Read Khumi Chin EPHESI 3 Bible Online

EPHESI 3 - Khumi Chin bible

EPHESI 3

¹Hunai deaungkho y kai Pawla, nangchi Cheng Takhrachi deaungkho y Krista Isu y theaung tla nai khumi ly-

²nangchi i vui Tameuh i pahenra kry ai nai kai ai ang pei nai ly nangchi pany u nabaly;

³huna nai jangvaini y leu sai dawi pe chy katajiu nai kamta, huni leu kathiu ly amteng hai naira y kai ai ang pany hai veng;

⁴huni deaungkho y nangchi phain u baly kai i Krista i leu kathiu pany thai nai sai ly nangchi pany u pajau ai.

⁵Huni ly vai dymkhawn ly amtaw thau nai kachaichi hawi, mymy i amochi teng y py Phailo y amteng hai nai kamta ly, jangni i deung y ly khumichochi teng y pany hai nai awm vai y leang;

⁶huni ly hini ne he, Satang Kahawi deaungkho y Krista Isu y ly Cheng Takhrachi ly yhmtheaung amtym ahawi nai hawi, tlang angprei ahawi nai hawi, leu adeu nai nga ahawi naichi ne.

⁷Mymy i atiti sa thai naira i sa nai sai kamta, jawm naimy Tameuh i pahenra ang pei nai kamta ly kai ai huni Satang Kahawi kry ai nai keung y ang palawn nai ne.

⁸Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

⁹nanai khumi bawibawichi ai patei ai nai kai, khumi kachai bawibawichi theung y theang keh nai tleaung y theang keh nai teng y ly huni pahenra ly ang pei nai ne.

¹⁰Hunaibaly mymy ly achi i Areng Krista Isu y sa ai tau nai ly, mymy i deungtasarei ka-vo khai yb nai kamta, vai ly vai dymkhawn i kani pri meingtym y awm nai areng nairachi hawi aly peang naichi teng y ly,

¹¹Tameuh i cheng naira cheaungkhang ly palau takhra kamkawm i saho y pany hai pajau ai;

¹²achi ly huni Krista Isu ai ym nai deaungkho y mymy y ly amjeaung naira hawi vam parai naimy kun thai ai naira nga bo.

¹³Hunaibaly nangchi i molam y kai i patang nairachi deaungkho y atho angai y nai awm y ai nai kang takeng, hunichi ly nangchi i tahm asang naira ne.

¹⁴Huna nai y mymy i nang parai naira i nang nai sai kamta mymy i Phailo i saho y theung mang i khumi mang y ly sa thai naira y nangchi ai ham hai naira ang pei thai ai nai hawi,

¹⁵Kirsta ly ym naira deaungkho y nangchi i paleung y awm hai thai ai nai py,

¹⁶Ampo, kani hawi khaileaung theung y awm nai cheaungkhangchi ai amyn pathi nai i mo y ly kai ly kheukhu di;

¹⁷hunaibaly nangchi ly tamen naira y tangjyn pala u nai hawi amchym naira nga u iy,

¹⁸khumi kachai bawibawichi hawi huni i kau nai sai hawi, sau nai sai hawi, asang nai sai hawi, thiu nai sai py hawihai palai pany y thai ai nai hawi,

¹⁹Krista i tamen naira pany bawi pajau y nai pany u iy, nangchi ly Tameuh i angym naira cheaungkhang tanrei kawi nai awm u thai ai nai chiu kasa.

²⁰Hunaibaly achi i paleung theung y sa thai naira sa reng nai kamta, achi i hnei nai hawi dawn nai bawibawichi tleaung y khri pa-rei ty keh nai sa thai nai keung kypkyp teng y ly,

²¹deungtasarei kangthau bawibawi tym pa-rei, palau takhra kamkawm y hawi Krista Isu y py nang parainai awm sy. Amen.