Read Khumi Chin JOSUA 21 Bible Online

JOSUA 21 - Khumi Chin bible

JOSUA 21

¹Levi theaung yhm dengtheung ra y lu sa naichi ly Kanan pri Siloh mary i pathyp pi nai keung Elaza, Nun i chapo Josua hawi Israela cheng bawibawichi i,

²yhm dengtheung miteaung kehchi teng y ahihawi iy, “ARENG ly achi awm ai nai marychi hawi, achi i si, beramchi i vui, huni marychi tengpang sahawi sui tlai naira meingtym khai takhra pi ai nai tla, nanai Mosi dengdairei leu pei yb nai ne,” nanai takeng u.

³Hunai deaungkho y Israela chengchi ly ARENG my leu pei nai kamta, mychi nga nai khu ka-peang theung i mary hawi sui tlai nairachi ai, Levi theaungchi teng y phy paji pi takhra bo.

⁴Levi theaung Kohath nupaichi i vui marychi phy pi manme nai ne. Huna nai phy pi naira y pathyp pi nai Aron kangpreang Levi theaungchi i vui, mary holai thomrei ai Juda khu ka-peang, Simeon khu ka-peang, Benjamin khu ka-peang theung i khai takhra pi bo.

⁵Awm asai nai Kohath nupaichi i vui mary horei ai Ephraim khu ka-peang, Dan khu ka-peang, nidym mang Manase khu ka-peang theung i khai pi u takhra bo.

⁶Kerashon nupaichi i vui mary holai thomrei ai Isakha khu ka-peang, Asher khu ka-peang, Naphtali khu ka-peang, nisi Manase khu ka-peang theung i khai pi takhra bo.

⁷Merari nupaichi i vui mary holai nyhrei ai Ruben khu ka-peang, Kad khu ka-peang, Zebulon khu ka-peang theung i khai takhra pi bo.

⁸ARENG my Mosi dengdairei leu pei nai kamta, Israela chengchi ly tambe va iy, hini marychi hawi sui tlai nairachi ai, Levi theaungchi i vui khai takhra pi bo.

⁹Levi theaung Kohath i nupai, Aron i katu chanauchi i vui tambe va pi manme iy, Juda hawi Simeonchi khu ka-peang theung i marychi ai khai takhra pi bo.

¹¹Juda khu ka-peang mawi aheung meingtym, vai i neng y Hebron mary napi nai Arba mary (Arba ly Anaka i ampo) hawi vanrei, tengpang i sui tlai nairachi ai nichi teng y pei pi nai ne.

¹²Na i py mary tengpang i khaileaung meingtymchi hawi avangchi ai Jephunna i chapo Kaleb amtym ai nai pei pi yb veng bo.

¹³Aron i katu chanauchi i vui khai takhra pi nai marychi ly Hebron mary (abyhra mary harei), huni bo y Libana mary,

¹⁴Jatir mary, Esatemo mary,

¹⁵Holon mary, Debira mary,

¹⁶Ain mary, Jutah mary hawi Beth Shemesh marychi hawi vanrei, hunichi tengpang i sui tlai nairachi ne. Salo mang i mary takawreichi ly Simeon khu ka-peang hawi Juda khu ka-peangchi teng i khai takhra pi nai ne.

¹⁷Benjamin khu ka-peang i khumichi ai Kibeon mary, Keba mary,

¹⁸Anatho mary hawi Alamon mary napi nai mary palyhrei hawi vanrei, hunichi i tengpang y awm nai sui tlairachi ai khai takhra pi bo.

¹⁹Hunai deaungkho y Aron i kangpreang pathyp pi nai keungchi ai mary holai thomrei hawi, hunichi i tengpang y awm nai sui tlai nairachi khai takhra pi nai ne.

²⁰Levi theaung Kohath i awm asai nai nupaichi ai Ephraim khu ka-peang theung i mary phyreichi khai takhra pi bo.

