Read Khumi Chin Ezekiela 18 Bible Online

Ezekiela 18 - Khumi Chin bible

Ezekiela 18

¹ARENG i leu pei nai ly kai teng y tym i,

² mymy ly “Amhm ampochi kreip athai katho cha nai molam y, cho chanauchi ho kyn u,” nanai thui achi nai leu ai Israela chengchi avaw avawrei thui u nai ly ati y thui u nai mo?

³Sa thai naira angym nai ARENG my, “Kai ly Tameuh kangheng ne; Israela pri y hini thui achi nai leu ai mo mang y thui u bi ai ny y.

⁴Amhm ampo i hengra py kaimy peang, cho chanauchi i hengra py kaimy peang; khumi luteng i hengra py kaimy peang. Dei ai nai khumi ly kamngo sa nai keung ne.

⁵Khumi ly kataw kateng awm iy, leu meitang teaung nai hawi khumi kahawi ne ai,

⁶huni khumi ly Israela chengchi chiu nai mynchi ai chiu y, mawi saleung i chiu nai meingtymra y apathyp nai mawi py cho y. Ami i aju chanau ai py taphra y, tlangchai awm nai neampachy hawi py apho y.

⁷Ni ly li-tapawp y, ami i yhmtheaung py lawm y. Ka-peaung vawnsai py paku teang. Kajeu alam naichi ai pacho iy ateaung by y nai khumichi ai ateaungchi pei pi.

⁸Ni ly kamran nga ai nai tangka paseng y. Hawi y naichi ai amkyn iy ka-jo ka-thuira y py kahawi padyh padawi pi.

⁹ Ni ly leu pei naichi tangai iy kai i Reita leu pei naichi py hawihai palai sa patawm. Huni khumi ly khumi kahawi ne nai deaungkho y heng ai, nanai sa thai naira angym nai ARENG my leu pei nai ne.

¹⁰“Huni khumi teng y kamjau kamteang lawm iy khumi ai padei reng nai, ampo i so vai y nai kalopchi sa nai chapo leaungrei awm, tapi rai.

¹¹Huni chapo ly mawi saleung i chiu nai meingtymra y apathyp nai mawichi py cha; ami i aju chanau py taphra.

¹²Ni ly khumi kamawnchi ai py li-tapawp; ami i yhmtheaung py kamjau kamteang lawm; ka-peaung vawnsaichi py paku teang y; mynchi ai chiu iy amso ngai naichi py sa.

¹³Ni ly kamran nga ai nai tangka paseng; huna nai khumi ly heng pajau na a? Heng pajau y leang. Ni ly huna nai amso ngai hawi naichi sa nai deaungkho y, ni ly dei ngaw ai. Ni i dei nai ly my i kamngolai ne.

¹⁴“Naibaly vai, huni khumi aso y nai teng y chapo leaungrei awm ai. Huni chapo ly ampo i hawi y sa naichi niu i py, ampo i sa nai amtiu y.

¹⁵Ni ly Israela chengchi i myn ai chiu y; mawi saleung y chiu nai meingtymra i apathyp nai mawi py cho y; ami i aju chanau py taphra y,

¹⁶amichi ai py ana nai hawi ami i yhmtheaung ai py kamjau kamteang lawm y; ni ly ka-peaung vawnsaichi py talam y; kajeu alam naichi ai pacho iy ateaung by y nai khumichi ai ateaungchi pei pi.

¹⁷Ni ly hawi y naichi amkyn iy kamran nga ai nai tangka py paseng y. Kai i Reitachi sa patawm iy kai i leu pei naichi py tangai. Ni ly ampo i kamngo molam y dei ai ny y, ni ly heng takengkei ai.

¹⁸Ni i ampo ly li-tapawp iy ami i yhmtheaung ai kamjau kamteang lawm naimy khumichi tlang tleaung y hawi y naira sa aninau nai deaungkho y, amy i kamngo molam y dei nai ne.

¹⁹“Na i py nangchi my, ‘Ati mana nai y huni chapo ly ampo i sa nai kamngochi molam y pajeng naira avum y lawh mo?,’ nanai deng u. Pathang nai ly huni chapo ly kateng, kahawi sa nai khumi ne. Ni ly kai i Reitachi sa patawm iy hawihai palai tangai bo. Hunai deaungkho y ni ly heng takengkei ai.

²⁰ Kamngo sa nai khumi ly dei ai nai khumi ne. Chapo ly ampo i sa nai kamngochi molam y pajeng naira avum ai ny y. Ampo py chapo i sa nai kamngochi molam y pajeng naira avum ai ny y. Khumi kahawi ly kahawi sa nai molam y hawi naira, khumi hawi y nai ly hawi y sa nai molam y hawi y naira avum ai.

²¹“Khumi hawi y nai ly kamngo sa nai anawn iy, kai i Reitachi sa patawm bo; kateng kahawi py sa bo. Huni khumi ly dei ai ny y, ni ly heng takengkei ai.

²²Ni ly kateng sa nai deaungkho y ni i kamngo bawibawichi pahen ai i, ni ly heng ai.

²³Kai ly khumi hawi y naichi dei nai niu nai khala y, kai ly kawnleaung ai nai athang khai u a?, nanai sa thai naira angym nai ARENG my deng bo. Mymy ly huni khumi uikheih iy heng naini niu ai nai ngai keh.

²⁴“Na i py khumi kahawi ly kahawi sa nai anawn iy khumi hawi y naichi sa reng nai amso ngai nai hawi y naichi sa lawh baly, ni ly heng asai rai na a? Heng y leang! Ni i kahawi sa naichi kapany pi ai ny y. Ni ly ka-ym by y nai molam y kamngo awm i, mymy i sa tamang nai kamngochi deaungkho y dei ai nai tla ai.

²⁵“Na i py nangchi my, ‘Areng i sa nai ly teng y,’ nanai thui u bo. Aw Israela chengchi awi, kai i thui nai leu tangai u. Nangchi my kai i sa nai sai teng y, nanai athang khai u nai sai a? Teng y nai saichi ly nangchi i sa naichi teu.

²⁶Khumi kahawi ly kahawi sa nai anawn iy hawi y sa nai khala y dei baly, huni khumi ly mymy i hawi y sa nai deaungkho y dei nai ne.

²⁷Hawi y nai khumi ly hawi y sa naichi anawn iy kahawi kateng sa lawh baly, ni ly mymy i hengra nga hai nai khumi ne.

²⁸Ni ly mymy i tamang nai adawn vau iy kamngo sa naichi khai su nai deaungkho y, pipi dei ai ny y, heng jojo ai.

²⁹Israela chengchi awi, nangchi my, ‘Areng i sa nai ly teng y,’ nanai nangchi athang khai u a? teng y naira ly nangmychi i sa naichi teu.

³⁰“Aw Israela chengchi awi, sa thai naira angym nai kai ARENG ly vai, nangchi leaung leaungrei ai, nangmychi i hawi y sa nai leaungsai molam y tara chih ai, nanai thui u bo. Nangchi ly hawi y sa nai bawibawira i nai hi u vui; kamngo my ly nangchi ai taphra moh sy.

³¹Nangchi i sa reng nai kamngochi khai su iy, paleung kangtha hawi paleung ka-dawn kangtha mang y amtlau u. Aw Israela chengchi awi, nangchi ly ati mana nai y dei ai nai ngai u lawh mo?

³²Kai ly ami ai py dei ai nai ngai hai y; kamngo sa nai anawn iy heng u,” napi.