Read Khumi Chin MIKHA 4 Bible Online

MIKHA 4 - Khumi Chin bible

MIKHA 4

¹Mo mang i neng y Achura yhm awm nai mawi ly asang keh nai mawi lawm ai. Mawi bawibawichi tleaung y py asang ai. Khumi cheng neangneangchi ly huni mawi mang y jeu achu iy,

²“Tameuh i Achura yhm awm nai ARENG i mawi mang y kalau u sina. Mymy ly achi ai, mymy i kangai hawi vanrei awm ai nai patiu pi ai. Mymy i lam patei nai kamta tako u ai. Mymy i reita leu ly Zion mawi i dengdairei py, ARENG i leu pei nai ly Jerusalem mary i dengdairei py, ang tym nai ne,” nanai thui u.

³Kamlo kangsara y awm nai atho awm nai prichi i, ka-jo ka-thuichi padyh padawi pi ai. Nichi ly mymychi i akeibochi, li thawn tamochi palawn ai nai py, tivichi ai changpi kalei nai akeichi palawn ai nai py thip u ai. Pri tengtawi tavai atiu bi ai ny y. Tavai atiu ai nai angveirym nai py, awm bi ai ny y.

⁴Khumi luteng ly mymychi i kreip akho, mymychi i thaidu keung akho theung y jei y naimy, tlamsa nai awm ai nai nga u ai. Hini ly ati cheaungkhang sa thai nai ARENG my pei nai leu ka-deu ne.

⁵Khumi cheng bawibawichi ly mymychi i tameuhchi ai chiu u akyhkyh iy leu tangai u teu i py, achi ly achi i ARENG Tameuh ai deungtasa khrairei chiu iy leu tangai ai.

⁶ARENG my, “Kaimy kapajeng nai, pri pala naira avum nai khumichi ai, kaimy kalym kalawi teang nai neng ly tym ai nai kasa bo.

⁷Nichi ly kheu tabai naimy, yhm i dengdairei kamlora y tym u nai ne. Na i py kai ly dei kamthumchi ai atho awm nai khumichi lawm hai ai. Kai ly Zion mawi salo y nichi ai, vai i dengdairei deungtasa khrairei ka-peang ai,” napi.

⁸Tameuh my angdeangra mang dengdairei, mymy i khumichi ai beram typ keung kamta kry nai meingtym Jerusalem mary awi, nang ly hini pri i mary pui lawm reng nai kamta, vai py mary pui lawm ai.

⁹Nang ly ati mana nai y tao pajeng parai naimy aeu lawh mo? Deaungdi tapen nai neampachy kamta, ati mana nai no patang naira avum lawh mo? Nang ai peang nai samrang by y nai deaungkho y a? Nang i adeng ahui nai khumichi dei pawn nai deaungkho y a?

¹⁰Jerusalem mary i khumichi awi, vaimy nangchi ly mary khai su iy, daichi theung y awm u ai nai deaungkho y, deaungdi tapen nai neampachy kamta, tlang a-i-eng iy tangam naimy awm u. Nangchi ly Babulon pri mang y chei u ai nai tla ai. Na i py huni meingtym y ARENG ly nangchi ai paleung ka-echi teng i nai atleu ai.

¹¹Khumi cheng neangneangchi ly nangchi ai tiu ai nai, jeu achu u bo. Nichi my, “Jerusalem mary taphra u sina! Achi ly mary kaphra niu nai deaungkho y amo theu u ai!,” nanai thui u bo.

¹²Na i py ARENG i dawn yb nai ly mana mo, nanai huni prichi ly pany u y. Choh ati ai nai talangra y kachu nai kamta, mymy ly nichi ai pajeng ai nai pangym achu hai nai nichi pany u y.

¹³ARENG my, “Jerusalem mary i khumichi awi, paleung ka-echi ai tiu ai nai chei u! Kai ly nangchi ai tamo taki hawi kheupaja muikenchi awm nai si katai kamta, atho awm hai ai. Nangchi ly pri neangneangchi ai ati piupa pajau nai deaungkho y, ta-li ta-pang hawimy nichi i nga nai yhmtheaung katuichi ai lawm vui iy, kani khaileaung peang nai keung kai, Areng teng y talam u,” napi.