Read Khumi Chin MATTHAI 1 Bible Online

MATTHAI 1 - Khumi Chin bible

MATTHAI 1

¹Hini ly Isu Krista ampreng nai keungchi i satang ne; mymy ly Davida i kangpreng hawi Abraham i kangpreng ne;

²Abraham ly Isaka ai sa; Isaka ly Jakob ai sa; Jakob ly Juda hawi amnauchi ai sa;

³Juda ly Tamari i tapen nai Pharesa nini Zerah ai sa; Pharesa ly Esrom ai sa; Esrom ly Aram ai sa;

⁴Aram ly Aminadab ai sa; Aminadab ly Nashon ai sa;

⁵Nashon ly Salmon ai sa; Salmon ly Rahabi i tapen nai Boaza ai sa; Boaza ly Ruthi i tapen nai Obeda ai sa; Obeda ly Jesai ai sa;

⁶Jesai ly samrang Davida ai sa. Naibaly Davida ly Uria aju tavau i tapen nai Solomon ai sa;

⁷Solomon ly Rehoboam ai sa; Rehoboam ly Abia ai sa;

⁸Abia ly Asa ai sa; Asa ly Jehosaphata ai sa; Jehosaphata ly Joram ai sa; Joram ly Uzia ai sa; Uzia ly Jotham ai sa;

⁹Jotham ly Ahaza ai sa; Ahaza ly Hezekia ai sa; Hezekia ly Manasia ai sa;

¹⁰Manasia ly Amon ai sa; Amon ly Josia ai sa;

¹¹Judachi ai Babulon pri y miseaung y hawi nai thym khala y, Josia ly Jekonia hawi amnauchi ai sa.

¹²Naibaly Judachi ai Babulon pri y miseaung y hawi nai bo y Jekonia ly Salathiela ai sa; Salathiela ly Zerubabela ai sa;

¹³Zerubabela ly Abiuda ai sa; Abiuda ly Eliakim ai sa;

¹⁴Eliakim ly Azara ai sa; Azara ly Sadoka ai sa; Sadoka ly Akima ai sa;

¹⁵Akima ly Eliuda ai sa; Eliuda ly Eleazara ai sa;

¹⁶Eleazara ly Mathhana ai sa; Mathhana ly Jakob ai sa; Jakob ly Krista napi nai Isu ai tapen nai Mari i juvo josepha ai sa.

¹⁷Hunaibaly Abraham i dengdairei Davida ryrei deung bawibawi ly deung holai palyhrei awm; naibaly Davida i dengdairei Babulon pri y miseaung y hawi nai ryrei ly deung holai palyhrei awm teang; naibaly Babulon pri y miseaung y hawi nai dengdairei Krista tym pa-rei ly deung holai palyhrei awm bo.

¹⁸Naibaly Isu Krista ai tapen nai sai ly hinai kamta ne; Mymy i amhm Mari ai ly Josepha my angam nai bo y, nini ly apom y rai kha y Phailo Kachai my deaungdi aniu hai, nanai pany bo.

¹⁹Hunaibaly mymy i juvo Josepha ly khumi kahawi ne i, amthang hai leaung ai nai ngai y nai kangviu y anaw veng ai nai tau bo.

²⁰Na i py mymy ly huni leu adawn nai thym khala y khen cham, Areng i kani pri i amtaw thau nai leaungrei ly amang mang y ni teng y amteng i, “Davida i kangpreang Josepha awi, nang i aju mari ai pom ai nai jei moh: mymy i deaungdi aniu nai ly Phailo Kachai i aniu hai nai teu na a.

²¹Mymy ly chapo tapen ai i, nang ly amyn Isu pathi ai nai tla; ati mana nai mo nabaly ni ly mymy i Khumichi ai nichi i kamngo i nai palawi ai,” napi.

²²Naibaly Areng my amo i labeaung y, “Khen cham, anglo kachai ly pawm ai i chapo tapen ai,

²³Ni i amyn ly Emmanuela pathi ai,” nanai thui nai ly tym thai ai nai huni bawibawi ly awm nai bo. (Emmanuela nanai ly, “Achi hawi vanrei awm nai Tameuh,” nanai sai ne.)

²⁴Hunaibaly Josepha ly i ngym nai angthau iy Areng i kani pri i amtaw thau nai my ly mymy teng y leu pei nai kamta sa i, mymy i aju ai ly pom bo;

²⁵na i py chapo tapen y ryrei ly apho y rai; naibaly mymy i amyn ly Isu pathi bo.