Read Khumi Chin AMTAW 25 Bible Online

AMTAW 25 - Khumi Chin bible

AMTAW 25

¹Hunaibaly Festa my peang naira y tym bo; naibaly kani thomrei nai kha y Kaisari avang dengdairei Jerusalem y chei kalau.

²Naibaly pathyp pi nai keung kalenchi hawi Juda miteaung kehchi ly ni teng y Pawla i molam hawi y nai mang y thai hai i,

³Jerusalem y ni ai pahawi ai nai pahenra hnei, lam sala y o iy padei ai nai tau.

⁴Na i py Festa my ly, “Pawla ai ly Kaisari avang y typ jojo nai ne i, kai py kra y nai sala y hu y vawi ai mang.

⁵Hunai deaungkho y huni khumi i hawi y naira awm baly nangchi theung i lu kyh kyh nai ngierei kai teng y abang u sy ly, seu u sy,” nanai pathang.

⁶Naibaly mymy ly nichi theung y kani tajarei mo, horei mo kangtlen awm y i, Kaisari avang y vawi kathiu bo; naibaly khawn mang y ly tara chih nai atehra y ateh i Pawla ai hawi ai nai leu pei.

⁷Naibaly mymy tym iy Jerusalem i nai kathiu nai Judachi ly mymy i ahawi y angdo iy, mymy i tlang tleaung y leu kaji hawi y parai tlai nai thui ryry i, leu kateang mang ly ha py amkhaw ai nai ngo thai y;

⁸naibaly Pawla ly eaung nai leu thui i, “Judachi i reita tleaung y py, achura yhm kalen pui leu y py, Kaisara i tlang tleaung y py kai ati sai py hawi y sa nai by y leang,” napi.

⁹Na i py Festa ly Judachi theung y amyn kahawi nga ai nai ngai i Pawla teng y, “Nang ly Jerusalem y chei iy, hu y kai i mo y hini leu chih ai nai ngai a?” napi nai pathang.

¹⁰Na i py Pawla my ly, “Kaisara i tara chih nai atehra mo y kai angdo ai nai tla, hu y kai ai chih ai nai avo; Judachi i tlang tleaung y hawi y sa nai ati sai py by y leang, nanai nang py hawihai pany nai teu.

¹¹Kai khumi kamngo ne iy, dei ai nai ataing pa-rei kai atiti hawi y sa nai ne baly, dei ai nai py kai ei y leang mang; na i py hinichi my kai ai ang seu nai ly atiti teng y naira ati sai py by y baly, ami py nichi teng y kai ai au pajau y leang.

¹²Kai Kaisara teng y tym ai,” napi. Naibaly Festa my ly tara chih nai keungchi hawi adeng pajau iy, “Nang ly Kaisara teng y tym ai nai tau lawh i, Kaisara teng y nang tym takengkei ai mang,” napi nai pathang.

¹³Naibaly kani majirei mo khala y samrang Akripa hawi Berniki ly Kaisari avang y tym i Festa ai kawn ba, napi.

¹⁴Naibaly hu y ly kani neangneang awm nai deaungkho y Festa ly Pawla i satang samrang teng y thui i, “Felika my ly theaung y tla nai khumi ami ai mo khai jo;

¹⁵Kai ly Jerusalem y awm nai khala y pathyp pi nai keung kalenchi hawi, Juda miteaung kehchi my ni i molam leu ang thui pi i mymy ai pasum ai nai ang takeng.

¹⁶Naibaly kaimy nichi teng y, ‘Seu nai ai hawi seu nai keungchi hawi mo atha hai iy, seu naira lam y eaung ai nai leu thui ai nai ka-vo ngo y rai kha y ly, ami ai py ngari pei ai nai Romchi i reita ny y leang,’ nanai kapathang.

¹⁷Naibaly nichi ly hi y tym iy, kra y naimy khawn mang y ly tara chih nai atehra y ka-teh i, huni khumi ai hawi ai nai leu kapei.

¹⁸Naibaly mymy ai seu nai keungchi angdo nai thym khala y, kai i athang khai nai kamta mymy i tlang tleaung y leu hawi y nai tamang naira sai py thui u y;

¹⁹mymychi i Reita hawi, Isu napi nai leaungrei dei chum nai, Pawla my ly heng bi na a, nanai thui, hunira y mymy i tlang tleaung y leu khrukhrala nai awm nai teu lawh veng.

²⁰Naibaly kai huni leu ly dawn ai naira pipi ngo y i, Jerusalem y huni leu chih pi ai nai ngai mo, ngai y mo, nanai mymy ai kadeng.

²¹Na i py Pawla my ly Awkusta my chih ai nai takeng lawh, hunai deaungkho y Kaisara teng y chei hai y ryrei mymy ai typ ai nai leu kapei,” napi.

²²Naibaly Akripa my ly Festa teng y, “Kai py huni khumi i leu thui nai ly tangai ai nai ngai,” napi. Naibaly ni my ly, “Nang ly khawndam mymy i leu thui nai ly thai namang,” napi.

²³Hunaibaly khawn mang y Akripa hawi Berniki ly khri pa-rei rym-ah awm parai naimy ang jeu iy, tavaimi lu areng kehchi hawi, avang i miteaung kehchi hawi chih naira yhm y kun u i, Festa i leu y Pawla ai hawi bo.

²⁴Naibaly Festa my ly, “Samrang Akripa hawi, hi y kaichi hawi achu nai bawibawichi awi, hini khumi nangchi i niu nai ai ly Juda bawibawichi my heng ai nai tlo y bo, nanai aeu iy, Jerusalem y hawi, hi y py kai teng y seu nai bo.

²⁵Na i py dei ai ataing nai ati sai py so y leang, nanai kai ly chih i pany bo: na i py mymy ly Awkusta teng y tym ai tau nai deaungkho y pato ai nai katau;

²⁶na i py sailang kamny kai i areng teng y tajiu pi ai nai sai py ngo y. Hunai deaungkho y chih pajau iy ati mo sairei tajiu ai nai kanga thai ai nai, nangchi i mo y kang hawi nai he; naibaly samrang Akripa, nangmy i mo y kang hawi pathyp nai ne;

²⁷theaung y tla nai khumi ai pato iy mymy i tlang tleaung y seu naira leu pany kyh nai abawi y baly, sa rumrang nai kamta tla, nanai kadawn kai ly,” napi.