khai su ai ny y.

⁶Babulon mary i nai theu u! Nangchi ly kangheng tleaung ai nai theu u! Babulon mary i kamngo molam y dei u atyhtyh moh. Vai kai ly nichi hawi amlau nai kamngo pajeng iy vawitheung katha nai ne.

⁷Babulon mary ly kai i kiu y syn nai muku khau hawi, khaileaung pri verei ai pavui hai nai kreip hang khau hawi atawm. Khumi cheng cheaungkhangchi ly huni khau i kreip hang nei iy, pathu tapai u be bo.

⁸Babulon mary ly vaimy phra seaungkhrang ryrau veng bo! Huni mary i vui vo hai u! Ni i tamo kalemchi vui asi hau u. Ni i tamo kalemchi hawi sa baly, hawi tan hawi pajau lym ai.

⁹Cheng takhra khumichi my, ‘Achi ly Babulon mary ai sabawm ai nai atho sa i py, patyh ala veng bo. Jeu u ly huni mary i nai theu iy achi i pri y vawi u teang sina. Tameuh ly ati cheaungkhang sa thai nai hawimy, Babulon mary ai kamngo pajeng iy taphra chauchau bo,’ nanai thui u nai ne.”

¹⁰ARENG ly “Kai i khumichi my, ‘Achi ly hawi, nanai ARENG my patei bo. Achi ly Jerusalem mary i khumichi teng y chei iy achi i ARENG Tameuh my sa nai atitichi thui u sina,’ nanai aeu u bo,” napi.

¹¹ARENG ly Babulon mary y taphra ai nai tau nai deaungkho y, Media samrangchi ai kachyh nai ne. Huna nai kamta ARENG ly mymy i Achura yhm taphra vui nai molam y vawitheung tha ai. Atiu thym nai tavaimi kamkawm miteaung kehchi my,” Nangchi i thailiho chynchi pasui u! Khopuichi py angvei u!

¹²Babulon mary apaichi panawi ai nai ka-ma-ra patei u. Nangchi i tamcheaung kamkawm khai panawi bi! Tamcheaungchi ai amo hai yb. Lampawm atheng ai nai tavaimi risachi ai tahyh u,” nanai leu pei u bo. ARENG ly mymy i dawn yb nai kamta, Babulon khumichi ai pajei nai ne.

¹³Babulon mary ly tavo neangneang awm iy yhmtheaung katuichi nang chawn nai mary ne teu i py, phra ai nai neng tym nai deaungkho y, huni i hengra ly achai baw bo.

¹⁴Ati cheaungkhang sa thai keung ARENG ly Babulon mary y tiu ai nai molam akhutama kanghu kamta, nawi parai nai khumichi ai kapalau ai, nanai mymy i amyn y vaineng abeu bo. Huni khumichi py eaung naira nga iy, aeu u sau ai.

¹⁵ARENG ly mymy i sa thai naira hawi khaileaung ai sa; mymy ly cheng naira hawi khaileaung pri ai sa chum baly tau kacheng hawi kani khusang ai kadai pha bo.

¹⁶Leu pei nai khala kani khusang salo i tuichi ly katyn amsau nai ne. Mymy ly khaileaung katem mang dengdairei khupanymchi sau hai bo. Kani nai thym khala, amlosadichi theu hai iy, mymy i takunra i ali ai py aho hai bo.

¹⁷Hina nai sa nai deaungkho y khumi bawibawichi ly cheng naira, pany thai naira by y nai khumichi lawm u bo. Myn sa nai khumi ngiereichi ly mymychi i sa nai mynchi ly tameuh tatang ny y nai deaungkho y paleung phra u bo. Huni mynchi ly hengra py by y.

¹⁸Hunichi ly ati sai py ny y i, amso ngai nairachi naini lawm bo. ARENG ly kamngo pajeng ai nai jeu nai khala, huni mynchi taphra pawn ai.

