Read Khumi Chin MALAKHI 4 Bible Online

MALAKHI 4 - Khumi Chin bible

MALAKHI 4

¹Ati cheaungkhang sa thai nai ARENG my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

²Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

³Kai i tara chih ai nai neng kani khala y, khumi hawi y naichi ai eaung naira nga u ai. Nichi ly nangchi kheu padawi anui i spryh kamta lawm ai.

⁴“Kai i miseaung Mosi i reita leuchi ai py, Israela chengchi tangai u ai nai Sinai Mawi salo y ni teng y kaimy pei nai Reita leaungsaichi hawi reita tanynchi py, pany u jo ba.

⁵“Na i py khri pa-rei ka-jei awm nai neng kani tym y rai khala, kai ly amo Elija ai nangchi teng y kang pato ai.

⁶Ni ly ampochi hawi cho chanauchi ai, pangym pi ali teang ai; huti y baly kai kang jeu iy nangchi i pri taphra ai,” napi.