Read Khumi Chin MATTHAI 19 Bible Online

MATTHAI 19 - Khumi Chin bible

MATTHAI 19

¹Naibaly hina nai ne, Isu ly huni leu thui pajau iy Kalili pri i dengdairei theu i Jorden tavo vai mang i Judai pri y chei bo;

²naibaly khumi mipui ka-teng ny y nai abang i, mymy ly nichi ai hu y hawi sa pi bo.

³Naibaly Pharisaichi ly mymy teng y chei u i, mymy ai cham ai nai, “Ami my atira y py mymy i aju ai khai ngau ngau a?” napi.

⁴Naibaly mymy ly, “Nini ai sa nai keung my ly angchei khala i dengdairei neampo hawi neampachy nini ai sa iy,

⁵‘Hunai deaungkho y neampacho ly mymy i amhm ampo ai khai su ai i, mymy i aju ai amkhaw ai;

⁶hunaibaly nini leaung nyhrei ly ngan bomrei lawn ai,’ napi nai ly phain u y nai sai a? Hunaibaly nini ly leaung nyhrei ny y i, ngan bomrei lawn bo. Hunai deaungkho y Tameuh my patawm nai ly khumi my taprei moh sy,” napi nai pathang.

⁷Nichi my ly mymy teng y, “Ati mana nai tary Mosi my ly akhai nai cha pei iy, akhai ai nai leu pei lawh be? napi.

⁸Mymy ly nichi teng y, “Mosi ly nangchi i paleung tang nai sai deaungkho y nangchi i aju akhai ai pei nai teu na a; na i py angchei kha i dengdairei hunai kamta ny y leang.

⁹Kai ly kang thui pi, ami py angai nai deaungkho y ny y naimy amy i aju ai kha iy, neampachy takhra ai la nai ngierei ly pajang sa nai bo; naibaly juvo khai nai ai la nai ngierei py pajang sa nai ne,” napi.

¹⁰Abangnaichi my ly mymy teng y, “Aju i molam y neampacho my hunai kamta lawh baly apom ai nai avo y leang y!” napi.

¹¹Mymy ly nichi teng y, “Huni leu ly mymy i pei naichi ny y baly khumi bawibawichi my ly patawm pajau y leang.

¹²Ati mana nai mo nabaly phyreichi ly amhm taku theung i dengdairei meng vui nai ne; phyreichi ly khumichi i sa nai deaungkho y tli nai ne; phyreichi ly kani pri my peang nai vui y tli amlawn nai ne,” napi.

¹³Hunai thym khala y ly nichi i tlang tleaung y mymy i kiu tamam iy, chiu sa pi ai nai mymy teng y deaungdi chychi ai hawi u bo; naibaly abangnaichi my ly nichi ai jo.

¹⁴Na i py Isu my ly, “Deaungdi chychi ai kai teng y jeu ai nai pei u ly, paka u reng moh: kani pri my peang naira ly hina naichi i vui teu,” napi.

¹⁵Naibaly mymy ly nichi i tlang tleaung y kiu tamam i, hu i nai chei vui bo.

¹⁶Naibaly khumi leaungrei ly mymy teng y chei iy, “Sara awi, deungtasarei heng naira kanga thai ai nai kahawi atiti kasa ai mo?” napi.

¹⁷Naibaly mymy ly ni teng y, “Atiti kahawi leu ly ati mana nai kai ai deng mo? Kahawi napi nai ly leaungrei awm khyh; ati py ne sy nang ly heng naira y kun ai nai ngai baly leu pei naichi patawm,” napi.

¹⁸Naibaly ni my ly mymy teng y, “Mani nai mo?” napi. Naibaly Isu my ly, “Nang ly khumi ai padei ai nai tlo y, Pajang sa ai nai tlo y,

¹⁹Paviu ai nai tlo y, Seu rumrang ai nai tlo y, Ngamhm ngampo ai tahm khai; naibaly, Nangmy ai atmen nai kamta nang i saleaungchi ai tamen ai nai tla,” napi.

²⁰Thawndeng my ly mymy teng y, “Huni bawibawi ly kapatawm nai bo; kai ly ati ngai rai mo?” napi.

²¹Isu my ly ni teng y, “Nang ly hawi angym nai awm ai nai ngai baly chei ly, nang i awm nai bawibawi jo iy, kamawnchi teng y pei, hunaibaly nang kani pri y yhmtheaung nga ai; naibaly jeu ly, kai teng y abang,” napi.

²²Na i py thawndeang ly yhmtheaung neangneang awm nai khumi ne nai deaungkho y huni leu thai iy khri pa-rei paleung mawn nai tako vui bo.

²³Naibaly Isu ly abangnaichi teng y, “Meitang khyp kang thui pi, khumi kanang i vui ly kani pri my peang naira y kun ai nai khri pa-rei rai na.

²⁴Naibaly kang thui pi bi ai, khumi kanang Tameuh i peang naira y kun ai nai tleaung y ly kula-iu saprym kho y a-i praw ai nai rai y keh,” napi.

²⁵Naibaly abangnaichi ly huna nai thai u iy, khrikhri pa-rei rengrang tlai napi i, “Hunai nabaly heng naira ami nga pajau ai mo?” napi.

²⁶Naibaly Isu ly nichi ai khen i mymychi teng y, “Huni ly khumichi i vui ly sa pajau ai nai aveng; Areng Tameuh naini ati cheaungkhang sa thai,” napi.

²⁷Naibaly Petera my ly mymy teng y, “Khen cham, kaichi ly ati cheaungkhang khai su iy nang teng y abang bo; naibaly kaichi ly ati nga ai mo?” nanai deng.

²⁸Naibaly Isu my nichi teng y, “Meitang khyp kang thui pi, atiti bawibawi kangtha sa palai bi naira y ly khumi i Chapo ly mymy i nang parai nai atehra y ateh nai khala y ly nangchi, kai teng y abangnaichi ly Israela cheng holai nyhreichi ai tara chih ai nai, nangchi py areng atehra holai nyhrei naira y ateh u teang ai.

²⁹Naibaly khumi ami py kaimy i amyn deaungkho y yhm mo, amjo amnauchi mo, tuichochi mo, ampo mo, amhm mo, chanauchi mo, hlau mo khai jo nai ngierei ly neangneang nga panawi ai i, deungtasarei hengra py nga bi ai.

³⁰Na i py kangman keh y awm nai khumi neangneangchi ly kangkhym kangtem y awm ai; kangkhym kangtem y awm naichi ly kangman keh y awm ai.