Read Khumi Chin JOSUA 2 Bible Online

JOSUA 2 - Khumi Chin bible

JOSUA 2

¹Naibaly Josua ly Kanan pri i awm nai sai, ngai keh nai ly Jeriko mary i awm nai sai khen paviu ai nai, Tai naira Akasia meingtym dengdairei, khen paviu ai nai khumi leaung nyhrei pato; nini ly Jeriko mary y tym nai khala, bimanu Rahabi i yhm y jeih hawi bo.

²Jeriko mary i samrang ly Israela cheng phyrei, pri i awm nai sai khen paviu ai tym nai satang thai nai deaungkho y,

³Rahabi teng y khumi pato iy, “Nang i yhm y tym nai khumichi ly khen paviu naichi ne; nichi ai kai teng y au,” nanai leu pei bo.

⁴Rahabi my, “Kai i yhm y angvyn phyrei ang tym nai ly ne; na i py nichi ly manira i dengdairei ang jeu nai mo, nanai kai pany y. Nichi ly kani dym nai, mary apai katheu akho y kyh rai khala my, theu u veng bo. Nichi ly mani mang y tako u mo, nanai py kapany y. Na i py nichi i nithun hui u kaliki baly kai pajau ai,” nanai pathang. (Rahabi ly hunini ai amphu salo y khai nai langvui ang eang anui y heu chum veng bo.)

⁷Samrang i pato nai khumichi mary angam mang y tym u nai khala, mary apai akho u veng bo. Nichi ly Jordan tavo kan thai nai tavo vai ryrei Israela cheng khen paviu nai nini ai hui u bo.

⁸Khen paviu nai khumichi, i y rai khala Rahabi ly amphu salo y lyn kalau iy,

⁹nini teng y, “ARENG ly hini pri nangchi teng y pei ai, nanai kai pany. Hini pri i khumi bawibawichi ly nangchi ai jei hyn na bo.

¹⁰Nangchi Aikupta pri i dengdairei theu u nai khala, ARENG ly nangchi tako u nai mo y pangli kamsen tui kang hai vui nai satang kaichi thau u nai ne. Jordan tavo nisi mang y peang nai Amori samrang leaung nyhrei, Sihon hawi Oka ai nangchi my mana padei u mo, nanai satang py kaichi thai.

¹¹Huni satangchi thai phai thai baly kaichi jei hyn u bo. Nangchi molam y kaichi ly paleung phra atho di u nai ne. Nangchi i ARENG Tameuh ly kani khaileaung peang nai keung Tameuh ne.

¹²Kai ly nangchi ai kang pahen nai kamta, kai i yhm dengtheungchi ai py pahen teang ai nai Tameuh i amyn y vaineng abeu hawi ba. Kai ly nangni ai kang ym thai ai nai ka-ma-ra ha harei pei ba.

¹³Kai i amhm ampo, tuicho ampro hawi, nichi i yhm dengtheungchi ai padei y naimy tleaung hai ai, nanai leu adeu hawi ba,” napi.

¹⁴Naibaly nini my, “Kaini ly adeu nai kamta kaso hawi y lawh baly, Tameuh my kaini ai padei sy; nang ly kaini i jeu nai leaungsai ai ami teng y py thui pi y ai na baly, ARENG my hini pri kaichi teng y pei nai khala, kaichi ly nangchi ai kang pahen ai, nanai adeu mang,” napi.

¹⁵Rahabi ly mary apai hawi abira iy sa nai yhm y awm nai deaungkho y, nini ai thaibeng pa-kho mang vuinawn hawi angam mang y pala bo. Rahabi my, “Samrang i pato nai khumichi my nangni ai hau nai niu pajau y ai nai mawi tleaung mang y angpreng iy, kani thomrei aheu hawi.

¹⁶Nangni ai hau nai khumichi vawi u ali teang nai khala, nangni tako hawi ba,” nanai leu taviu bo.

¹⁷Huna nai khala nini my, “Kaini ly nang teng y adeu nai leu khaw hai ai.

¹⁸Nangchi i pri theung y kaichi kun nai khala, kaini ai pala nai thaibeng pa-khora y, hini kalangvui kamleng thang ba. Nang i ngamhm ngampo, ngampro ngamnauchi hawi, ngampo mang i yhm dengtheung bawibawichi ai py, nang i yhm y angym hai ba.

¹⁹Nang i yhm dengdairei leaung leaungrei ly angam mang y theu vui nai deaungkho y dei vui lawh baly, kaichi i molam y ny y; nang i yhm dengtheung y awm nai khumi leaung leaungrei no nga lawh baly, kaichi molam y ne ai.

²⁰Na i py nang ly leaung leaungrei teng y kaini i jeu nai satang pany hai lawh baly, kaini i pei nai leu ka-deu khaw ai nai aly by y,” nanai Rahabi teng y thui pi bo.

²¹Rahabi ly nini i thui nai kamta sa ai, nanai leu tangai nai deaungkho y nini ly theu hawi jo bo. Nini theu hawi chum baly Rahabi ly thaibeng pa-khora y kalangvui kamleng thang bo

²²Khen paviu nai nini ly mawitleaung mang y chei hawi iy aheu bo. Samrang i pato nai khumichi ly khen paviu nai khumichi ai kani thomrei hau akiprei i, niu y baly Jeriko mary y vawi u ali teang.

²³Naibaly khen paviu nai khumi leaung nyhrei ly mawi i nai satla hawi kathiu iy, tavo angpeang hawi i, Josua teng y vawi hawi ali teang bo. Nini ly hu y avum nai saichi Josua teng y amti pi chum baly,

²⁴“ARENG ly achi teng y huni pri verei ai ang pei takengkei nai bo; huni pri i khumi bawibawichi ly achi ai jei hyn u nai ne,” napi.