Read Khumi Chin MATTHAI 3 Bible Online

MATTHAI 3 - Khumi Chin bible

MATTHAI 3

¹Naibaly hunai thym khala y ly Baptis sa nai Johan ly Judai pri i daichi ka-vym y leu thui nai tym i,

²“Uikhei u, kani pri my peang nai ly kasa bo,” napi.

³Amo Isaia my, “Daichi ka-vym y aeu nai raawi ly,” “Areng i lamlen so u rym ly, Mymy i lam cheaungkhang pataw u,’ napi,” nanai thui nai ly mymy ne he.

⁴Naibaly huni Johan ly kula-iu mui akhiu i, akeng y ly mawipeih khobai py akawm; mymy i cha nai ly akhu tama hawi khawi hang ne.

⁵Hunai thym khala y ly Jerusalem i khumichi hawi, Judai pri i khumi bawibawi hawi, Jordan tavo taku i khumi bawibawi py theu u i,

⁶mymy teng y chei u iy mymychi i kamngo ahui u nai Jordan tavo y mymy teng y baptisma nga u bo.

⁷Na i py mymy ly Pharisaichi hawi Saddukaichi neangneang ly baptisma nga ai nai jeu naichi ai niu baly mymychi teng y, “Pavui i kangpreangchi awi! Kado theu naira ang tym ai nai ly preang veng ai nai ami my ang pachei mo?

⁸Hunaibaly uikhei nai amyn ataing ai nai athai u: ‘Abraham ly kaichi i amsi sangum na a,’

⁹nanai paleung theung y adawn u moh; Tameuh my hini lengseaungchi ai ly Abraham i kangpreang y angdo hai thai na a, kang napi.

¹⁰Vai py dengkeaung pakeung tleirei y atiu khai yb bo; hunaibaly dengkeaung tleirei athai kahawi athai y nai ngierei ly paliu iy mai y aphi nai ne.

¹¹“Kai ly nangchi uikhei ai nai tui hawi baptis kang sa nai teu; na i py kai i nithun y ang jeu ai nai ly kai tleaung y len keh nai ne, kai ly ni i phainai syn ai nai py ataing y leang; mymy ly Phailo Kachai hawi mai hawi baptis ang sa pi ai mang.

¹²Mymy i paho ly kiu y awm, naibaly mymy ly mymy i ho nai meingtym pachai pan iy, mymy i choh ly chenghi y adyh ai, choh ali naini padei pajau y nai mai y leng ai,” napi.

¹³Hunai thym khala y ly Isu ly Johan teng y baptisma nga ai nai Kalili pri i dengdairei Jordan tavo y mymy teng y chei bo.

¹⁴Na i py Johan my ly “Kai ly nang teng y baptisma nga ai nai aly awm, nang ly kai teng y jeu lawh a?” nanai mymy ai paka ai nai tau.

¹⁵Na i py Isu my ni teng y, “Vai avo tanga sy, hinai kamta hawi naira bawibawi patawm ai nai ly ani i vui y apu,” nanai pathang. Hunaibaly avo napi bo.

¹⁶Naibaly Isu ly baptisma nga pajau bo nabaly mymy ly tui theung i dengdairei theu praw: naibaly khen cham, kani am-eaung iy Tameuh i Phailo ly buhu ka-tawm kathiu i, mymy i tlang tleaung y chym nai niu.

¹⁷Naibaly khen cham, kani pri mang i dengdairei raawi ly, “Hini ly kai i Chapo ngai parai nai ne, kai ly mymy i tlang tleaung y khrikhri pa-rei kakawn parai,” napi.