Read Khumi Chin AMTENG HAI NAI 11 Bible Online

AMTENG HAI NAI 11 - Khumi Chin bible

AMTENG HAI NAI 11

¹Naibaly kai teng y cheaungvawi kamta siju ang pei: naibaly ami my mo, “Angthau ly, Tameuh i achura yhm kalen pui hawi, maicham hawi huni theung y chiu naichi ai py pata.

²Na i py achura yhm kalen pui angam mang i apai theung i lyum ai ly pata y naimy khai su; huni ai ly Cheng Takhrachi teng y au nai bo:nichi ly lo vui palyh pa-ngo lo nyhrei sala y avang kachai ai ly kheu y chiu teuteu ai.

³Naibaly kai i leu pany hai nai keung nyhrei teng y ly leu kapei ai i, nini ly mawi mui kanih akhiu naimy kani sang atlo chungvai nyh pa-thom kani vui tariu ryrei ly leu thui hawi ai,” ang napi.

⁴Hunini ly olive dengkeaung nyhrei hawi, maisi khai naira nyhrei py khaileaung pri i Areng i mo y angdo nai ne.

⁵Naibaly ami py nini i tlang tleaung y atiti hawi y nai sa ai nai tau baly, myni i labeaung dengdairei mai theu iy myni i paleung ka-echi ai ly kang hai:ami py nini i tlang tleaung y atiti hawi y nai sa ai nai tau baly, hunai kamta khyp padei naimy awm ai nai tla.

⁶Naibaly nini leu thui hawi nai sala ryrei ly kani nai y ai nai kani khang hai thai nai sa thai naira awm hawi: naibaly nini i ngai nai neng tleirei y tui ai thi palawn ai nai hawi, khaileaung pri y ly patang hai naira cheaungkhang tym hai ai nai py sa thai naira awm hawi mei.

⁷Naibaly nini ly myni i pany hai nai leu thui pajau nai bo y, angawm kalawi by y nai theung i dengdairei theu kalau nai mawi kasi my nini ai tiu iy pajau ai i padei ai.

⁸Naibaly nini i Areng ai kraws tleaung y tahen naira, phailo mang i dawn pata naira y ly Sodom hawi Aikupta napi nai avang kalen pui i lam ly nini i veu awm hawi ai.

⁹Naibaly khumichi hawi, chengchi hawi, leuchi hawi, theaungchi theung i khumichi ly kani thom palyh kani thun ryrei sala y veu khen u ai i, nini i veu angawm y up ai nai pei u y ai.

¹⁰Naibaly khaileaung pri y awm naichi ly nini i tlang tleaung y khri pa-rei kawn ai i, amo py theu u ai, langseaung py ataviu u leungtang ai; ati mana nai mo nabaly huni leu thui nai keung nyhrei ly khaileaung pri y awm naichi ai patang hai veng bo.

¹¹Naibaly huni kani thom palyh kanithun ryrei bo y Tameuh teng i dengdairei heng naira kamhui ly nini i taku y num seih i nini ly kheu y angdo hawi bo; naibaly nini ai niu naichi ly khrikhri pa-rei jei u bo.

¹²Naibaly nini ly kani mang i dengdairei raawi pajeng parai nai ly nini teng y, “Hi mang y lyn hawi kalau,” napi nai thai hawi bo. Naibaly nini ly khupanym theung y kani mang y lyn hawi kalau bo, nini i paleung ka-echi my py nini ai niu u bo.

¹³Naibaly huni neng thym khyp khala y ly kaleih khrikhri pa-rei ho i, avang kalen pui phy horei y phyrei ly anawi be bo: naibaly dei nai kamthom ly khri pa-rei jei i Tameuh ai palo u bo.

¹⁴Taham Si Naira pa-nyh nai ly tem bo: khen cham, Taham Si Naira pa-thom nai ly tym kasa ai bo.

¹⁵Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

¹⁶Naibaly Tameuh i mo y mychi i areng atehra tleaung y ateh nai miteaung keh leaung apom phai palyhreichi ly ambeu u i,

¹⁷“Aw, Atiti py Sa Thai Nai Areng Tameuh, vai awm nai hawi jangni i dengdairei awm nai keung hawi: nang i sa thai naira len parai nai nang la iy peang nai deaungkho y kawn nai leu kaichi kang thui pi.

¹⁸Naibaly chengchi ly kado theu u i, nang i kado theu nai ly tym teang; naibaly kadeichi ai tara chih ai nai hawi, nang i miseaung amochi teng y hawi, khumi kachaichi teng y hawi, nang i amyn tahm khai nai khumi katheang kalenchi teng y py mychi i kawn nai vang pei ai nai hawi, khaileaung pri ai taphra nai keungchi ai taphra ali teang ai nai neng ly ang tym bo,” nanai Tameuh ai chiu bo.

¹⁹Naibaly kani pri mang i Tameuh i achura yhm kalen pui paeaung iy mymy i achura yhm kalen pui y ly mymy i leu maikawm adeu nai pawm amteng bo; naibaly amlosadichi hawi, katynchi hawi, kani pajyh naichi hawi, kaleih ho nai hawi, ji kalen py awm tamangtang bo.