Read Khumi Chin JOHAN 14 Bible Online

JOHAN 14 - Khumi Chin bible

JOHAN 14

¹“Nangchi i paleungbi u moh. Tameuh ai ym i kai ai py ym.

²Ngaai i yhm y awmra neangneang awm; by y nai khyly kaimy kang thui pi ai bo; nangchi i vui meingtym sa rym ai nai kai chei ai bo he.

³Naibaly kai chei iy nangchi i vui meingtym sa rym baly, nangchi py kai i awmra y awm thai ai nai, kai kang jeu bi ai i nangchi ai py kai teng y kang la ai.

⁴Naibaly kai i tako ai naira lam nangchi pany,” napi.

⁵Thoma my ni teng y, “Areng, nang i tako ai naira kaichi pany y; lam mana pany ai mo?” napi.

⁶Isu my ni teng y, “Kai ly lam py, leu meitang py, hengra py ne.

⁷Kaimy ny y baly ami py Ngaai teng y tym vai y, Nangchi ly kai ai pany i khyly Ngaai ai py pany ai bo; vai dengdairei nangchi ly ni ai pany, niu py niu bo,” napi.

⁸Philipa my ni teng y, “Areng, Ampo ai ly kaichi ai patei kyh ba, hunaibaly kaichi i vui hawi khyp ai,” napi.

⁹Isu my ni teng y, “Philipa, hina tanrei kai nangchi teng y awm i py nang ly kai ai pany y jo rai a? Ami py kai ai niu baly Ampo ai niu nai bo; ‘Ampo ai kaichi ai patei kyh ba,’ nanai ly ati mana nai thui nai mo?

¹⁰Kai ly Ampo teng y awm, Ampo py kai teng y awm, nanai ym y nai sai a? Kai i nangchi teng y leu thui nai ly kaimy paseang amang nai thui nai ny y leang; kai teng y awm jo nai Ampo my ly mymy i kalop sa nai teu.

¹¹Kai ly Ampo teng y awm, Ampo py kai teng y awm, nanai ym u; ti y baly kai i atiti sa naichi deaungkho y ym u tanga.

¹²Meitang khypkhyp kang thui pi, ami py kai ai ym baly kai i atiti sa naichi ly ni py sa teang ai; ne, kai ly Ampo teng y chei ai nai deaungkho y mymy ly hini tleaung y atiti len keh naichi sa ai rai.

¹³Naibaly Ampo ai ly Chapo deaungkho y palo thai ai nai, kaimy i amyn y nangchi i ati py hnei nai ngierei ly kang sa pi jojo ai.

¹⁴Nangchi ly kaimy i amyn y ati py hnei baly kaimy kang sa pi jojo ai.

¹⁵“Nangchi ly kai ai tamen baly kai i leu pei naichi tangai u ai.

¹⁶Naibaly kaimy Ampo teng y hnei ai i, deungtasa khrairei nangchi teng y awm jo ai nai Awm Hai Nem nai keung takhra ang pei ai.

¹⁷Huni ly Leu Meitang Phailo ne: khaileaung prichi ly mymy ai niu y nai hawi pany y nai deeaungkho y ngothai y; nangchi ly ni ai pany, ni ly nangchi teng y awm jo i, nangchi i paleung theung y py awm ai.

¹⁸“Nangchi ai nuro kang khai jo y leang mang; nangchi teng y kang jeu teang ai.

¹⁹Kra y nai sala y ly khaileaung prichi my kai ai niu ai ny y; na i py nangchi ly niu ai: kai ly heng nai deaungkho y nangchi py heng ai.

²⁰Huni kani y kai ly Ngaai teng y awm, nanai hawi, nangchi ly kai teng y awm, nanai hawi, kaimy nangmychi teng y awm nanai py nangmychi my pany ai.

²¹Ami py kai i leu pei naichi tangai iy patawm nai ly kai ai tamen nai keung ne; ami py kai ai tamen nai ly Ngaai my tamen ai, kai py ni ai tamen ai i ni teng y kamteang ai,” napi.

²²Naibaly Iskariota ny y nai Juda my ly ni teng y, “Areng, nang ly kaichi teng y amteng iy, khaileaung prichi teng y amteng y ai nai ly ati mana nai mo?” napi.

²³Isu my ni teng y, “Ami py kai ai tamen baly kai i leu pei nai tangai ai; Ngaai my ni ai tamen ai i kaini my ni teng y jeu ai, ni teng y py awm jo ai.

²⁴Ami py kai ai tamen y nai ly kai i leu py tangai y; nangchi i leu thai nai ly kai i ny y leang, Ampo, kai ai pato nai keung i teu.

²⁵“Kai ly nangchi teng y awm nai sala ryrei ly huni leu kang thui pi bo.

²⁶Na i py Awm Hai Nem nai Keung Phailo Kachai, Ampo my kai i amyn y ang pato ai nai ly nangchi ai ati cheaungkhang ang patiu ai; kai i nangchi teng y kang thui pi nai ngierei py ang pany hai vau bi ai.

²⁷Awmnem naira kang daw pi mang; kaimy i awmnem naira kang pei: khaileaung prichi my pei nai kamta kang pei y leang mang: nangchi i paleung bi u moh, jei py jei u moh.

²⁸‘Kai ly tako veng ai i, nangchi teng y kang jeu teang ai,’ kang napi nai ly nangchi pany bo. Nangchi ly kai ai tamen baly, kai ly Ampo teng y kachei ai nai deaungkho y nangchi kawn ai bo; ati mana nai mo nabaly Ampo ly kai tleaung y len keh nai ne.

²⁹Huni satang tym khala y nangchi ym ai nai, tym y rai khala y my vai kang thui pi bo.

³⁰Kai ly nangchi hawi leu neangneang arum ali y leang bo, khaileaung pri i areng ang jeu ai bo, ni ly kai teng y ati sai py ngo y ai;

³¹na i py khaileaung prichi ly kaimy Ampo ai tamen, nanai pany ai nai, Ampo my leu ang pei nai kamta ly kai sa. Angthau u, hi i nai theu sina,” nanai pathang.