¹⁹Jakob i Tameuh ly mynchi kamta ny y; mymy ly ati cheaungkhang sa nai keung ne iy, Israela chengchi ai mymy i khumi palawn ai nai vawi takhra bo. Mymy i amyn ly ati cheaungkhang sa thai nai keung ARENG ne.

²⁰ARENG my, “Aw Babulon mary, nang ly kai i tamo chaki, tavai atiu naira y kai i hai ne. Kai ly nang ai teaung iy khumi cheng cheaungkhangchi ai tamyh bo. Pri neangneangchi ai py phra hai nai ne.

²¹Keaungngo hawi keaungngo atang nai risachi ai py, ka-ri hawi ka-ri kry naichi ai py, ahei hai phro nai ne.

²²Neampacho hawi neampachychi ai py, miteaungchi hawi deaungdichi ai py, neampacho deaungdichi hawi neampachy deaungdichi ai py padei nai ne.

²³Beram typ nai keungchi hawi beram kanghuchi ai tleh iy, li sa nai keungchi hawi nichi i keaungngochi ai py, samrangchi hawi bangtangchi ai py katamyh veng bo,” napi.

²⁴ARENG my, “Jerusalem mary ai Babulon mary i khumichi my sa nai hawi y nairachi molam y, kaimy vawitheung tha nai ly nangchi nui u ai.

²⁵Aw Babulon mary, nang ly khaileaung pri verei y taphra reng nai mawi hawi atawm; na i py kai ARENG ly nang i paleung ka-e ne. Kai ly nang ai atheu iy khaileaung hawi vanrei padyh vui ai. Nang ai maidym lawm hai vui ai.

²⁶Nang i phra seaungkhrang naira i awm nai lengseaungchi ai, yhm hlau sa naira y mana khala py teaung ali ai ny y. Nang ly khumi angso savai tlang nai daichi ka-vym kamta lawm jojo ai. Hini ly kai, ARENG i thui nai leu ne.

²⁷“Atiu ai nai pany hai nai ka-ma-ra patei u! Khumi cheng cheaungkhangchi thai u ai nai baw eng u! Babulon mary y tiu ai nai khumi cheng cheaungkhangchi ai angveirym hai u! Ararat pri, Minni pri hawi Ashakena prichi ai tiu ai nai thui pi u. Lu sa iy tiu pajau ai nai tavailu areng keh vawi takhra u. Akhu kanghuchi kamta tavai thau hai u.

²⁸Media samrangchi, lu sa naichi hawi miteaung kehchi ai py, nichi i anui y awm nai pri bawibawichi ai py, Babulon mary y tiu ai nai angveirym hai u.

²⁹ARENG ly mymy i dawn tau naichi sa khyp nai deaungkho y, khaileaung ly amchyh na nai ne. Mymy ly Babulon mary ai khumi angso savai tlang nai meingtym lawm hai ai.

³⁰Babulon tavaimi risachi ly tavai atiu u y naimy, mymychi i amtangrachi theung y naini awm u bo. Nichi ly paleung phra atho di naimy, neampachychi kamta lawm u nai ne. Mary apai katheuchi ly anawi pawn iy, yhmchi py mai y kang bo.

³¹Babulon mary ly phra be ba veng bo, nanai Babulon samrang teng y samrang i amtaw thauchi ly leaungrei chum baly leaungrei, amti pi u nai ne.

³²Paleung ka-e ly tavo angpeang nai lam ai peang vui chum baly, yhm ka-sangchi ai py mai leng pawn nai ne. Babulon tavaimi risachi py kaso tahyn theu u bo.

³³Kra y naimy paleung ka-echi ly nichi ai ateng piupa iy, talang prangra i chohchi ai kamta ati piupa ai. Hini ly Israela chengchi i Tameuh, ati cheaungkhang sa thai nai keung ARENG i thui nai leu ne,” napi.

³⁴Babulon samrang ly Jerusalem mary ai ateng piupa iy cha vui bo. Ni ly huni mary ai chy-y kamta pakeu vui iy, tuireng nam kamta pajawn vui bo. Ni ly mymy i ngai nai ngierei la iy huni bo i nai ly aphi su nai ne.

