Read Khumi Chin HOSEA 11 Bible Online

HOSEA 11 - Khumi Chin bible

HOSEA 11

¹ARENG my, “Israela deaungdi nai thym khala y, kai ly ni ai tamen iy kai ly ni ai chapo palawn i, Aikupta pri i nai pahawi nai ne.

²Na i py kai ly ni ai kapalau baly, kai teng i nai angpreng ra bo. Kai i khumichi ly Bala tameuh teng y apathyp iy, mynchi teng y rimui patawi u.

³Na i py kai naini Israela tako kawp ai nai, patiu pi nai keung ne. Kai ly nichi ai kiu hawi tapawm nai ne. Na i py kai ly nichi ai palum pi, nanai nichi pany y.

⁴Kai ly nichi ai tamen nai hawimy, kaimy teng y kalym kalawi bo. Nichi ai tangbeng tengtawi abi na pa-rei, katapawm bo. Kai ly meung iy nichi ai kapacho nai ne.

⁵“Nichi ly kai teng y vawi u ali teang y nai deaungkho y, Aikupta pri mang y vawi u ai nai tla ai. Asuria samrang ly nichi ai peang ai.

⁶Nichi i marychi ly tavai takai avum u iy, mary apai katheuchi ly phra ai. Kai i khumichi ly mychi i kangai sa u nai deaungkho y, tamyh nai avum u ai.

⁷Nichi ly kai teng i nai angphri vui iy tako u reng nai ne. Nichi tleang nai kaneaung tamtleang molam y tangam naimy aeu u teu i py, ami py huni tamtleang ai dawmkhawn pi ai ny y.

⁸“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

⁹Kai ly kado theu iy nang ai pajeng ai ny y; kai ly Israela ai taphra bi ai ny y. Ati mana nai mo na baly kai ly khumicho ny y, Tameuh ne nai deaungkho y ne. Chai parai nai keung kai, Tameuh ly nangchi hawi vanrei awm nai ne. Kai ly kado theu naimy nangchi teng y kang jeu ai ny y.

¹⁰“Khrangsi i hang nai kamta kai ly paleung ka-echi ai hang hai nai khala y, kai i khumichi ly kai nithun abang u ai. Nichi ly nidym ngan mang dengdairei, kai teng y jeu u kaliki ai.

¹¹Tavochi kamta Aikupta pri i dengdairei py, buhu kamta Asuria pri i dengdairei py, akheang u kaliki ai. Kai ly nichi ai mychi i saleaung khuteng y hawi ali teang ai. Hini ly kai, ARENG my pei nai leu ne.”

¹²ARENG my, “Israela khumichi ly kai ai ka-chawi thui iy tapawp u bo. Juda khumichi ly chai parai nai hawi ka-ym awm nai kai, Tameuh ai vai khrairei tiu u nai ne.