²¹Nichi ly Ephraim mawi aheung meingtym y awm nai, Sejhem mary (abyhra mary harei), Kizar mary,

²²Kibazim mary, Beth Horon mary napi nai mary palyhrei hawi, tengpang sahawi y awm nai sui tlai nairachi nga u.

²³Nichi ly Dan khu ka-peang theung i Eltikeh mary, Kibethon mary,

²⁴Azalon mary, Katharimon mary napi nai mary palyhrei hawi, tengpang sahawi y awm nai sui tlai nairachi nga u nai ne.

²⁵Nichi ly nidym Manase khu ka-peangra i mary nyhrei nga u bo. Hunichi ly tengpang sahawi i sui tlai nairachi raurei, Taanah mary hawi Kasarimon marychi ne.

²⁶Hunai deaungkho y awm asai nai Kohath nupai ly mary kalen horei hawi tengpang sahawi i sui tlai nairachi py nga u bo.

²⁷Levi theaung kerashon i nupaichi ly nisi Manase khu ka-peang theung i mary nyhrei nga u. Hunichi ly tengpang sahawi i sui tlai nairachi raurei, Bashan pri i Kolan mary (abyhra mary harei) hawi Besaterah mary py ne.

²⁸Nichi ly Isakhar khu ka-peang theung i mary palyhrei nga u. Hunichi ly tengpang sahawi i sui tlai naira raurei, Kishion mary, Dabera mary,

²⁹Jamuth mary hawi Engkanim marychi ne.

³⁰Nichi ly Asher khu ka-peang theung i mary palyhrei nga u. Hunichi ly tengpang sahawi i sui tlai nairachi raurei, Mishala mary, Abadon mary,

³¹Helakath mary hawi Rihob marychi ne.

³²Nichi ly Naphtali khu ka-peang theung i mary thomrei nga u. Hunichi ly tengpang sahawi i sui tlai nairachi raurei, Kalili pri i Kadesa mary (abyhra mary harei), Hamothdor mary hawi Karatan marychi ne.

³³Hunai deaungkho y kerashon i nupai ly mary holai thomrei hawi, hunichi tengpang sahawi y awm nai sui tlai naira nga u bo.

³⁴Awm asai nai Levi theaung Merari nupaichi ly Zebulon khu ka-peang theung i mary palyhrei nga u. Hunichi ly tengpang sahawi i sui tlai nairachi raurei, Jokanem mary, Karata mary

³⁵Dimanah mary hawi Nahala marychi ne.

³⁶Nichi ly Ruben khu ka-peang theung i mary palyhrei nga u. Hunichi ly tengpang sahawi i sui tlai nairachi raurei, Beza mary, Jahaz mary,

³⁷Kedamoth mary hawi Mepha marychi ne.

³⁸Nichi ly Kad khu ka-peang theung i mary palyhrei nga u. Hunichi ly tengpang sahawi i awm nai sui tlai nairachi raurei, Kilead pri y awm nai Ramoth mary (abyhra mary harei), Mahanaim mary,

³⁹Hesabon mary hawi Jaza marychi ne.

⁴⁰Hunai deaungkho y Marari nupai ly mary holai nyhrei nga u nai ne.

⁴¹Leu sangum thui ai na baly Israela chengchi my peang nai pri theung i mary vuipalyh pa-ngo tajarei hawi vanrei, tengpang sahawi i sui tlai nairachi ai, Levi theaungchi teng y phy pi takhra bo.

⁴³Hina nai kamta ARENG ly Israela chengchi i amsi pajochi teng y pei ai, nanai adeu hai nai pri verei ai, nichi ai pei pi nai ne. Nichi ly huni pri ai peang vui iy, hu y khuteng sa u bo.

⁴⁴ARENG my nichi i amsi pajochi teng y leu adeu nai kamta, pri verei y tlamsa nai awm bo. ARENG my Israela chengchi teng y, paleung ka-e awm nai ngiereichi ai tiu i, eaung hai bo. Mani paleung ka-e my py, nichi ai amtang pajau y.

⁴⁵ARENG Israela chengchi teng y khai pi nai adeu nai ngiereichi sa pi nai ne.