Read Kichwa Romanos 10 Bible Online

Romanos 10 - Kichwa bible

Romanos 10

¹Huauquiguna, israelguna quishpichishca tucunauchun nisha ñuca shungu ucumanda yapa munasha Dioshuan cuintani.

²Ñáuca paigunamanda yachasha rimani. Paigunaga Diosta yapa sirbinchimi nishallata mana yachashcacuinta raungunami.

³Dios paigunata paihuan ali ranata mana yachashcamandami paiguna rashcagunallahuanmi ali tucunata munashcauna. Chasna asha Dios paigunata ali ranata mana munashcamanda mana cadsuc anaushca.

⁴Cristo huañusha chi mandashcagunata anchuchira tucui paita quiric runa Dioshuan ali tucuchun nisha.

⁵Chi mandashcagunata cadsushcamanda Dioshuan ali tucungahua Moises casna quillcashca: Maican runa Dios mandashcagunata pactachishaga chimandami causanga.

⁶Astahuanbas quirishcamanda Dioshuan ali tucungahua Diospa shimi casnami nin: Camba shungu ucui ama yuyaringuichu pita jahuapachama ringa Cristota ñucanchihuagma uraicuchingahua nisha.

⁷Chasnallata pita huañushcagunama ringa Cristota huañushcamanda causachingahua nisha ama yuyaringuichichu.

⁸Chasna yuyarina randimanda casna quillcashcata yuyarichi: Ñáucanchi camachishca shimiga Jesucristota quirinami nisha yachachinchimi, Diospa shimiga mana caruichu, camba mayanbimi, camba shimi ucuimi, camba shungu ucuimi tiyan, ninmi.

⁹Chimanda camba shimihuan Jesusca ñuca mandac amu man nishaga, Dios paita huañushcamanda cuti causachishcata camba shunguhuan quirishaga quishpichishca tucunguimi.

¹⁰Yuyarichi. Camba shunguhuan sirtu quirishami Dioshuan alichishca tucungui, camba shimihuan Cristoga ñucata mandac amu man nisha rimashami quishpichishca tucungui.

¹¹Chasnallata Diospa shimi casna ninmi: Maican paita quiric runaga mana pingachishcachu tucunga.

¹²Israel runaguna mana-israel runagunahuas Diospacpi shuglla manaun. Jesucristoga tucui runagunata mandac amu asha tucui paita mañaccunata ashcata cunmi.

¹³Diospa shimi chasnallata nin:Tucui Diosta mañaccunaquishpichishca mangauna.

¹⁴Astahuan runaguna paita chara mana quirishaga imasata mañangauna. Paimanda chara mana uyaccunaga imasata quiringauna. Yachachic runa illacpiga imasata uyangauna.

¹⁵Yachachic runagunata mana cachashca acpiga imasata camachingahua ringauna. Chimandami Diospa shimibi casna nin: Diospa ali shimita yachachingahua purinaga yapa ali man ninmi.

¹⁶Chasna agllaita mana tucui israelguna chi ali quishpina shimita uyashallata mana cadsunaurachu. Paigunamanda huañuc Isaiaspas rimashca: Mana tucui runa ñucanchi yachachishcata quiringaunachu Dios.

¹⁷Chasna nigllaita quishpichic Cristomanda yachachishcata uyashcahuashami quirinata ushanaun.

¹⁸Chasnamanda casna tapuni, manachu Diospa shimita yachachishcata rinrihuan uyashcauna. Indá uyashcaunami. Diospa shimi casna nin:Paiguna yachachishcagatucui munduibi uyarishcami.Paiguna rimashcagunagatucui llactagunaibimi pactashca ninmi.

¹⁹Chasnallata cuti tapuni, israelguna rinrihuan uyasha manachu ali yachashcauna. Indá, ñaupa causac Moisesca Dios rimashcata casnami nishca:Mana-israelgunata ñuca yuyarishamicanguna tumbaisiqui tucusha nishañucata cuti yuyaringahua.Ñáuca mandashcata mana yachaccunata japishamicangunata piñachisha libachinauchun nishacanguna cuti ñucahuagma shamungahua.

²⁰Chihuasha huañuc Isaiaspas mana manzhasha Dios rimashcata casna quillcashca:Ñáucata mana mascac runagunagañucata tupahuashcaunami.Ñáucamanda mana tapuc runagunahuacpiricurishcanimi.

²¹Maspas israelmanda Dios rimashcata Isaias casna quillcashca:Ñáucata piñasha mana uyac runagunatatucui uras yanapanata munashcanimi, nishca.