Read Khumi Chin Kati Nai 25 Bible Online

Kati Nai 25 - Khumi Chin bible

Kati Nai 25

¹Israela chengchi ly Akasia leaunghawira tai u nai thym khala, neampachochi ly huni meingtym y awm yb nai Moba neampachychi hawi tamang u nai ne.

²Huni neampachychi my Moba tameuh teng y apathyp nai pawi sa naira y nichi ai palau. Israela chengchi ly Peor meingtym i Bala tameuh teng y apathyp nai teicha teinei cha iy,

³Peor i Bala tameuh ai py chiu u. Hunai deaungkho y ARENG ly nichi ai kado theu hai i,

⁴Mosi teng y, “Kai i kado katheu rym ai nai Israela cheng lu sa nai bawibawichi ai patheu iy, khumi mipuichi mo y kani thun teng[6]khala padei pawn,” napi.

⁵Mosi ly Israela cheng theaung ka-thui lu sa naichi teng y, “Nangchi leaung leaungrei ly nangchi cheng theaung theung i Peor meingtym Bala tameuh ai chiu nai khumi bawibawichi ai tleh pawn ai nai tla,” napi.

⁶Mosi hawi Israela cheng bawibawichi ly ARENG i awmra Tabynako katheu pa-khora y paleung si vo tangam nai thym khala, Israela neampacho leaungrei ly Mosi hawi mipuichi i mei ka-niu y my, Midian neampachy leaungrei ai mymy i tai theung y pahawi jo nai niu u.

⁷Pathyp pi nai keung Aron i katu, Eleaza i chapo Phineha ly huna nai niu khala, mipuichi theung i tivi atheu naimy,

⁸huni neampacho hawi neampachy nini i awm nai tai theung y hui jo, naibaly tivi hawi nini leaung nyhrei ai thun ka bo. Huna nai kamta Israela chengchi ai dei hai nai no kanghawi ly anawn bo.

⁹Na i py huni no kanghawi y khumichi ly leaung 24000 rei dei nai ne.

¹⁰ARENG my Mosi teng y,

¹¹“Phineha i sa nai molam y Israela mipuichi tlang tleaung y kai i kado theu nai ly rym bo. Ni y kai ai ny y baly tameuh takhrachi ai chiu vui nai kham pajau y; hunaibaly kai ly kado theu nai molam y Israela chengchi ai katamyh y bo.

¹²Hunai deaungkho y kai ly deungtasarei khaw jojo ai nai Leu Maikawm nichi hawi asa ai, nanai ni teng y thui pi.

¹³Ni ly kai ny y baly tameuh takhra ai niu ngai y nai deaungkho y, Israela chengchi i kamngo lawi ai nai sa pi nai molam y, ni hawi ni i kangpreangchi ly pathyp pi nai keung y amtym hai jojo ai,” napi.

¹⁴Midian neampachy hawi vanrei dei nai Israela neampacho amyn ly Simeon theaung yhm dengtheung i miteaung keh, Salu i chapo Zimri ne.

¹⁵Neampachy i amyn ly Kozabi ne. Ni i ampo Zura ly Midian nupai hareira y miteaung keh ne.

¹⁶ARENG my Mosi teng y,

¹⁷Midian chengchi ai tamyh vui ba.

¹⁸Ati ma nai mo na baly nichi ly peor meingtym y nangchi ai tapawp iy, atlym hai nai molam py, huni meingtym y no kanghawi y dei nai Kozabi i molam py, Midian chengchi ai tiu iy tamyh vui jau,” napi.