Read Kichwa Hebreos 7 Bible Online

Hebreos 7 - Kichwa bible

Hebreos 7

¹Chi Melquisedec Salem llactata mandac rey amumi ashca, yali jatun Diosta sirbic pagri mashca. Paiga Abrahan shuc mandac amugunata guerasha binsisha bulltiamuucta tupagrisha paita bindisiashca, jatun Diosca canda cuirasha yanapangami nisha.

²Chasna racpi Abrahan chi guerata rasha quichushcagunata chaupichisha chunga (10) muntunmanda shuc (1) muntunda chi rey amu Melquisedecma cushca. Melquisedec nishca shutiga Cuscata Rac Amu nishca man. Paihua llacta Salem nishca shutiga Cungailla Causana nishca acpimi paiga Cungailla Mandac Amu nishca mara.

³Mana pihuas yachanzhu paihua yayaguna chasnallata paihua apayayagunahua shutigunatahuas, chasnallata pai pagarishca punzhata ni pai huañushca punzhatahuas mana quillcashcachu. Paimi Diospa churishina huiñaigama pagrimi tucushca.

⁴Chasna acpimi ña yachanchi Melquisedec balic ashcata. Chi ñucanchi huañuc apayaya Abrahanga guerasha binsisha quichushcagunata chaupichisha, chunga (10) muntunmanda shuc muntunda Melquisedecma cumbirashca. Chasna racpi Melquisedecca Abrahanmanda mas yali balic ashcata yachanchi.

⁵Huasha Moises mandashcaraicumi Levímanda miraigunaga israel pagriguna tucushcauna. Chi Levíguna tucui israel runagunandi Abrahanmanda miraiguna ashcauna. Chasna acpi chi shuc israelgunaga tucui paiguna chunga muntunda charishcamanda chaupichisha shuc muntunda Diosma cushcatashina Levígunama cushcauna.

⁶Randi Melquisedec mana Levímanda mirai agllaita Abrahanga chunga muntunmanda shuc muntunda paima cushca. Abrahanga Dios ashca aligunata canma cushcanguimi nisha rimashca runa ashallata Melquisedecma chasna cushca. Cushcai Melquisedecca Abrahanda bindisiara.

⁷Sirtupacha yali balic runaga paimanda pishi runata yanapaitucuchun nisha bindisian.

⁸Cunanga chungamanda shucta japic israel pagrigunaga huañunalla mashcauna. Randi Diospa shimibiga Melquisedecca causaunmi nishami nin.

⁹Chasna acpi Levímanda miraiguna chi chungamanda shucta japic manaunmi. Ñáa Melquisedec Abrahanhuan tupanacushca uras Levíga chara mana pagarishcachu. Chasna agllaita Levígunaga Abrahanmanda mirai ashcamandami Abrahan cuushcai Levíhuas Melquisedecma cucshina mashca. Dios shuc mushuc pagri amuta japira Melquisedecshina

¹¹Tucui Leví muntunmanda Aaronba miraigunallami pagriguna tucushcauna. Chi pagrigunaga Dios Moisesta rimasha mandashcagunata yachachinaura. Chasna chi yachaigunata catisha israelgunahua juchata anchuchinata ushashca acpiga mana shu tunu pagrita japinachanmara Aaron randimanda Melquisedecshina.

¹²Dios chasna pagri rana tunutas cambiashaga tucui ima mandashcagunatahuas cambiana man.

¹³Chasna mushuc pagrimanda nishaga Señor Jesusmandami riman. Pai mana Moises mandashcashina pagri tucuna Levíhua mirai muntunmandachan, astahuan yachanchimi paiga Judá muntunmanda mirai ashcata. Ñáa Judámanda miraiguna pagri tucunata Moises mana imatahuas rimashcachu, chasna acpi mana pihuas chi muntunmanda pagri tucushcaunachu.

¹⁵Alita yachanchimi Yaya Dios mushucta rashcata. Ricuichi. Melquisedecshina shu mushuc pagri ricuricpi yachanchimi Moises mandashcaguna cambiai tucushcata.

¹⁶Jesus mana Leví muntunmanda runa asha pagri tucushcachu, astahuanbas pai huañusha cuti causarishcamandami pagri tucushca.

¹⁷Chasna acpimi Diospa shimibiga paimanda casna rimashca:Canga Melquisedecshinashu tunu pagri tucushcangui,can huiñaigamami pagri angui.

¹⁸Dios chasna nicpi Moises ñaupa uras mandashcagunaga runagunata Diospacpi alichinata mana ushasha yangacuinta mana balichishca tucurami. Chi cunanga Jesus huiñai pagri ashcamanda mas yali ali sirtu quishpina nishca japinata chapaunchi. Chasna asha mana manzhasha ali shunguhuan Yaya Diospagma caillayamunchi. Yaya Dios rimashcahuan Jesus pagri amu tucura

²⁰Yaya Diosca mushuc quishpinamanda rimashaga mana cambiaibac shimita rimara. Ñáaupa uras chi Leví muntun pagrigunaga Dios mana chasna rimashcahuanzhu pagriguna tucunaura.

²¹Jesusta randi Yaya Dios mana cambiaibac shimita rimashcahuanmi pagri tucura. Paimanda casna ñaupa quillcashcami tiyan:Canga huiñaigama pagri mangui,Jatun Dios mana cambiaibac shimitarimashcataga mana ima uras cambiaitucungachu.

²²Dios chasna nicpi chi ñaupa mandashca shimiguna randimanda Jesusca yali balic pactachina shimita rashcami sirtuta quishpichishami nisha.

²³Chi ñaupa uras tiyac pagri amugunaga huañushcamandami ashca anaura.

²⁴Jesus randiga mana huañusha huiñaigama causac ashami pailla huiñaigama pagri anga.

²⁵Chasna acpimi maican runas paita quirisha Yaya Diospagma shamucpi huiñaigama quishpichinmi. Paiga huiñaigama causac ashami paihua runagunamanda Yaya Dioshuan cuintasha causaun.

²⁶Jesusca jatun pagri asha ñucanchi minishtishcata rac an. Paiga sumagmi, ima jiridsata mana racchu, ima juchas illac man, juchai causac runagunamanda anchurishca man, chasnallata jahuapachaibi mas balichishca man.

²⁷Paiga mana chi shuc ñaupa tiyac israel pagri amugunacuintachan. Paiguna caran punzhami aichata huanchisha rahuaita Diosma ricuchishcauna paiguna juchata pichachun nisha. Chasna acpi paiguna ñaupapunda quiquin juchamanda aichata rupachinaura chihuasha tucui israel runagunahua juchagunamandas. Jesus randi shuc cutin huañushallata tucui runagunahua juchata anchuchishcami.

²⁸Moises mandashcagunata israelguna pactachisha juchata raglla runagunata japishcaunami pagri amu tucunauchun nisha. Huashaga Yaya Dios pai mana cambiaibac shimita rimashcahuan paihua huiñaigama sumac tucushca churita japishcami pagri amu tucuchun nisha.