Read Khumi Chin JONA 3 Bible Online

JONA 3 - Khumi Chin bible

JONA 3

¹Naibaly ARENG my Jona teng y,

²“Angthau ly Ninevi mary pui mang y chei; kai i leu pei nai kamta mary i khumichi teng y pany hai,” nanai tlen pa-nyh leu pei bi nai ne.

³Hunai deaungkho y Jona ly ARENG i leu pei nai tangai iy, Ninevi mary y chei bo. Ninevi mary ly khri pa-rei len i, mary kakau tako prei baly kani thomrei ateng nai ne.

⁴Jona ly Ninevi mary theung y kun iy kanirei lam tako i, “Kani vui palyhrei kani y Ninevi mary ly phra ai!” nanai aeu bo.

⁵Ninevi mary i khumichi ly Tameuh i leu pei nai ym u bo. Hunai deaungkho y uikheih nai ka-ma-ra hawi, kamawn, areng takhawi y naimy biu hai iy paisiu amchiu u ai nai leu pacheang u.

⁶Huni satang ai Ninevi samrang my thai nai khala y, samrang atehra i nai ang thau i, samrang ateaung aleng vui iy paisiu amchiu bo. Naibaly maidym theung y ateh nai ne.

⁷Naibaly Ninevi samrang ly mary i khumichi teng y satang thai hai ai nai leu pei. Ni i leu pei nai ly “Hini leu ly samrang hawi bangtangchi i leu pei nai ne. Amimi py teicha teinei cho moh sy. Khumi bawibawichi hawi sichi py, beramchi py, teicha cho moh sy, tui py nei moh sy.

⁸Khumi bawibawichi hawi tawnbawichi ly paisiu amchiu u ai nai tla. Khumi luteng ly paleung apei parai naimy Tameuh teng y chiu sa ai nai tla. Huni bo y amy i hawi y nai hawi, sa ta-li naichi khai su ai nai tla.

⁹Huna khala naini Tameuh ly paleung amtlau tan amtlau lym ai. Kado theu nai py rym tan rym lym ai. Achi py tlang hengra nga pajau ai!” napi.

¹⁰Tameuh ly huni khumichi i sa nai saichi ai py, hawi y nai saichi khai su nai ai py, niu nai khala y paleung amtlau i, leu pei nai kamta nichi ai pajeng y nai ne.