Read Khumi Chin Ezekiela 26 Bible Online

Ezekiela 26 - Khumi Chin bible

Ezekiela 26

¹ Kaichi pri pala naira avum nai saneng holai harei saneng, lo si kani harei kani y ARENG i leu pei nai ly kai teng y tym nai ne.

²Mymy ly “Nang khumicho awi, Turu mary i khumichi my, ‘Jerusalem mary i katheu pa-kho ly phra vui bo! Huni mary i katheuchi ly am-eaung naimy awm bo! Huni mary ly kaichi hawi acham nai mary ny y leang bo!,” nanai amo theu naimy aeu u nai ne.

³“Huna nai y vai sa thai naira angym nai kai, ARENG my leu pei nai ly nang, Turu mary awi, kai ly nang i paleung ka-e ne. Nang ai tiu ai nai khumi cheng cheaungkhangchi ai kaimy kang hawi ai. Nichi ly pangli tui sampyhchi kamta, nang i awm naira mang y ang tym u ai.

⁴Nang i mary apaichi taphra iy angdeangrachi py panawi u ai. Huna nai khala kai ly spryh bawibawichi pasi pan iy lengseaung tlairei amteng ai.

⁵Pangli tui my katanmeuh nai huni lengseaung salo y ngo sarachi ly paleupychi vau u ai. Hini ly sa thai naira angym nai kai, ARENG my leu pei nai ne. Khumi cheng cheaungkhangchi ly Turu mary ai tiu u iy lawm u ai.

⁶Pri umtang i marychira i khumichi ai py haisau tamo y dei hai ai. Huna nai khala kai ly ARENG ne, nanai Turu mary i khumichi pany u ai,” napi.

⁷Sa thai naira angym nai ARENG my, “Samrang leilachi theung y len keh nai Babulon samrang Nebukhadnezar ai, Turu mary y tiu ai nai kaimy kang hawi ai. Ni ly samrang leilachi i samrang lawm iy keaungngochi, tavai keaungngo ka-richi, keaungngo atang nai risachi hawi vanrei, tavaimi kanghu pui hawi tosyh mang dengdairei ang jeu ai.

⁸Pri umtang i marychira y awm u nai khumichi ly tavai keung y dei u ai. Paleung ka-echi ly abyhra angawmchi tai iy abyhra amkeuchi taphum nai, khopuichi adang naimy, nang ai ang tiu ai.

⁹Nang i mary apaichi ai dengkeaung beangchi hawi deng iy amtangrachi py tamochi hawi panawi u ai.

¹⁰Nichi i keaungngochi deaungkho y khyhmeung nai spryhchi ly nang ai taphum ai. Mary theung y khumichi kun u nai kamta, phra nai mary katheuchi mang y kun prei iy, keaungngochi i ka-ri ryh nai katyn hawi tavai keaungngo ka-ri ryh nai katynchi ly nang i mary apaichi amchyh hai ai.

¹¹Nichi i keaungngo atang nai risachi ly nang i lamchira y tako prei ai i, khumichi ai haisau hawi tleh u ai. Nang i khaw parai nai lengseaung leungchengchi ly khaileaung y atlym pawn ai.

¹²Paleung ka-echi ly nang i yhmtheaung katuichi hawi vawnsaichi la u pawn ai. Nang i lengseaung apaichi panawi iy, nang i apu parai nai yhmchi taphra u ai. Nangchi i lengseaungchi, dengkeaungchi hawi yhm kaphrachi ai, pangli theung y aphi ai.

¹³ Kai ly nang i khulym raawichi, taro katynchi anawn hai ai.

¹⁴Ngo sarachi i paleupy vau nai lengseaung naini awm jo ai. Mana khala py mary palum teang ai nai nga ai ny y, nanai sa thai naira angym nai kai, ARENG i pei nai leu ne.”

¹⁵Turu mary ai ARENG my leu pei nai ly: “Nang ai paleung ka-e my eaung nai neng khala, dei naichi hawi tamo nga nai khumichi i hang nai katynchi molam y, pangli peang y awm nai khumichi ly jei hyn u ai.

¹⁶ Pangli mang khuleaung chei nai prichi i samrang bawibawichi ly samrang atehrachi ra i nai satla u iy, mymychi i ateaung kangjiuchi hawi, mawi en thun nai ateaungchi aleng iy khaileaung y kaso theu naimy ateh u ai. Nang i avum nai khym taham ai niu iy nichi ly lyh naimy, kaso theu u jojo ai.

¹⁷Huna nai y nichi ly nang ai vo hai nai khulym thui u nai ly amthang parai nai mary ly phra veng lawh bo ly! Pangli sahawi y awm nai marychi ly taphra naira avum lawh bo. Hini mary i khumichi ly panglichi ai peang nai ne. Pangli peang y awm nai khumichi ai py jei hyn hai bo.

¹⁸Huni mary phra nai kani y pangli peang y awm nai prichi ly jei hyn u bo. Pangli theung i tlawnchi py hini mary phra nai sai niu iy kaso theu u bo,” napi.

¹⁹Sa thai naira angym nai ARENG my thui nai ly: “Kai ly nang ai khumi angso by y nai mary kaphrachi kamta lawm hai ai. Suida pangli tui la iy huni tui hawi kawi hai ai.

²⁰Jangni jangkhawn khala heng nai khumichi hawi vanrei awm ai nai, nang ai khaileaung anui tavau pri y kang tha ai. Kai ly nang ai huni tavau pri y awm nai phra seaungkhrang jo nai khaileaung angawm y awm hai ai. Nang ly hu i dengdairei heng nai khumichi awm nai meingtym mang y mana khala py, vawi ali teang ai nai nga ai ny y.

²¹ Kai ly nang ai ka-jei awm nai tem naira kang tym hai ai bo. Nang ai khumichi my hau i py avum ai ny y,” napi. Hini ly sa thai naira angym nai ARENG i pei nai leu ne.