Read Khumi Chin JOSUA 12 Bible Online

JOSUA 12 - Khumi Chin bible

JOSUA 12

¹Israela chengchi ly tokalawi mang Arnon tavo leaunghawi dengdairei, tosyh mang Heramon mawi ryrei, nisi mang khu ka-peang hawi Jordan tavo leaunghawi jeungrei ai tiu nai peang chum veng bo.

²Nichi ly samrang leaungnyhrei ai pajau veng bo. Samrang leaungrei nai ly Hesabon mary ai peang nai Amori samrang Sihon ne. Ni i pri y (Arnon tavo leaunghawi sahawi i) Arraw mary hawi, huni tavo leaunghawi sahawi y awm nai mary dengdairei, Amori khu ka-peang Jabbok tavo ryrei kau nai Kilead pri ka-hyhrei abawi nai ne.

³Huni bo y tosyh mang Kalili ang dengdairei, pangli kadei nisi mang y awm nai Bethjesimoth mary tym pa-rei Jordan tavo leaunghawi, hu i nai bi baly Piska mawi kheutang ryrei kau nai khu ka-peang py abawi nai ne.

⁴Asataroth mary hawi Edrei marychira y peang iy, kangkhym y awm asai nai Riphaiah chengchi theung i leaungrei nai Bashan samrang Oka ai py, Israela chengchi ly tiu pajau vui nai ne.

⁵Ni i pri y Harmon mawi, Salekah pri, Kesuri pri hawi Maaka pri khujyh ryrei kau nai Bashan pri verei py, Hesabon samrang Sihon my peang nai pri khujyh tym pa-rei kau nai Kilead pri ka-hyhrei py abawi nai ne.

⁶Hini samrangchi ai Mosi hawi Israela chengchi my tiu i, eaung nai ne. ARENG i miseaung Mosi ly huni samrangchi i khu ka-peangchi ai Ruben theaung, Kad theaung hawi Manase theaung ka-hyhreichi teng y, amtym ai nai pei pi bo.

⁷Josua hawi Israela chengchi ly Jordan tavo nidym mang Lebanon leaunghawi y awm nai Balakat mary dengdairei, tokalawi mang Edom pri sahawi i Halet mawi tym pa-rei kau nai meingtym y peang nai samrang bawibawichi ai tiu i, pajau vui nai ne. Josua ly hini meingtym ai Israela theaung bawibawichi teng y amtym jojo ai nai khu paji pi bo.

⁸Huni meingtymchi ra y mawi aheung meingtym, nidym mang y mawi kheutang meingtym, Jordan tavo leaunghawi hawi huni sahawi y awm nai mawi kheutang meingtym, nidym mang mawi aheung meingtym hawi, tokalawi mang khutaha meingtymchi abawi nai ne. Huni meingtymchi ra y awm nai khumichi ly Hiti cheng, Amori cheng, Kanan cheng, Perizi cheng hawi Jebusi chengchi ne.

⁹Israela chengchi ly mary phaipalyh hareichi i samrangchi ai tiu i, pajau vui nai ne. Huni marychi ly; Jeriko mary, (Bethela mary sahawi i) A-i mary,

¹⁰Jerusalem mary, Hebron mary,

¹¹Jamuth mary, Lakhisa mary,

¹²Ekalon mary, Keza mary,

¹³Debira mary, Keda mary,

¹⁴Homah mary, Arad mary,

¹⁵Libana mary, Adulam mary,

¹⁶Makeda mary, Bethela mary,

¹⁷Tapuah mary, Hepha mary,

¹⁸Aphek mary, Lasaron mary,

¹⁹Madon mary, Hazor mary,

²⁰Simron Meron mary, Akasa mary,

²¹Taanach mary, Mekido mary,

²²Kadesa mary, (Karamela mawi salo y awm nai) Jokanem mary, (pangli peang y awm)

²³Dora mary, (Kalili[3] pri y awm nai) Koeng mary hawi,

²⁴Tirzah marychi ne.