Read Khumi Chin Kati Nai 13 Bible Online

Kati Nai 13 - Khumi Chin bible

Kati Nai 13

¹ARENG my Mosi teng y,

²“Theaung holai nyhreichi theung i lu sa ai nai leaung leaungrei vawi takhra ly kaimy Israela chengchi teng y pei ai nai Kanan pri y khu ta-i ai nai molam khen paviu ai nai nichi ai pato,” napi.

³Mosi ly ARENG my leu pei nai kamta, anui mang i lu sa naichi ai Paran daichi ka-vym i dengdairei pato bo. [Theaung] — [Lu sa nai keung] Ruben — Zakura i chapo Shammua Simeon — Horit i chapo Saphat Juda — Jephonneh i chapo Kaleb Isakhar — Josepha i chapo Ikala Ephraim — Nun i chapo Hosea Benjamin — Raphu i chapo Palati Zebulun — Sodi i chapo Kadiela Manase — Susi i chapo Kadi Dan — Kemali i chapo Ammiela Aser — Mikhaela i chapo Sethura Naphtali — Vophsi i chapo Nihabi Kad — Makhi i chapo Keuela

¹⁶Hinichi ly Kanan pri khu ta-i ai nai molam, khen paviu ai nai Mosi my pato nai khumichi ne. Mosi my Nun i chapo Hosea ai ly Josua, nanai amyn ka-reu pathi nai ne.

¹⁷Mosi ly nichi ai pato nai khala, “Nangchi ly hi i dengdairei tosyh ngan mang y chei iy, Kanan pri tokalawi mang y kun ly mawi aheungchi mang y lyn u.

¹⁸Huni pri ly ati mana nai pri mo, khumi vuikanai majirei awm mo, pri mana tanrei khaw mo, nanai khen u.

¹⁹Huni pri ly awm ai nai hawi mo, hawi y mo, nanai py, marychi ly apai tapang nai awm mo, by y mo, nanai py, amtangra awm nai mary ne mo, ny y mo, nanai py khen u.

²⁰Huni pri ly paitiu khuta thym mo, thym y mo, daichi thengreung pui ne mo, ny y mo, nanai py khen u. Naibaly huni pri i theu nai thengthai phyrei py syn u,” napi. (Huni neng ly kreip athai myn amteaung nai neng ne.)

²¹Hunaibaly nichi ly tosyh ngan mang y chei u i, huni pri tokalawi Zin daichi ka-vym tosyh mang Hamath mawi aleaung sala i Rehob mary y khrairei pri khen paviu u bo.

²²Angchei y nichi ly huni pri tokalawi mang y chei iy, khumi pui Anakim cheng kangpreang ne nai Ahiman nupaichi, Shesai nupaichi hawi Talamai nupaichi awm nai Hebron mary y tym u bo. (Hebron mary ly Aikupta pri i Zoan mary so y rai nai saneng saryhrei ka-khan khala sa nai mary ne.)

²³Naibaly nichi ly Esakola leaunghawira tym u nai kha y kreip athai phrawn harei kaleng u baw bo. Huni kreip athai phrawn ly ji parai nai deaungkho y, khumi leaung nyhrei my samtleang hawi angjeaung na. Nichi ly Thaitleung athai hawi Thaidu athai phyrei py syn u nai ne.

²⁴(Israela chengchi ly kreip athai phrawnrei kaleng baw nai deaungkho y, huni meingtym ai Esakola leaunghawi, nanai amyn pathi bo.)

²⁵Khen paviu naichi ly Kanan pri y kani vui palyhrei khen paviu u chum baly,

²⁶Mosi, Aron hawi Israela khumi humchi i tai naira Paran daichi ka-vymra i Kadesa tai naira mang y vawi u ali teang bo. Nichi ly huni pri y niu nai ngierei amti pi iy, nichi my syn nai thengthaichi py patei u nai ne.

²⁷Nichi my Mosi teng y, “Kaichi ly huni pri y khu ta-i ai nai khen paviu i, huni pri ly teicha teinei kawi iy, paitiu khuta thym, nanai pany bo. Hini thengthaichi ly huni pri i theu nai thengthaichi ne.

²⁸Na i py huni pri y awm nai khumichi ly atho awm parai tlai iy, nichi i marychi ly len py len, apaichi py khaw parai nai ne. Huni khyh ny y rai, khumi pui i kangpreangchi ai py kaniu u bo.

²⁹Amalek khumichi ly huni pri i tokalawi mang y awm; Hiti cheng, Jebusi cheng hawi Amori chengchi ly mawi aheung y awm; Kanan chengchi ly mrethe pangli peang hawi Jordan tavo jawnbai jeungreira y awm u nai ne,” napi u bo.

³⁰Na i py Kaleb ly Mosi i mo y josei tangam naichi teng y, “Achi ly vaimy huni pri y kun iy tiu vui sina; achi my huni pri ai tiu baly pajau ai nai atho awm nai ne,” nanai thui i, josei tangam nai anawn hai bo.

³¹Na i py Kaleb hawi vanrei abang nai khumichi my ly “Achi ly huni pri ai tiu pajau y leang; huni pri i khumichi ly achi tleaung y atho awm,” napi u.

³²Naibaly nichi ly mymychi khen paviu nai pri i satang teng y naichi, Israela chengchi theung y ahei hai bo. Nichi my, “Huni pri y huni pri khumichi i vui malawn py, amti amjang ka-lawn pa-rei theu y leang. Kaichi niu nai khumichi ly khri pa-rei jeng asang parai.

³³Kaichi ly Anakim i kangpreang khumi puichi ai py kaniu; kaichi kaniu u nai ly achi ly nichi i mo y akhuchi kamta theangchichy khyh, nichi my achi ai akhuchychi kamta ang niu ai,” nanai thui pi u bo.