Read Kichwa Filemón 1 Bible Online

Filemón 1 - Kichwa bible

Filemón 1

¹Llaquishca huauqui Filemon, Ñáuca Jesucristomanda yachachishcamanda carcelbi tiyausha quillcasha canda saludani. Ñáucanchi quiric huauqui Timoteohuas canda saludan. Cambas ñucanchihuan pariu tarabac mangui Filemon.

²Chasnallata tucui camba huasibi tandaric quiriccunata saludanchi, chasnallata pani Apiatas, huauqui Arquipotahuas. Paiga ñucanchihuan pariu Jesucristomanda yapa rimagara.

³Ñáucanchi Yaya Dios, Señor Jesucristohuas cangunata llaquisha canguna mana manzhasha cungailla causanauchun nisha Diosta mañasha tapuni.

⁴Can Señor Jesusta quirishcatas, tucui paita catiucunata can llaquisha puriushcatas uyashcani. Chita uyasha canmanda tucui uras yuyarisha Diosta mañasha pagrachu niuni.

⁶Can alita quirisha catiuta ricushami shuccunahuas quirinaushca. Chasna acpi Jesucristota quirishcamandami Yaya Dios ñucanchima ali charishcagunata cushcata cambas yachachun nishami mañauni.

⁷Can Jesucristohua runagunata llaquishcahuan yanapashcangui paiguna ali cungailla causangahua. Chita yachashami cushiyasha ahuantani huauqui.

⁸Ñáa can yachanguimi ñuca canda Jesucristomanda yachachic ashami ushaita charini can ranata mandangahua.

⁹Chasna agllaita cunan mana chasna canda mandaunichu randi llaquishcamandami rimauni. Jesucristo ñucata japisha cachashca runa agllaita, Jesuspa quishpina shimita camachishcamanda carcelbi agllaita, canda mandanata ushashallata mana mandanichu. Astahuanbas camba runa Onesimomanda tapuni can cunan paita yanapachun nisha. Paiga ñuca carcelbi camachishcata uyasha Jesucristota quirira. Chasna quirisha ñuca churicuinta tucushcami.

¹¹Ñáaupaga cambacpi mana balicchara. Chasna ashallata cunanga cambacpis ñucahuacpis alita yanapac tucushcami.

¹²Cunan paita cambagma cachauni. Ñáuca paita yapa llaquishcamanda cambas ñucatashina llaquisha alita charingui.

¹³Cachashallata ñucahuan saquirichun nisha munarani. Ñáuca carcelbi tiyausha Jesusmanda camachiupi can randimanda pai ñucata yanapahuachun nisha munarani, chasna munashallata cambagma cachauni.

¹⁴Chasna saquichinata nishallata mana imata ranatas munaranichu canhuan chara mana cuintashallata. Munani can alita rasha mana ñuca mandashcamandachu rachun randi camba quiquin munaimanda rashcaga ali anma.

¹⁵Onesimoga can mandashca runa mara. Chasna ashallata cunanga camba huauquishinami anga Jesucristota quirishcamanda. Ñáuca ricucpi pai canmanda unainaya anchurishca ara cunan bulltiamusha canhuan huiñai causangahua. Ñáucahuas paita huauquitashina yapa llaquini. Cunan pai cambacpi ali mandashca runa maspas quiric huauqui tucushca acpi ñucamanda yalita paita llaquingaraungui.

¹⁷Ñáucahuas manachu camba ali amigo ani. Indá. Ñáa casnatami yuyari. Paitahuas ñucatashinallata llaquisha japipangui.

¹⁸Pai canda ima mana alita racpi u canda dihuicpihuas ñuca pagashami.

¹⁹Ñáuca quiquin maquihuan caita quillcani sirtu canda pagashami. Chasna agllaita ñuca camachishcamanda manachu quiric runa tucurangui. Ñáa chiraicumi camba quiquin causaimanda dihuihuangui.

²⁰Cai ñuca mañashcata casna rangui, ñucamanda randi Onesimota llaquipangui huauqui. Can Cristohua runa asha chasna rasha ñucata cushiyachihuai.

²¹Ñáuca rimaucta can pactachinatami yachani. Chasnallata astahuan yalicta ranatas yachashami caitaga quillcaunmi.

²²Alimi, shuc shimillata mas charini. Canguna Diosta ñucamanda mañasha tapushcamandami pai ñucata lugaryachicpi cangunahuagma pasiacshamushami. Chasna acpi camba huasibi shuc lugarhuata mascapangui ñuca canhuan tiyangahua.

²³Eprafus canma saluduta cachan. Pai Jesucristomanda camachishcaraicu ñucahuan carcelbi satishca an.

²⁴Chasnallata ñucata yanapaccuna Marcos, Aristarco, Demas, Lucaspas canda saludanaun.

²⁵Ñáucanchi Señor Jesucristo cangunata llaquisha alita rachun nisha tapuni. Chillata rimani, Pablo.