Read Khumi Chin Kati Nai 2 Bible Online

Kati Nai 2 - Khumi Chin bible

Kati Nai 2

¹ARENG ly Mosi hawi Aron nini teng y hina nai kamta leu pei bo.

²Israela chengchi ly tai u nai khala, khumi luteng amy i tavai kamkawm tamkhawn hawi amy nupai i tamkhawn anui y meingtym la ai nai tla. Israela chengchi ly Tabynako teng ka-ki tai u ai nai tla.

³Nisi mang phei Juda tavai kamkawm tamkhawn anui y hina nai kamta kamkawm akachu iy, amymychi i luchi hawi tai u ai nai tla. [Theaung] — [Lu sa nai keung] — [Vuikanai] Juda — Amminada i chapo Nashon — 74,600 Isakhar — Zuar i chapo Nethanela — 54,400 Zebulun — Helon i chapo Eliaba — 57,400 — bawibawi: — 186,400 Juda i tavai kamkawm ly mo mang y amsa man ai nai tla.

¹⁰Tokalawi mang phei y Ruben i tavai kamkawm tamkhawn anui y hina nai kamta kamkawm akachu iy, amymychi i lu sa naichi hawi tai ai nai tla. [Theaung] — [Lu sa nai keung] — [Vuikanai] Ruben — Sedeur i chapo Elizura — 46,500 Simeon — Zurishadai i chapo Shelumiel — 59,300 Kad — Deuela i chapo Eliasapha — 45,650 — bawibawi: — 151,450 Ruben i tavai kamkawm ly pa-nyh amsa ai nai tla.

¹⁷Naibaly mo mang i tavai kamkawm nyhrei hawi nithun mang i tavai kamkawm nyhrei amsa nai sala y, Levi theaungchi ly Tabynako angjeaung iy tako u ai nai tla. Tavai kamkawm ha harei ly tai nai khala, tamkhawn anui y meingtym la nai ka-thui ka-thui amsa ai na tla.

¹⁸Nidym mang pheirei y Ephraim tavai kamkawm i tamkhawn anui y hina nai kamta kamkawm ka-lyp amymychi i luchi hawi tai u ai nai tla. [Theaung] — [Lu sa nai keung] — [Vuikanai] Ephraim — Ammihu i chapo Elishama — 40,500 Manase — Pedazur i chapo Kamaliela — 32,200 Benjamin — Kideoni chapo Abidan — 35,400 — bawibawi: — 108,100 Ephraim i tavai kamkawm ly pa-thom y amsa ai nai tla.

²⁵Tosyh mang pheirei Dan tavai kamkawm i tamkhawn anui y hina nai kamta kamkawm ka-lyp amymychi i luchi hawi tai u ai nai tla. [Theaung] — [Lu sa nai keung] — [Vuikanai] Dan — Ammisadai i chapo Ahieza — 62,700 Aser — Okran i chapo Pakiela — 41,500 Naphtali — Enan i chapo Ahira — 53,400 — bawibawi: — 157,600 Dan i tavai kamkawm ly kangkhym kangtem y amsa ai nai tla.

³²Israela chengchi i tavai kamkawm ka-lyp vuikanai bawibawi ly 603,550 rei ne.

³³ARENG my Mosi teng y leu pei nai kamta, Levi theaungchi ly Israelachi ai amyn la naira y abawi y.

³⁴Israela chengchi ly ARENG my Mosi teng y leu pei nai kamta sa u bo. Tavai thau nai khala nupai ka-lyp amsa u nai ne.