Read Khumi Chin ZEKHARIAH 7 Bible Online

ZEKHARIAH 7 - Khumi Chin bible

ZEKHARIAH 7

¹Empara samrang Dari my peang nai palyh saneng, Kisule lo napi nai takawrei lo, kani palyhrei kani y ARENG ly kai teng y leu pei bo.

²Bethela mary i khumichi ly ARENG teng i amtheaung naira hnei u ai nai py, kaichi ly Achura yhm phra nai molam y, saneng neangneang kasa u nai kamta, lo pangrei khala biu hai iy paleung si nai ka-ma-ra patei ai nai tla ai a?” nanai deng u ai nai py, Shareza, Rekemeleh hawi nichi i khumichi ai, ati cheaungkhang sa thai nai ARENG i Achura yhm i dengdairei, pathyp pi nai keungchi, amochi teng y pato u bo.

⁴Hini ly kai teng y ARENG my pei nai leu ne.

⁵Mymy ly “Mipuichi hawi pathyp pi nai keungchi ly saneng vui saryh ryrei, pa-ngo lo hawi saryh lo theung y biu hai iy, paleung si nai ka-ma-ra patei u nai ly kai ai tahm pasang nai ny y.

⁶Cha pawi, nei pawi sa u nai py, mymychi kangai dam ai nai teu,” napi.

⁷Hini ly Jerusalem mary nang chawn nai neng khala y, jangni amochi deung y ARENG my pei nai leu ne. Huna nai khala mary sahawi i avangchira y naini, khumi neangneang awm u nai ny y. Tokalawi ngan mang y hawi nidym ngan mang i mawi kheutangchira y py awm u nai ne.

⁸ARENG ly Zekhariah teng y hina nai leu pei.

⁹“Jangni y kai ly kaimy i khumichi teng y, ‘Nangchi ly leu meitang adyh adawi iy, leaung leaungrei apahen leungtang ai nai tla.

¹⁰Neampachy lumaichi, nuro nukaichochi, pri takhrachochi, ti y baly kamawn kateuchi ai ano u moh; leaung leaungrei ai, patang hai ai nai tau u moh,’ napi.

¹¹“Na i py kai i khumichi ly dawndan u y naimy, paleung tang u i, kai i leu tangai u y. Nichi ly mychi i kano tamym u.

¹²Mychi i paleung ai lengseaung kamta tang hai u bo. Ati mana nai mo na baly jangni i amochi dengdairei leu pei naichi tangai y nai deaungkho y, ati cheaungkhang sa thai nai ARENG ly khri pa-rei kado theu nai ne.

¹³Nichi ly kai i leu pei nai tangai u y nai deaungkho y, ati cheaungkhang sa thai nai ARENG ly nichi i chiu sa nai raawi tangai pi y.

¹⁴Ali kamchai kamta aho hai iy, pri takhra mang y ahei hai pawn bo. Hini hawi nai pri py, khumi angso savai tlang nai meingtym lawm vui bo,” napi.