³⁵“Kaichi i tlang tleaung y tym nai khrukhra nairachi ly Babulon mary y py tym sy!” nanai Zion mary i khumichi thui u sy. “Kaichi i tlang tleaung y tym nai patang nairachi ly Babulon mary y py tym sy!” nanai Jerusalem mary i khumichi thui u sy.

³⁶Hunai deaungkho y Jerusalem mary i khumichi teng y, “Kai ly nangchi hawi ai nai molam, vawitheung tha pi ai. Babulon pri i tuikanchi hawi tavo micheaungchi kang hai ai.

³⁷Huna nai khala Babulon mary ly daichi mawichi awm naira, yhm hlau kaphrachi lawm ai. Huni ly kaso tahyn theu ai hawi naira lawm iy, khumi angso savai tlang naira lawm ai.

³⁸Babulon chengchi ly khrangsichi kamta hang u; khrangsi chochi kamta a-u nai ne.

³⁹Nichi ly cha ha u nai a? Kai ly nichi ai cha nei pawi pui sawn pi iy, amo theu pavui hai ai. Nichi ly i ngym ai i, mo mang y mana khala py i anglaw ai ny y.

⁴⁰Kai ly nichi ai beram chochi kamta py, mi-i kataichi, beram kataichi kamta py tleh ai nai kapahawi ai. Hini ly kai ARENG i thui nai leu ne,” napi.

⁴¹ARENG my Babulon mary molam y leu pei nai ly “Khaileaung pri vereichi my tahm pasang nai Babulon mary ai ly peang vui bo! Babulon mary ly khumi cheng cheaungkhangchi i vui kaso tahyn theu naira lawm dudu bo.

⁴²Pangli tui ly Babulon mary salo y atheng iy, tui sampyhchi my um biu vui bo.

⁴³Huni marychi ly kaso tahyn theu ai hawi naira lawm iy, khumi angso savai tlang naira, tui by y nai daichi ka-vym hawi atawm bo. Huni marychi mang y ami py khuleaung chei u y bo.

⁴⁴Kai ly Babulon mary i Bela tameuh ai kamngo pajeng iy, paviu nai vawnsaichi py pei ali teang hai ai. Khumi cheng cheaungkhangchi ly ni ai mo mang y chiu u ali bi ai ny y. “Babulon mary apaichi ly anawi pawn bo.

⁴⁵Israela khumichi awi, huni mary i dengdairei theu u! Khumi bawibawichi kangheng tleaung ai nai, kai i khri pa-rei kado theu naira i nai preang u pawn jau.

⁴⁶Nangchi thai u nai satang kamthangchi deaungkho y jei u moh ly, paleung phra u moh. Saneng tlei tleirei satang takhra takhra amthang reng. Pri theung y khrukhra nai satangchi, samrang leaungrei hawi leaungrei tavai atiu nai satangchi amtang reng nai ne.

⁴⁷Hunai deaungkho y Babulon pri i mynchi taphra ai nai neng kani tym ai. Huni pri verei ly kangji nga ai. Mipui bawibawichi py padei nai avum ai.

⁴⁸Tosyh ngan mang jeu iy tiu nai khumichi i kiu theung y Babulon mary tym vui nai khala, khaileaung salo y py, kani khusangra py, awm nai ngiereichi ly amo theu nai deaungkho y aeu u sau ai.

⁴⁹Babulon mary molam y Israela cheng neangneangchi py, Khaileaung pri verei i khumichi py, dei u nai deaungkho y, vai Babulon mary ly anawi ai nai tla. Hini ly kai, ARENG i thui nai leu ne,” napi.

⁵⁰ARENG my Babulon mary y awm nai mymy i khumichi teng y leu pei nai ly “Nangchi ly deira i nai law tleaung u bo! Vaimy theu u! Kaneu u moh! Nangchi ly nangmychi i pri hawi palo parai teu i py, nangchi i ARENG napi nai kai ai pany u. Jerusalem mary ai py pany u.

