Read Khumi Chin MARKA 16 Bible Online

MARKA 16 - Khumi Chin bible

MARKA 16

¹Naibaly Anawm Kani bo y ly Mari Makdilini hawi, Jakob i amhm Mari hawi, Salomi py mymy ai kaleu ai nai chei thai ai nai atiti rimui van u bo.

²Naibaly kani saryhrei nai angchei i kani, khawn angthodyh y kani si nai bo y nichi ly angawm y tym u.

³Naibaly mymychi tengtawi, “Angawm pa-kho i lengseaung ly ami my ang pali pi vui ai mo hi ly?,” na u dudu nai thym khala y my angdeng i,

⁴lengseaung ly angawm pa-kho i nai amli pi vui nai angchi niu u ryp: huni ly khri pa-rei len na.

⁵Naibaly nichi ly theung y kun iy, thawndeang leaungrei kanih kangleung akhiu nai lamtang mang y ateh nai niu i, khri pa-rei paleung bi na.

⁶Hunaibaly mymy ly nichi teng y, “Paleung bi u moh; nangchi ly kraws tleaung y tahen chum nai Nazaret avang Isu ai ly hau u nai ngaw khyh: ni ly angthau teang veng bo: mymy ly hi y by y leang bo: nichi i mymy ai paseaung nai meingtym khen u cham!

⁷Na i py tako u ly, abangnaichi ai hawi Petera teng y py, ‘kalili pri y nangchi i mo y ang tako bo; nangchi teng y thui pi nai kamta khyp my nangchi ly hu y mymy ai niu ai mang,’ nanai thui pi,” napi.

⁸Hunaibaly nichi ly kaso theu i, paleung bi nai deaungkho y theu u i, angawm i dengdairei angpreng u veangveang iy, jei nai deaungkho y ami teng y py ati sai py thui y.

⁹Naibaly mymy ly kani saryhrei angchei i kani khawn mang y angthau bi iy, Mari Makdilini, ni i taku theung i dengdairei vawinam saryhrei patheu nai teng y amteng manme.

¹⁰Naibaly Isu ai awm hai reng naichi ly kadei paleung si nai vo hai nai thym khala y ly ni ly mymychi teng y chei i thui pi.

¹¹Na i py mymy ly heng teang, nanai hawi, ni ly mymy ai niu bo, nanai py thai u nai khala y ly ym u y.

¹²Hunai bo y ly mymychi theung i khumi leaung nyhrei ly daichi mang y tako hawi tapai nai thym khala y py mymy ly meimai takhra naimy nini teng y amteng bi.

¹³Naibaly nini ly chei hawi i, abangnai takhrachi teng y thui pi iy, nini i leu py ym u y.

¹⁴Naibaly huni bo y bi baly nichi ly biu o nai thym khala y mymy ly holai hareichi kypkyp teng y amteng bi: naibaly nichi ly ym naira by y nai hawi paleung kyh chawn veng iy niu naichi i leu ym u y nai deaungkho y mymy ly nichi ai preng.

¹⁵Naibaly mymy ly nichi teng y, “Khaileaung pri verei y chei u ly, Tameuh i sa naichi bawibawi teng y Satang Kahawi thui u.

¹⁶Ym iy baptisma nga nai khumi ly hengra nga ai; ym y nai khumi ly sum naira nga ai.

¹⁷Naibaly hini ka-ma-rachi ly ym naichi ai hui jojo ai: nichi ly kaimy i amyn y vawinamchi ai patheu ai i, leu kangtha y katheu ai; pavuichi ai py kiu y my la u ai;

¹⁸dei asi nei i py ati sai py so hai pajau y leang; no naichi i tlang tleaung y kiu tamam u i, hawi teang ai,” napi.

¹⁹Hunaibaly Areng Isu ai ly nichi teng y leu thui pajau iy, kani pri mang y hawi kalau i, Tameuh i lamtang mang y ateh bo.

²⁰Hunaibaly nichi ly theu u iy, meingtym tleirei y leu thui; Areng my ly nichi ai sa hai iy, ka-ma-rachi tym hai nai deaungkho y leu ai ly khaw hai jojo. Amen.