Read Khumi Chin Ezekiela 38 Bible Online

Ezekiela 38 - Khumi Chin bible

Ezekiela 38

¹ARENG i leu ly kai teng y tym.

² Mymy ly “Nang khumicho awi, Makoka pri, Mesheka hawi Tubal khumi chengchi i peang nai keung kalen keh samrang Kob ai thui tamawn iy,

³sa thai naira angym nai kai, ARENG ly ni i paleung ka-e ne nanai thui pi.

⁴Kai ly ni ai pahi iy ni i kajai y tamo leangkhawnchi hawi vawn iy, ni i tavaimichi hawi vanrei ryh jo ai. Ni i tavaimichi ly keaungngochi, ateaung ka-tawmri keaungngo atang nai tavaimichi kawi angym naimy, khri pa-rei hubai nawi na. Tavaimi ngireichi py khupui katheang kalen hawi, haisauchi pa u nai ne.

⁵Pasia pri, Ethiopia pri hawi Phuta pri i khumichi ly nichi hawi vanrei abang u bo. Nichi bawibawi py khopuichi syn iy, tamo lukhymchi py adeung u kryh nai ne.

⁶Koma pri tosyh mang i Beth Tokarmah pri hawi, takhra prichi mang i tavaimi risa bawibawichi py, nichi hawi vanrei abang u nai ne.

⁷Nangmy i tavaimi risachi teng y, amymy ai aeng iy angveirym ai nai thui pi.

⁸Saneng neangneang kra nai bo y, kai ly ni ai tavai ateaungchi angvei naimy pri harei ai khu ta-ie hai ai. Huni pri y khumichi ly mymychi ai pri tleirei i nai kaimy pangym teang nai neng kha i ka-so, tavai takai molam y paleung mawn y naimy awm u naichi ne. Samrang Koka ly Israela mawichira kun iy tiu ai. Huni mawichi ly neng kra parai naimy khumi angso savai tlang nai meingtym lawm teu i py, vai ly khumi bawibawichi theung i nai hawi iy, tlamsa naimy awm achu nai meingtym ne.

⁹Ni hawi my i tavaimi risachi py, ni hawi vanrei abang nai cheng takhra khumi neangneangchi py, huni pri y kamchai kamta tiu iy, khupanym kamta khiu u ai,” napi.

¹⁰Sa thai naira angym nai ARENG my Koka teng y, “Hini neng tym nai khala, nang ly hawi y nai paleung ka-dawn harei sa ai.

¹¹Jeaungmang nai pri harei ai tiu ai nai paleung adawn ai. Huni pri i khumichi ly apai pahi y nai marychira y tlamsa naimy awm u nai khumichi ne.

¹²Nang ly vaichi khala, phra seaungkhrang nai marychira y awm nai khumichi ai tiu lawm ai nai dawn ai. Nichi ly khumi cheng cheaungkhangchi teng i kaimy pangym achu teang nai khumichi ne. Nichi ly vai, tawnbawichi hawi vawnsaichi nang iy, khaileaung pri i lam sangumchira y awm u bo.

¹³Sheba pri hawi Didan pri i khumichi, Spain pri marychi mang i ka-sum ka-pai sa naichi my, ‘Nang ly muku tangka hawi beram, si, vawnsaichi lawm ai nai jeu nai a? Atiura i vawnsai ngiereichi tawn vui ai nai tavaimi risachi kachu yb bo a?,’ nanai nang teng y ang deng u ai,” napi.

¹⁴Hunai deaungkho y sa thai naira angym nai ARENG ly Koka teng y thui pi ai nai kai ai pato bo; “Kai i khumi Israela chengchi tlamsa naimy awm nai thym khala,

¹⁵nang ly nangmy i awm nai tosyh ngan mang dengdairei amsa ai. Khumi cheaungkhang abawi iy atho len nai keaungngo atang nai tavaimi risa kanghu pui hawi tavai thau ai;

¹⁶kai i khumi Israela chengchi ai ali kamchai kamta nang ly tavai tiu ai. Nang, Koka i neng tym nai khala, Kai i pri y tiu hai ai nai nang ai kang pato ai. Hina nai hawimy kai ly ami mo, nanai khumi cheng cheaungkhang teng pany hai ai. Nang ai kang sa hai nai leaungsaichi hawi py, kai i chai parai nai amyn amthang hai ai.

¹⁷Vai mo mang y kai ly Israela pri y tiu ai nai khumi leaungrei pato ai, nanai law veng nai neng khala, amochi dengdairei kaimy leu pei nai ly nang ai patyp iy thui nai ne. Huni neng khala amochi my, kai ly nang ai huni khumichi ai tiu hai ai, nanai saneng neangneang kakra thui pi bo,” napi. Hini ly sa thai naira angym nai ARENG i pei nai leu ne.

¹⁸Sa thai naira angym nai ARENG my, “Israela pri ai Koka my tiu nai kani y, kai ly khrikhri pa-rei kado theu ai.

¹⁹Kai i kado theu nai mai kangveaung saho y huni kani y ly Israela pri y khri pa-rei kalei theu ai, nanai kaimy leu pei bo.

²⁰Khaileaung pri y awm nai khumi, ngo, tavo hawi tawnbawichi, khaileaung pri y tlum tlai nai takhra heng nai amjy katheang kalen bawibawichi ly kai ai jei hyn u ai. Mawichi akai iy lengseaungchi kawi piu ai i, apai awm nai ngiereichi ly anawi ai.

²¹Kai ly ka-jeira cheaungkhangchi hawi Koka ai kaso theu hai ai. Hini ly sa thai naira angym nai kai, ARENG i pei nai leu ne. Ni i khumichi ly mychi tengtawi atleh u ai.

²²Kai ly haisau tamo, no michi hawi ni ai parip ai. Ni hawi vanrei, ni i tavaimichi, abang nai khumi cheaungkhangchi tlang tleaung y kan hawi mai raurei, kani hawi ji akawi puichi khrikhri pa-rei nai hai ai.

²³Hina nai hawimy kai ly nang parai iy chai parai, nanai khumi cheng cheaungkhangchi teng y kapatei ai. Naibaly kai ly ARENG ne, nanai nichi pany u ai,” napi.