Read Khumi Chin Kati Nai 28 Bible Online

Kati Nai 28 - Khumi Chin bible

Kati Nai 28

¹ARENG my Mosi teng y,

²Israela chengchi ly Tameuh my kawn nai teicha teinei katalamrachi ai dawn yb nai neng khala talam ai nai tla, nanai leu pei nai ne.

³Hini teicha teinei talam nairachi ly ARENG teng y talam ai naichi ne: Kani tleirei leng patlum nai katalamra i vui ly no-na by y iy sanengrei awm khyh nai beram katai nyhrei talam ai nai tla.

⁴Beram cho harei nai ly khawn mang y talam iy, harei nai ly dym mang y talam ai nai tla.

⁵Beram ha harei hawi vanrei, tako dei sie thomrei hawi, hawi keh nai olive asitui palang nyhrei katlen nai teicha teinei katalamra py talam ai nai tla.

⁶Hini katalamra ly kani tleirei angym pa-rei leng patlum nai katalamra ne. Hini katalamra ly Sinai mawi y apathyp angchei nai katalamra ne i, huni i mui kahawi ai ly ARENG my kawn pi nai ne.

⁷Angchei i beram hawi vanrei, maicham tleaung y kreip hang palang nyhrei leih iy, kreip hang katalamra kamta talam ai nai tla.

⁸Dym mang y pa-nyh beramcho ai talam nai khala py, khawn mang y talam nai kamta kreip hang katalamra abawi iy talam ai nai tla. Huni katalamra py kapathypra ne i, huni i mui kahawi ai ly ARENG my kawn pi nai ne.

⁹Anawn kani y katalamra ly no-na by y iy, sanengrei awm khyh nai beram katai nyhrei, olive asitui hawi tako dei sie pangrei katlen nai teicha teinei katalamra, kreip hang katalamrachi talam ai nai tla.

¹⁰Kani tleirei leng patlum nai katalamra hawi kreip hang katalamra talam nai bo y, hini leng patlum nai katalamra ly Anawn kani tleirei talam ai nai tla.

¹¹Losi kani ha tleirei, ARENG teng y no-na by y nai si katai beaungjeaung nyhrei, beram katai harei hawi sanengrei awm khyh nai beram katai saryhrei leng patlum ai nai tla.

¹²Teicha teinei katalamra y olive asitui hawi katlen nai tako dei talam ai nai tla. Si katai ha harei hawi vanrei, tako dei sie saryhrei py, beram katai hawi vanrei tako dei sie pangrei py,

¹³beram cho ha harei hawi vanrei, tako dei sie thomrei py talam ai nai tla. Hini leng patlum nai talam nairachi ly teicha teinei katalamrachi ne i, huni i mui kahawi ai ly ARENG my kawn pi nai ne.

¹⁴Huni leng patlum nai kapathypra hawi vanrei talam nai kreip hang ly si katai ha harei hawi vanrei kreip hang palang palyhrei, beram katai hawi vanrei kreip hang palang thomrei, beram cho ha harei hawi vanrei kreip hang palang nyhrei talam ai nai tla.

¹⁵Kani tleirei talam nai leng patlum nai kapathypra hawi vanrei, kreip hang katalamra bo y, mi-i katai harei py kamngo pahen nai kapathypra palawn iy talam ai nai tla.

¹⁶Saneng tleirei angchei lo i kani holai palyhrei kani y ARENG i nang parai nai ai palo nai Katlen vui nai Pawi sa ai nai tla.

¹⁷Kani holai pangrei kani dengdairei amteaung iy kani saryh khrairei, huni pawi sa ai nai tla. Huni pawi sa nai thym khala angbo abawi y nai tako cha ai tla.

¹⁸Pawi angchei kani y nangchi bawibawi achu iy, chiu sa ai nai tla, huni kani y kalop sa ai nai tlo y.

¹⁹ARENG teng y teicha teinei talam nai katalamra palawn iy, no-na by y nai si katai beaungjeaung nyhrei, beram katai harei hawi, sanengrei awm khyh nai beram katai saryhrei, leng patlum nai talam ai nai tla.

²⁰Leng patlum nai katalamra hawi vanrei, teicha teinei katalamra y olive asitui katlen nai tako dei talam ai tla. Si katai ha harei hawi vanrei tako dei sie saryhrei py, beram katai hawi vanrei tako dei sie pangrei py,

²¹beram cho ha harei hawi vanrei tako dei sie thomrei py talam ai nai tla.

²²Kamngo pahen nai katalamra y mi-i katai harei py talam ai nai tla. Hina nai kamta khumichi i vui reita leaungsai y kachai sa pi ai nai tla.

²³Khawn tleirei leng patlum nai katalamra bo y, hini katalamrachi py talam ai nai tla.

²⁴Hina nai kamta kani saryh khrairei, ARENG teng y teicha teinei katalamra talam ai nai tla. Huni i mui kahawi ai ly ARENG my kawn pi nai ne. Kani tleirei leng patlum nai katalamra hawi kreip hang katalamra bo y, hini kapathypra py talam ai nai tla.

²⁵Saryh kani y jeu achu iy chiu sa ai nai tla. Huni kani y kalop sa ai nai tlo y.

²⁶Nangchi ly chohboleh pawi sa nai angchei kani y, ARENG teng y changtha talam nai khala, jeu achu iy chiu sa ai nai tla, huni kani y kalop sa ai nai tlo y.

²⁷Nangchi ly no-na by y nai si katai beaungjeaung nyhrei, beram katai harei hawi sanengrei awm khyh nai beram katai saryhreichi ai, ARENG my kawn nai mui kahawi palawn ai nai leng patlum ai nai tla.

²⁸Huni leng patlum nai hawi vanrei, olive asitui katlen nai tako dei ly teicha teinei katalamra palawn iy talam ai nai tla. Si katai ha harei hawi vanrei tako dei sie saryhrei py, beram katai hawi vanrei tako dei sie pangrei py,

²⁹beram cho ha harei hawi vanrei tako dei sie thomrei py talam ai nai tla.

³⁰Huni bo y kamngo pahen nai katalamra i vui y, mi-i katai harei py talam ai nai tla. Hina nai kamta khumichi i vui reita leaungsai y kachai sa pi ai nai tla.

³¹Kani tleirei leng patlum naira katalamra hawi teicha teinei katalamra bo y, hini katalamrachi hawi kreip hang katalamra py talam ai tla nai ne.