Read Kichwa Romanos 9 Bible Online

Romanos 9 - Kichwa bible

Romanos 9

¹Ñáuca Cristohua runa asha sirtumi rimani mana llullanichu, Diospa Samai yuyachihuan ñuca sirtuta rimangaraushcata.

²Ñáuca shungu ucui israelgunamanda yapa llaquirishami nanarishcacuinta puriuni.

³Ñáuca ailluguna acpi paigunata yapa llaquishcamandami paiguna quishpichishca tucunauchun nisha ñuca randiga Cristomanda anchuchishca tucunata munaimami.

⁴Israelgunaga Dios japishca runagunami aunguna paihua churiguna tucungahua, paigunahuan causangahua. Paigunatami Dios paihua quiquin sumacta ricuchisha cuirashca. Paiguna huañuc apayayagunata pai pactachishami niushca shimigunata chariunguna, chasnallata pai mandashcagunatas paigunama cushcami. Paita alabangahua paigunatami yachachishca. Dios paigunahuacpi rangarauni nisha rimashcata charinaun.

⁵Paigunaga ñaupa apayayagunamanda miraiguna maunguna. Dios cachashca quishpichic Cristoga paigunamanda mirai asha israel runa mara. Chasna runa tucushallata paiga tucuita mandac Dios man, paitaga huiñai balichishca tucuchun. Chasna achun. Mana tucuiguna quiricchanaun

⁶Ashca israelguna mana uyagllaita Diospa Shimiga mana pishiyanzhu. Tucui israelmanda miraigunaga mana Diospa runaguna chanaun.

⁷Mana tucui israel nishca runagunaga ñucanchi huañuc apayaya Abrahanmanda miraiguna chanaura. Astahuanbas yachanguichi Dios Abrahanda casna nishca: Camba churi Isaacmanda miraigunallami israel nishca runa tucungauna.

⁸Diospa runagunaga mana aichamandallachu aunguna astahuan pai rimashca shimimandami sirtu Diospa runaguna tucushcauna.

⁹Chimanda Dios rangaraushca shimita Abrahanda casna cuintashcami: Ñáuca rimashca uraspi camba huarmi Saraga shuc huahuata charingami, cari huahuata.

¹⁰Chi churiga ñucanchi huañuc apayaya Isaac nishcaga huiñashami Rebeca nishca huarmita japira. Huasha chi huarmiga ishcai (2) cari huahuata huicsayara.

¹¹Paiguna huicsa ucui tiyaushcallaita alitas mana alitas chara mana rashcallaita Dios paigunamanda rimashca. Chimanda rimasha ricuchin mana runa rashcamandachu, astahuanbas Dios ñaupamandapacha munasha japishcata ricuchinmi.

¹²Paigunamanda Rebecata rimashca: Punda churiga quipata uyac tucungami.

¹³Chasnallata Diospa shimibi paigunamanda casna quillcashcami: Quipa churi Jacobota llaquishcani, punda churi Esaúta mana llaquishcanichu nisha. Yaya Dios piñashcamandas llaquishcamandahuas

¹⁴Chasna tucushcamanda imasata rimashun. Dios shucta yali llaquishaga mana alitachu rashca nishachu rimashun. Mana.

¹⁵Ñáaupa uras huañuc Moisesta Dios casna nishca:Maican runatas ñuca llaquinata munashaga llaquishami,maicandas yanapanata munashaga yuyarisha yanapashami.

¹⁶Chasna acpi ñucanchi Diospa runa tucunata mana runa munashcamandachu, mana mandashcagunata pactachishcamandachu, astahuanbas Dios yuyarisha yanapashcamandallami paihua runa tucunata ushanchi.

¹⁷Chimanda Diospa shimibi casna quillcashcami Faraonma rimasha:Ñáuca ushaita ricuchingahuami candagaEgipto llacta amuta rashcani.Tucui llactaibi tiyaccuna ñuca canda ushaihuan turmintachishcata uyangahua,tucuiguna ñuca sirtu jatun ushayuc ashcata yachangahua,canda amuta rashcani.

