Read Khumi Chin TANGAM NAI LEU 5 Bible Online

TANGAM NAI LEU 5 - Khumi Chin bible

TANGAM NAI LEU 5

¹Aw ARENG, kaichi teng y tym naichi ly ati mana nai leaungsaichi mo, nanai pany pi jo kyh ba. Kaichi ai khen kyh ly kaichi i tahm anem nai sai niu pi kyh ba.

²Kaichi i yhmtheaung katuichi ly apany vai y nai khumichi kiu y tym lawh bo. Cheng takhra khumichi ly kaichi i yhmchira y athum u vui bo.

³Kaichi i ampochi ai ly paleung ka-echi my padei be bo i, amhmchi ly lumaichi lawm u bo.

⁴Kaichi ly kaimychi nei ai nai tui molam py, vang pei ai nai tla. Theng py van ai tla nai ne.

⁵Kaichi ly keaungngo kano kasauchi hawi kula-iuchi kamta, nithun mang athorei my pakhau nai avum u bo. Kaichi ly khri pa-rei paha i py, anawn ai nai ngo y.

⁶Kaichi ly kaimychi heng ai nai i vui y, teicha teinei aleu pa-rei nga ai nai molam py, Aikupta pri hawi Asuria pri mang y chei iy cheaung ai nai tla bo.

⁷Kaichi i amsi pajochi ly kamngo sa tamang iy, dei u pawn nai deaungkho y, kaichi ly nichi i kamngo mynji pho ai nai tla.

⁸Miseaungchi hawi takhra y na pa-rei, nichi my ang peang nai avum u teu i py, nichi kiu tleaung i nai kaichi ai, ami py atleu pajau y.

⁹Daichi avangchira y khumi tleh nai keungchi, aki aleaung naimy awm nai deaungkho y, kaichi ly tlang areu iy, teicha teinei kahau u.

¹⁰Kajeu kanglam pavam nai deaungkho y keaung no hai i, kaichi i ngan tlang ly tako paawp nai mai kabi kamta bi na bo.

¹¹Kaichi i ajuchi ly Zion mawi y my, pajang nai avum u bo. Juda avang tleirei y awm nai kaichi i chaniu anglochi ai kamjau kamteang khai iy, hawi y naichi sa u.

¹²Paleung ka-echi ly kaichi i luchi ai patiu iy, akaeura y bang u bo; nichi ly miteaungchi ai py, tahm khai u y.

¹³Kaichi i thawndeang deaungdichi ly miseaungchi kamta choh deng ai nai tla. Deaungdichi py, ji parai nai theng aeangchi atlymvi atlymvi naimy apu ai nai tla.

¹⁴Miteaungchi ly mary apai pa-kho sahawi y ateh u y leang bo. Thawndeang deaungdichi py, katyn kapauchi beu u y leang bo

¹⁵Amo theu nairachi ly kaichi deung y tama vui bo. Lam naichi ly paleung si nairachi mang y amtlau vui bo.

¹⁶Kaichi i amlyh ai naira ly ha py by y leang bo. Kaichi ly kamngo sa tamang nai deaungkho y, taham si.

¹⁷Kaichi ly paleung phra iy meikatui angdeang nai deaungkho y, kaichi i mei ly khen nai niu pajau y na bo.

¹⁸Zion mawi ly khumi angso by y nai deaungkho y, khivachi ly mary kaphrara y aki aleaung nai ne.

¹⁹Na i py aw ARENG, nang ly deungtasarei samrang ne. Nang i peang naira ly deungtasarei awm jo ai.

²⁰Nang ly ati mana nai y kaichi ai avawrei tami vui lawh mo? Ati mana nai y hina tanrei kra nanai pa-rei, kaichi ai khai su lawh mo?

²¹Aw ARENG, nangmy teng y jeu ali teang ai nai pei kyh ba. Kaichi ai pahawi ali teang kyh ba! Jangni i kamta kaichi ai phum-ang haiho len hai kyh ba.

²²Ti y baly nang ly kaichi ai deungtasarei, khai su ai bo a? Nang i kado theu nai rym nai neng by y bo a?