Read Khumi Chin JOSUA 23 Bible Online

JOSUA 23 - Khumi Chin bible

JOSUA 23

¹Neng kra kyh nai bo y ARENG ly Israela chengchi ai, tengpang sahawi y awm nai paleung ka-echi my patang hai naira i law tleaung hai. Josua py khri pa-rei miteaung acheang na bo.

²Hunai deaungkho y ni ly Israela cheng miteaung kehchi, lu sa naichi, tara chih nai keungchi, bangtangchi dengdairei cheng bawibawichi ai palau iy, “Kai ly saneng len bo i, miteaung cheang bo.

³Nangchi i ARENG Tameuh ly nangchi hawi ai nai molam, hini pri bawibawichi ai ati mana tiu mo, nanai nangchi niu u nai ne. Nangchi i ARENG Tameuh ly nangchi mang y asa hai iy, tavai ang tiu pi bo.

⁴Kai ly nisi mang Jordan tavo dengdairei, nidym mang Mrithe pangli y khrairei tiu i, pajau vui nai pri bawibawichi hawi vanrei tiu ai awm rai nai prichi ai, nangchi i theaungchi teng y phy paji pi chum bo.

⁵Nangchi ly tiu ai awm asai rai nai prichi mang y tavai tiu u nai khala, nangchi i ARENG Tameuh ly huni pri i khumichi ai nangchi teng i nai anaw iy preang hai pawn ai. Nangchi i ARENG Tameuh my adeu nai kamta, nangchi ly nichi i khu ka-peang ai peang u vui ai.

⁶Hunai deaungkho y nangchi ly Mosi i reita cha-iu theung y awm nai reitachi ai ati sai py takhawi y naimy kry patawm ai nai atyp u.

⁷Nangchi theung y awm asai nai khumi chengchi hawi amkawm y ai nai py, nichi i tameuh amynchi thui nai, huni tameuhchi i amyn tau nai, lu meung iy chiu naichi so u y ai nai py, adawn patyp ai nai tla.

⁸Nangchi ly vaini khrairei, ARENG ai ka-ym awm naimy atyp nai kamta atyp u jojo.

⁹Nangchi tavai thau u nai thym khala, ARENG my atho awm nai khumi chengchi ai patheu pi veng nai deaungkho y, amimi py nangchi ai amtang pajau y leang.

¹⁰Nangchi i ARENG Tameuh ly adeu nai kamta, nangchi i vui tavai tiu pi nai deaungkho y, nangchi theung i risa leaungrei my paleung ka-e leaung sangreichi ai ahei hai phro pajau nai ne.

¹¹Hunai deaungkho y nangchi i ARENG Tameuh ai tamen ai nai dawn u patyp.

¹²Nangchi ly leu atangai y iy, nangchi teng y awm asai nai cheng takhra khumichi hawi amkawm naimy yhmtheaung sa u baly,

¹³nangchi i ARENG Tameuh ly nangchi tavai tiu u nai khala, huni khumichi ai ang patheu pi veng ai ny y, nanai pany u. Huni khumi chengchi ly nangchi i vui deaung, ti y baly hum, nangchi i nithun anam y tym nai vuinawn angjawi, ti y baly mei y patho viu nai kamta lawm ai. Nangchi i ARENG Tameuh my ang pei nai, hini pri kahawi theung y nangchi myh kang vui na pa-rei, huni khumichi ly nangchi ai khrukhra hai ai.

¹⁴Kai ly dei ai nai neng kasa bo. Nangchi i ARENG ly mymy i adeu nai kamta, nangchi i vui amtheaung naira ngierei ang pei pi bo, nanai nangchi i paleung theung y pany u ai. Mymy ly ka-deu awm nai ngierei, ang sa pi khyp veng bo. Adeu nai kamta so pi khyp y nai harei py by y.

¹⁵Mymy ly adeu nai kamta, amtheaung naira ang pei teu i py, mymy i leu tangai y lawh baly, nangchi i tlang tleaung y patang nairachi tym hai ai.

¹⁶Nangchi ly Leu Maikawm patawm ai nai, nangchi i ARENG Tameuh my leu ang pei i py, so patawm y naimy tameuh takhrachi ai chiu u lawh baly, mymy ly kado theu iy, ang pei nai hini pri kahawi ra y nangchi myh kang nai pa-rei, nangchi ai ang pajeng ai,” napi.