Read Khumi Chin JOSUA 15 Bible Online

JOSUA 15 - Khumi Chin bible

JOSUA 15

¹Juda theaung yhm dengtheungchi nga nai khu ka-peang ly hinichi ne. Juda theaungchi i khu ka-peang ly, tokalawi mang Edom pri khujyh ra awm nai Zin daichi ka-vym i tokalawi katem y khrairei ne.

²Tokalawi mang khujyh ly pangli kadei tokalawi ngan katem dengdairei,

³tokalawi mang y awm nai Akrabim mawi aleaung y takoleu baly, Zin mary ryrei tym. Hu i nai bi baly Kadesabana mary i tokalawi mang y chei iy, Hezaron mary ai takoleu naimy, Ahda mary mang y lyn i, Karka mary mang y amhi chum baly,

⁴Azamon mary y tym nai ne. Naibaly Aikupta pri khujyh ra i micheaung heaung baly, Mrithe pangli y tym nai ne. Hini ly Juda khu ka-peang i tokalawi khujyh ne.

⁵Nisi mang khujyh ly pangli kadei tokalawi katem dengdairei, Jordan tavo leaung nai tavo vum ryrei ne. Tosyh mang khujyh ly huni tavo vum dengdairei amteaung iy,

⁶Beth Hokalah mary mang py, hu i nai bi baly Bohan i lengseaung (Bohan ly Ruben i chapo ne.) mang y tym baly,

⁷patangra napi nai leaunghawi dengdairei, Debira mary mang y lyn kalau nai ne. Naibaly leaunghawi tokalawi mang y awm nai Adumim mawi aleaung hawi adengdang nai, Kilakala mary awm nai tosyh mang y amhi bo. Naibaly Ensimai tuikho dengdairei Enrokela mary y tym chum baly,

⁸Jebusi chengchi i mary napi nai Jerusalem mary sa nai mawi aheung tokalawi mang y awm nai, hinnom leaunghawi nidym mang mawi aheung katlen prei nai ne.

⁹Hu i nai bi baly Nipha daichi tuikho hawi, Ephron mawi sahawi i marychi katlen prei iy, Baala (ti y baly Kiriajarim mary) mang y amhi nai ne.

¹⁰Huni mary i dengdairei amhi baly, nidym mawi aheung y tym i, Jarim mawi (ti y baly Khesalon mawi) tosyh mang dengdairei, anui mang i Bath Shemesh mary mang y tym baly, Timnah mary katlen vui nai ne.

¹¹Huni bo baly Ekron mary tosyh mang i mawi mang y tym khala, Sikeron mary mang y amhi iy

¹²Baala mawi y katlen naimy, Jabanila mary y tym. Hunaibaly nidym mang khujyh napi nai Mrithe pangli y tem nai ne. Juda theaung yhm yhm dengtheungchi ly salo mang i khujyhchi theung y awm u nai ne.

¹³ARENG my leu pei nai kamta, Josua ly Juda theaung Jephonneh i chapo Kaleb teng y, Juda theaung khu ka-peang theung i, Hebron mary phy pi bo. Hebron mary ly Anaka i ampo Arba i mary ne.

¹⁴Kaleb ly Anaka i kangpreangchi napi nai Shesai nupai, Ahiman nupai hawi Talamai nupaichi ai, huni mary i nai patheu vui bo.

¹⁵Ni ly hini mary i dengdairei, Debira mary mang y amsa iy tiu bo. (Vaichi khala Debira mary ai Kiriath Sepha mary, nanai palau.)

¹⁶Kaleb my, “Kiria Sepha mary ai tiu pajau nai khumi ai ly kai i chaniu Akhasa hawi apom hai ai,” nanai thui i,

¹⁷Kaleb i amnau, Kena i chapo Othniela ly huni mary ai tiu vui pajau nai deaungkho y, ni i chaniu Akhasa hawi apom hai bo.

¹⁸Apom nai kani y Othniela ly Akhasa ai, ni i ampo teng i li harei hnei ai nai pachei. Akhasa ly keaungngo kano kasau tleaung i nai satla. Huna nai khala Kaleb my chaniu teng y, “Ati aly ngai mo?” nanai deng i,

¹⁹chaniu my, “Nang i pei nai khaileaung ly khutaha meingtym ne; tuikhochi py pei,” nanai hnei bo. Hunai deaungkho y Kaleb ly ni i chaniu ai tleaung mang i tuikho hawi tlawi mang i tuikhochi pei pi bo.

²⁰Juda theaung yhm dengtheungchi amtym nai khu ka-peang ly hinichi ne.

