Read Kichwa Hebreos 3 Bible Online

Hebreos 3 - Kichwa bible

Hebreos 3

¹Chiraicumanda quiric huauquiguna, Yaya Dios cangunata japishcami paihuac tucungahua. Chasna acpi Jesucristomanda alita yuyarisha causaichi. Paiga Dios japisha cachashca ashami Dios quishpichina shimita ñucanchima yachachin, chasnallata jatun pagrishina asha ñucanchimanda Yaya Dioshuan cuintaunmi. Chiraicumi paillata quirina anchi.

²Yaya Dios paita chasna rachun nisha japicpi alita pactachishcami. Moisespas chasnallata Diosta alita pactachisha Diospa huasita cuirashcashina tucui israel runagunata cuirasha causashcami.

³Yuyarichi. Shuc huasita shayachic runaga pai shayachishca huasimanda manachu mas balic tucushca. Chasnallatami Jesusca Moisesmanda mas balic tucushca.

⁴Tucui huasigunaga maican runas rashca man. Chasnallatami Diosca tucui caibi tiyaccunata rara.

⁵Moisesca israel runagunata cuirac ashami Diospa huasibis alita tarabac runacuinta ara. Chasna asha Dios huasha rangaraushcatas ricuchic mara.

⁶Cristoga randi mana Diospa huasibi tarabac runacuinta chashca, astahuan paiga alita pactachic churimi asha tucui quiriccunata cuirasha Diospa huasitacuinta tucuita alita cuiraun. Paita mana saquisha, sinzhita quirisha Yaya Dios ñucanchima cungaraushcata cushihuan chapaushaga chi huasicuinta manchi. Diospa runagunaraicu samana tiyanga

⁷Chiraicumanda Diospa Samaiga paihua shimibi casna nishca:Canguna cunanga Dios imata rimaushcatauyasha mana saquisha alita catina manguichi.

⁸Ama canguna huañuc apayayagunacuintasinzhi yuyaiyuc aichichu.Chi ñaupa uras paiguna chaquishca allpa partibipuriushcai Dios rimashcata amauyashun nisha paita yapa piñachinaura.

⁹Chiraicu Dios nishca: Chibi canguna huañucapayayaguna ñucata yapa piñachihuanaura.Chuscu chunga (40) huatatañuca ushaihuan rashcagunata ricushahuasñuca munashcata mana pactachinaurachu.

¹⁰Chiraicu piñarishami casna rimarani:Tucui uras chi runaguna paiguna shungu ucuibiñucata mana uyasha juchata rasha purinaunmi,ñuca rimashcata pactachinatamana munanaunzhu nisha.

¹¹Chiraicumi paigunata piñasha ñuca sirtutarimani: Ñáucahuan samangahuaca manaushanachanguichi. Chasna nishami Diosca rimashca.

¹²Dios chasna rimashcata yuyarichi huauquiguna. Ama pihuas causac Diospagmanda anchuriunguichichu canguna shungüibi mana alita yuyarisha.

¹³Chara causaushallata pariumanda caran punzhami sinzhiyachinacusha causana manguichi, cangunata ama jucha umachicpi Diosta saquingahua.

¹⁴Cristota quirishca punzhamandapacha huañunagama paita mana saquisha mas alita catishaga paihuan pariu cuitucunchimi.

¹⁵Diospa shimibi casna nishcami:Cunanga, Yaya Dios rimashcata uyashagaama saquisha paita alita catina manguichi.Ama canguna huañuc apayayagunacuintacanguna yuyaita sinzhiyachinguichichupai rimashcata mana uyashun nisha.

¹⁶Yaya Dios rimashcata mana pactachisha piñachiccunaga pigunatanaura. Egipto llactamanda Moises llucshichisha tucui apaushca israel runagunami anaura.

¹⁷Pigunahuanda Dios piñarira. Paihua shimita mana pactachisha juchata raucunahuanmi. Chasnamandami chuscu chunga (40) huatata chaquishca pambaibi huañusha tucurinaura.

¹⁸Chi mana pactachic runagunatami Dios sirtuta rimashca, paiguna ñucahuan samangahuaca mana ushanachanaun.

¹⁹Ñáucanchiga chita yuyarisha yachanchi, paigunaga Yaya Diosta mana quirishcamandami pai cungaraushca llactama yaicunata mana ushashcaunachu.