⁵¹Nangchi my, ‘Kaichi ly tahm anem iy kangji kanga u bo. Achura yhm i meingtym kachaichi ai cheng takhra khumichi my peang vui nai deaungkho y, kaichi ly jeaungmang u nai ne,’ nanai thui u bo.

⁵²Hunai deaungkho y Babulon pri i mynchi ai kaimy pajeng iy, pri verei i tamo kalem nga nai khumichi i tangam u nai neng kani tym ai.

⁵³Babulon mary ly kani y angteu na pa-rei, amtangra yhm ka-sang sa pajau lawh teu i py, kai ly huni mary y taphra ai nai khumichi pato ai. Hini ly kai ARENG i thui nai leu ne,” napi.

⁵⁴ARENG my, “Babulon mary y vo u nai raawi py, pri phra nai deaungkho y paleung si u nai raawi py tangai u.

⁵⁵Kai ly Babulon mary tamyh vui ai. Huni mary i katyn katenchi py, savai tlang hai ai. Tavaimi risachi ly tui sampyh kamsauchi kamta athorei my tavai thau iy, tyn tukulu naimy tiu u ai.

⁵⁶Nichi ly Babulon mary taphra ai nai ang tym u bo. Babulon tavaimichi ai ly patiu vui iy, nichi i thailihochi py tleu pawn bo. Kai ly hawi y sa nai khumichi ai parip reng nai Tameuh ne. Babulon mary ai avo nai kamta kamngo pajeng ai.

⁵⁷Huni mary i peang nai keungchi, khumi kachengchi, lu sa naichi hawi tavaimi risachi ai pavui tapai hai ai. Nichi ly i ngym chum baly, mana khala py anglaw u ai ny y. Hini ly kai samrang i thui nai leu ne; Kai ly ati cheaungkhang sa thai nai ARENG ne.

⁵⁸Atho haiho awm nai Babulon mary i mary apaichi ly anawi ai. Asang parai nai mary apai katheuchi py, mai y kang pawn ai. Khumi cheng cheaungkhangchi i sa nai atitichi ly atyhtyh teu bo i, nichi i atho sa nai ngireichi py, mai kangveaung y chau be ai. Hini ly ati cheaungkhang sa thai nai ARENG i thui nai leu ne,” napi.

⁵⁹Maseja i katu, Neriah i chapo Seraiah ly samrang Zedekiah i atawn nai khumi ne. Juda samrang Zedekiah i samrang atheng nai palyh saneng y Seraiah ly Babulon mary mang y samrang hawi vanrei chei ai nai deaungkho y, kai ly ni ai tau maidenrei kapei nai ne.

⁶⁰Kai ly Babulon mary i avum ai nai phra naira ngiereichi py, Babulon molam y takhra atitichi py, cha aeang hareira tajiu pi nai ne.

⁶¹Kai ly Seraiah teng y, “Nang ly Babulon mary y tym nai khala, hini cha aeang theung y tajiu nai ngiereichi ai khumichi teng y, tao pajeng parai naimy phain pi ai nai tami moh.

⁶²Naibaly, ‘Aw ARENG, nang ly hini meingtym y khumi hawi tawnbawichi raurei, heng nai amjychi tama nai, khutaha daichi ka-vym hawi atawm hai jojo ai, nanai leu pei nai ne,’ nanai chiu so ba.

⁶³Charaja awi, nang ly hini cha aeang ai mipuichi teng y phain pi chum nai khala, lengseaung hawi kawm tabom iy, Euphrat tavo y aphi vui ba.

⁶⁴Hunaibaly, ‘Babulon mary ly hina nai kamta tym ai. ARENG my phra hai ai nai deaungkho y huni mary ly tup jo ai i, amteng ali teang ai ny y,’ nanai thui pi,” napi. Hini ly Jeremia i taviu nai leuchi tem bo.