Read Khumi Chin II TIMOTHEI 4 Bible Online

II TIMOTHEI 4 - Khumi Chin bible

II TIMOTHEI 4

¹Tameuh hawi, kadei kanghengchi ai tara chih nai keung Krista Isu i mei ka-niu y hawi, mymy i amteng ai nai hawi peang ai naira deaungkho y py leu kang pei.

²Tameuh i leu thui; mana khala y py atho so veangveang; kham pajau tanga naimy patiu nai tarawi y parip py parip, preng py preng, pachei py pachei.

³Patiu nai kateng dawn u ngai y nai neng tym ai; nichi i kano patha parai nai deaungkho y mymychi i ngai phi teng y naira ngai nai kamta, patiu nai keung neangneangchi ai mymychi teng y pakheng achu ai;

⁴naibaly leu meitang tangai nai mang i nai hi pi vui iy, leuchih mang y tapai nai takan u ai.

⁵Na i py nang ly ati cheaungkhangra y amkym ly, patang naira py kham tanga, Satang Kahawi thui pi nai keung y kalop so ly, nang i kry nai kalop ly angym pa-rei py so ba.

⁶Kai ai ly vai py talam dudu nai bo, kai theu nai neng tym bo.

⁷Angpreng acham naira y atho kasa iy tem pa-rei kangpreang bo: ym naira ai ly katyp me chum veng bo.

⁸Vai ly kai i vui y hawi naira areng lukhym ly khai yb veng bo; huni ly Areng, tara chih nai keung kahawi my huni kani y ly ang pei ai; kai leaungrei khyh ny y i, mymy i amteng ai nai ngai nai ngiereichi teng y py pei ai.

⁹Kai teng y jeu kasa tanga ba; Dema ly hini vai dymkhawn i khaileaung pri ai paleung no nai deaungkho y kai ai khai su veng i, Thesalonika avang y chei veng bo:

¹⁰Kriski ly Kalatia pri y chei i, Tita py Damlmatia pri y chei teang. Kai teng y Luka leaungrei chy awm khyh.

¹¹Marka ai chi ly, mymy ai hawi:mymy ly atiti sa naira y ly kai i vui avo parai.

¹²Na i py kai ly Tukika ai ly Ephesi avang y pato veng bo.

¹³Nang jeu nai khala y Troasa avang y Karpa teng y baichu kangjiu kadaw nai hawi, cha-iuchi py syn ly, bawibawi tleaung y mawipeih cha-iuchi ly syn tanga ba.

¹⁴Kheupaja thip nai Aleksandra ly kai i tlang tleaung y khri pa-rei hawi y naira sa: Areng ly mymy i atiti sa nai kamta vawitheung tha ai:

¹⁵nang py mymy teng y ly amkym, ati mana nai mo nabaly ni ly kaichi i leu ai khrikhri pa-rei paka na.

¹⁶Kai i eaung nai leu thui man nai kha y ami py kai ai sabawm y; bawibawichi ly kai ai khai su bebe lawh veng; huni ly mymychi i tlang tleaung y tym moh sy.

¹⁷Na i py aeu nai leu ly kaimy deaungkho y thui pi angym thai ai nai hawi, Cheng Takhra bawibawichi ly thai ai nai py Areng ly kai ai ama hai i, ham hai:khrangsi takai i labeaung i nai py kai ai ang tleaung hai.

¹⁸Areng my ly kai ai hawi y sa naira bawibawi i nai ang tleaung hai ai i, mymy i kani pri y peang naira tym pa-rei chymme naimy ang paheng ai; mymy teng y deungtasa khrairei nang parai naira awm sy. Amen.

¹⁹Priski nini akuila teng y hawi, Onesiphora i dengtheung teng y py kawn nai leu thui pi kyh.

²⁰Erasta ly Korinth avang y awm jo: na i py Trophima naini Mileti avang y no nai kakhaisu bo.

²¹Kaseih ny y rai kha y jeu tanga ba. Ebula hawi, Puda hawi, Lina hawi, Klaudia hawi, amjo amnau bawibawichi my kawn nai leu ang thui pi.

²²Areng ly nang i phailo teng y awm sy. Pahenra ly nangchi teng y awm sy.