¹⁸Chasna asha Dios maican runata yuyarisha yanapanata munashaga yanapanmi. Maican runata mana ali shunguta ranata munashaga mana alitachu ran.

¹⁹Chita yuyarisha maican rimahuanguichima: Dios imata ranata munacpiga mana pihuas jarcanata ushanzhu. Chasna acpiga imahuacta Dios ñucanchita caudsayachihuan nisha rimahuanguichima.

²⁰Ama chasna rimaichichu. Canga runa ashcamanda ushac Diosta chasna rimanata imasata ushanguima. Allpa mangaga paita ahuac huarmita imahuata casna ricurictaga ahuahuarangui nisha rimangachu. Mana.

²¹Chi mangata ahuac huarmiga allpata japisha ishcai (2) mangata ahuasha, shucta ali mangata, shuctaga pugllana mangahuahuata ahuasha pai munashcata ran.

²²Chi pugllana mangaga mana balic ashami huasha jichushca tucunga. Dios chasnallata rashcami. Runaguna juchata rashcamandami pai piñashcatas paihua ushaitas ricuchingahua chara mana jichushallata astahuan ahuantasha chapaurami chi juchamanda jichuitucuc runagunata huasha chingachingahua.

²³Ñáucanchiga pai shuc ali rashca mangacuinta anchi pai sumac acta huasha japingahua. Chasna rashami pai llaquishca runagunama pai yapa sumac auta ricuchingahuaca ñaupata munasha ñucanchita japishcami.

²⁴Yaya Dios ñucanchita japishcami maicanguna israel runa acpihuas mana-israel runa acpihuas.

²⁵Ñáaupa uras Oseas nishca Dios rimashcata pasachic runama chasna japishcamandami nira casna:Mana ñucahuaglla accunahuasñuca runa manguichi nisha rimashami.Ñáuca mana llaquishca runagunatasñuca llaquishca manguichi nisha rimashami.

²⁶Chasnallata maibi mana ñucarunagunachanguichi nishcallaitachillaitami causauc Diospa churigunanitucungauna, nira Dios.

²⁷Israelgunamanda rimasha ñaupa uras Dios rimashcata pasachic Isaiaspas casnami nishca:Israel runaguna mana yupaibac tiyucuinta mirarishallatamaicangunallami quishpichishca angauna rimashcami.

²⁸Jatun Diosca tucui cai munduibi tiyac runagunatataripashami nisha rimashcacuinta mana unayasha sirtu pactachingami. Chasna nisha Isaias rimashcami.

²⁹Taripanamandas pai chasnallata rimara casna:Tucuita mandauc jatun Dios libachishallata mana huindachu tucuchishca.Mana ashillata quishpichishca ashaga Sodoma,Gomorra llactagunata piñasha libachishcacuinta illacta tucunchinmara, nishami rimashca. Mictiasha urmashcashinamanda

³⁰Chasna acpiga imatata rimashunchi. Casna. Maican mana-israel runagunaga Diospacpi ali tucunata mana yuyarishcaibis cunanga Cristota quirishcamandami Diospacpi ali tucushcauna.

³¹Astahuanbas israelgunaga chi mandashcagunata pactachishcamanda Diospacpi ali tucushun nisha purigllaita mana paihuacpi chasna ali tucushcachanaura.

³²Imamandata paiguna Diospacpi ali tucunata mana ushanaura. Cristota mana quirisha, ñucanchi quiquin rashcallahuan Diospacpi ali tucusha nishcamandami mana ushanaura. Paiguna chasna pandasha shuc rumibi mictiashcacuinta tucushcauna.

³³Jesucristo chi mictiana rumicuinta acpi Diospa shimibi casna quillcashcami tiyan:Uyaichi. Sion nishca israel llactaibi shuc rumita churani.Runaguna mana quirisha mictiasha urmangaunami.Astahuanbas paita quiric runaga mana urmasha mana pingaringachu ninmi.