Read Khumi Chin Kati Nai 26 Bible Online

Kati Nai 26 - Khumi Chin bible

Kati Nai 26

¹No kanghawi bo baly, ARENG my Mosi hawi Aron i chapo Eleaza teng y,

²“Israela cheng bawibawichi theung i saneng apomrei hawi apomrei leng awm iy, tavai thau pajau nai yhm dengtheung ka-thui ka-thui neampacho leila amyn lo achu,” napi.

³Mosi hawi Eleaza nini ly leu tangai i, saneng apomrei hawi apomrei leng neampacho ka-cheang bawibawichi ai palau achu. Nichi ly Jeriko mary kangka Jordan tavo peang i, sahawi Moba adymra y jeu u achu bo. Aikupta pri i dengdairei theu u nai saneng apomrei hawi apomrei leng Israela neampachochi ly hinichi ne:

⁴

⁵Ruben theaungra i nupaichi ly (Ruben ly Jakob i chapo chalu ne.) Hanoh nupai, Pallu nupai,

⁶Hezaron nupai hawi Karmi nupaichi ne.

⁷Hini nupaichi i neampacho vuikanai ly 43,730 rei ne.

⁸Pallu i kangpreangchi ly Eliaba hawi,

⁹ni i chapo Nemuela, Dathan hawi Abiramchi ne. (Dathan hawi Abiram nini ly khumi mipuichi my vawi takhra nai lu ne iy, Mosi nini Aron i leu tangai y nai korah nithun abang naichi hawi vanrei ARENG ai tiu hawi nai ne.

¹⁰Hunai deaungkho y nichi ai ly korah nithun abang naichi hawi vanrei, khaileaung my pajawn vui nai ne. Huni kani y my mai kangveaung tla hai i, khumi leaung 250 rei ai kang vui bo. Huni ly khumichi ai pany hai vau nai leaungsai ne.

¹¹Na i py korah i chapochi ly deira i nai law tleaung u bo.)

¹²Simeon i theaungra i nupaichi ly Nemuela nupai, Jamin nupai, Jakhin nupai,

¹³Zerah nupai hawi Saula nupaichi ne.

¹⁴Huni nupaichi i neampacho vuikanai ly leaung 22,200 rei ne.

¹⁵Kad theaungra i nupaichi ly Zephon nupai, Haki nupai, Shuni nupai,

¹⁶Ozani nupai, Eri nupai,

¹⁷Arod nupai hawi Areli nupaichi ne.

¹⁸Hini nupaichi i neampacho vuikanai ly leaung 40,500 rei ne.

¹⁹Juda theaungra i nupaichi ly (Juda i chapo Era hawi Onan nini ly Kanan pri y dei hawi veng bo.) Shela nupai, Perez nupai, Zerah nupai, Hezaron nupai hawi Hamula nupaichi ne.

²⁰

²¹

²²Hini nupaichi i neampacho vuikanai ly leaung 76,500 rei ne.

²³Isakar theaungra i nupaichi ly Tola nupai, Puah nupai,

²⁴Jasub nupai, Simron nupaichi ne.

²⁵Hini nupaichi i neampacho vuikanai ly leaung 64,300 rei ne.

²⁶Zebulun theaungra i nupaichi ly Sered nupai, Elon nupai hawi Jahaleela nupaichi ne.

²⁷Huni nupaichi i neampacho vuikanai ly leaung 60,500 rei ne.

²⁸Josepha theaungra i ly Manase hawi Ephraim ne. Josepha ly Manase hawi Ephraim nini i ampo ne.

²⁹Manase theaung, Manase i chapo Makhira ly Kilead i ampo ne. Kilead kangpreang nupaichi ly:

³⁰Iezera nupai, Heleka nupai,

³¹Asariela nupai, Shekhem nupai,

³²Shemida nupai hawi Hephera nupaichi ne.

³³Hephera i chapo Zelophehad ly chapo so y, chaniuchi naini sa khyh. Huni chaniuchi i amyn ly Mahlah, Noah, Hokalah, Milaka hawi Tirzah ne.

³⁴Hini nupaichi i neampacho vuikanai ly leaung 52,700 rei ne.