²¹Edom pri khujyh sahawi khu ka-peang tokalawi katem i nichi amtym nai marychi ly: Kabzila mary, Eda mary, Jakura mary,

²²Kinah mary, Dimona mary, Adada mary,

²³Kadesa mary, Hazo mary, Ithanan mary,

²⁴Zipha mary, Telem mary, Balot mary,

²⁵Hazohadeta mary, Kerioth Hezron mary, (ti y baly Hazo mary)

²⁶Amam mary, Sema mary, Molada mary,

²⁷Hazakada mary, Heshamon mary, Bethpalet mary,

²⁸Hazajuala mary, Baraseba mary, Bizithija mary,

²⁹Baala mary, Lim mary, Ezem mary,

³⁰Elatolad mary, Khesila mary, Homah mary,

³¹Zikalet mary, Madmanah mary, Sensanah mary,

³²Lebaoth mary, Silhim mary, Aeng mary hawi Rimon mary napi nai mary kalen apomphai takawrei hawi vanrei, tengpang sahawi i avangchi ne.

³³Mawi kheutang y awm nai marychi ly: Esatola mary, Zorah mary, Ahsana mary,

³⁴Zanoah mary, Engkanim mary, Tapuah mary, Enam mary,

³⁵Jamuth mary, Adulam mary, Sokoh mary, Azeka mary,

³⁶Sharaim mary, Adithaim mary, Kaderah mary hawi Kaderothaim mary napi nai mary kalen holai palyhrei hawi vanrei, tengpang sahawi i avangchi ne.

³⁷Huni bo y Zenan mary, Hadasa mary, Mikadalkad mary,

³⁸Dilen mary, Mizapa mary, Jokathela mary,

³⁹Lakhisa mary, Bozaka mary, Ekalon mary,

⁴⁰Kabon mary, Lahmem mary, Kisaleat mary,

⁴¹Kederoth mary, Bedakon mary, Naamah mary hawi Makedah mary napi nai mary kalen holai tariurei hawi vanrei, tengpang sahawi i avangchi py abawi nai ne.

⁴²Huni bo y Libana mary, Ether mary, Asen mary,

⁴³Iphata mary, Asanah mary, Nezib mary,

⁴⁴Keila mary, Akhazi mary, hawi Maresa mary napi nai mary kalen takawrei hawi vanrei, tengpang sahawi i avangchi py abawi nai ne.

⁴⁵Huni bo y Ekron mary hawi tengpang sahawi i avangchi,

⁴⁶Ekron mary dengdairei Mrethe pangli sahawi i Asadod mary hawi, huni sahawi i mary katheang kalenchi py abawi nai ne.

⁴⁷Huni bo y Aikupta pri khujyh i micheaung hawi, Mrethe pangli peang ryrei kau nai meingtymra i, Asadod mary, Kaza mary hawi tengpang sahawi i mary katheang kalenchi py abawi nai ne.

⁴⁸Mawi aheung ra y sa nai Shamir mary, Jatir mary, Sokoh mary,

⁴⁹Danna mary, Kiria Sepha mary (ti y baly Debira mary),

⁵⁰Anah mary, Esatemo mary, Anim mary,

⁵¹Kosen mary, Holon mary hawi Kiloh mary napi nai mary kalen holai harei hawi vanrei, tengpang sahawi i mary katheang kalenchi py abawi nai ne.

⁵²Huni bo y Arab mary, Dumah mary, Esan mary,

⁵³Janim mary, Beth Tapuah mary, Aphekah mary,

⁵⁴Humtah mary, Hebron mary, Zior mary hawi vanrei, tengpang sahawi i mary katheang kalenchi py abawi nai ne.

⁵⁵Huni bo y Maon mary, Karamela mary, Zipha mary, Jutah mary,

⁵⁶Jezarela mary, Jokadem mary, Zanoah mary,

⁵⁷Ka-ina mary, Kibeah mary hawi Timnah mary napi nai mary kalen horei hawi vanrei, tengpang sahawi i mary katheang kalenchi py abawi nai ne.

⁵⁸Huni bo y Halahula mary, Bethzura mary, Kedo mary,

⁵⁹Maarath mary, Bethanoth mary hawi Elatekon mary napi nai mary tariurei hawi vanrei, tengpang sahawi i mary katheang kalenchi py abawi nai ne.

⁶⁰Huni bo y Kiria Bala mary, (ti y baly Kiriajarim mary) hawi Rabba mary napi nai mary kalen nyhrei hawi vanrei, tengpang sahawi i mary katheang kalenchi py abawi nai ne.

⁶¹Daichi ka-vym meingtymra y Betharaba mary, Midin mary, Sekakah mary,

⁶²Nibshan mary, Salt mary hawi Ankadi mary napi nai mary kalen tariurei hawi vanrei, tengpang sahawi i mary katheang kalenchi py abawi nai ne.

⁶³Juda theaungchi ly Jerusalem mary y awm nai Jebusi chengchi ai patheu pajau y nai deaungkho y, nichi ly vaini khrairei Juda theaungchi hawi vanrei, huni mary y awm u nai ne.