³⁵Ephraim theaungra i nupaichi ly Shuthela nupai, Bekera nupai hawi Tahan nupaichi ne.

³⁶Eran nupaichi ly Shuthela i kangpreangchi ne.

³⁷Huni nupaichi i neampacho vuikanai ly leaung 32,500 rei ne. Hini nupaichi ly Josepha i kangpreangchi ne.

³⁸Benjamin theaungra i nupaichi ly Bela nupai, Asabela nupai, Ahiram nupai,

³⁹Sephupham nupai hawi Hupham nupaichi ne.

⁴⁰Arad nupai hawi Naaman nupaichi ly Bela i kangpreangchi ne.

⁴¹Hini nupaichi i neampacho vuikanai ly leaung 45,600 rei ne.

⁴²Dan theaungra i nupai ly Shuham nupai ne.

⁴³Hini nupai i neampacho vuikanai ly leaung 64,400 rei ne.

⁴⁴Aser theaungra i nupaichi ly Imnah nupai, Isavi nupai hawi Beria nupaichi ne.

⁴⁵Hebera nupai hawi Malkhiela nupaichi ly Beria i kangpreangchi ne.

⁴⁶Aser ly Serah napi nai chaniu leaungrei awm khyh.

⁴⁷Hini nupaichi i neampacho vuikanai ly leaung 53,400 rei ne.

⁴⁸Naphtali theaungra i nupaichi Jahazeela nupai, Kuni nupai,

⁴⁹Jeza nupai hawi Shilem nupaichi ne.

⁵⁰Hini nupaichi i neampacho vuikanai ly leaung 45,400 rei ne.

⁵¹Israela cheng neampacho ka-cheang bawibawi i vuikanai ly leaung 601,730 rei awn nai ne.

⁵²ARENG ly Mosi teng y,

⁵³“Khumi theaungchi i vuikanai nawi, di ka-ly khen iy Kanan pri phy paji pi.

⁵⁴Khumi vuikanai nawi nai theaungchi i vui ly khaileaung nawi kyh nai mo, khumi vuikanai di nai theaungchi i vui ly khaileaung di kyh nai mo, tambe va iy phy pi ai nai tla,” napi.

⁵⁵

⁵⁶

⁵⁷Levi theaungra y karashon nupai, kohath nupai hawi Merari nupaichi abawi nai ne.

⁵⁸Nichi kangpreang theung y Libni nupai, Hebron nupai, Mahli nupai, Mushi nupai hawi korah nupaichi abawi nai ne. kohath i chapo Amram ly

⁵⁹Levi i chaniu Jokebed i juvo ne. Jokebed ai ly Aikupta pri y tapen; Amram hawi Jokebed nini ly chapo Aron hawi Mosi, chaniu Miriamchi ai sa.

⁶⁰Aron ly Nadab, Abihu, Eleaza hawi Ithama napi nai chapo leaung palyhrei ai sa.

⁶¹Nadab hawi Abihu nini ly ARENG teng y talam ngau y nai mai hawi maichamra talam lawh nai deaungkho y dei hawi bo.

⁶²Levi theaungra y lorei hawi lorei leng awm nai neampachochi i vuikanai ly leaung 23,000 rei awm nai ne. Nichi ly Israela pri theung y khaileaung phy ngo y nai deaungkho y, Israela cheng vui kanaichi theung y abawi y naimy, amyn la takhra nai ne.

⁶³Hini khumi vuikanaichi ly Mosi hawi Eleaza nini my Jeriko mary kangka Jordan tavo peang i, Moba adym y Israela chengchi ai nupaichi ka-thui ka-thui amyn la achu nai ne.

⁶⁴Hini khumi vuikanai ly Mosi hawi Aron nini i Sinai daichi ka-vym theung y, angchei i amyn la achu nai neampacho ka-cheang leaungrei py abawi y nai ne.

⁶⁵Huni khumi bawibawichi ly ARENG my daichi ka-vym theung y dei u be be ai, nanai leu thui yb nai kamta, Jephonneh i chapo Kaleb hawi Nun i chapo Josua nini ny y baly, bawibawichi ly dei bebe nai ne.