Read Kichwa Apocalipsis 12 Bible Online

Apocalipsis 12 - Kichwa bible

Apocalipsis 12

¹Chihuasha shuc yapa manzhanayacta jahuaibi ricurira tucuiguna ima tucungaraushcata ricusha yachangahua. Shuc huarmiga ricurira indita churarishcacuinta mara punzhaclla, paihua umaibi chunga ishcai (12) estrellayuc curunatami churarishca ara. Quilla jahuaibi shayaura pai.

²Chi huarmiga huicsayuc mara. Chasna asha huahuata pagarichina uras pactacpi nanachisha capariura.

³Chihuasha jahuaibi cuti shuc manzhanayacta ricurira, tucuiguna chita ricusha yachanauchun nisha. Chiga shuc dragon nishca yapa jatun puca aicha ricurira. Chi dragonga canzhis (7) umatas, chunga (10) cachutas charira. Caran umai canzhis mandana curunata churarishca ara.

⁴Chi dragon nishcaga quimsa (3) partimanda estrellagunata paihua chupahuan aisasha cai pachama shitara. Chihuasha chi dragonga chi huahuayangarauc huarmihua ñaupacpi shayarira paihua huahua llucshicpi micusha nisha.

⁵Chi huarmiga cari huahuata huahuayara. Shuc angel chi huahuata paihua mamamanda quichusha Diospagma pai mandanama apasha rira. Chi huahuaga tucui cai pachai auc llactagunata tucuita sinzhi jiru barahuan alita mandangami.

⁶Chihuasha chi huarmiga runa illashca partima miticusha rira Dios alichishca partima chibi cuiraitucushca tiyangahua. Chibimi shuc huaranga ishcai patsac sucta chunga punzhata micunata carashca tiyaura. (1.260 punzha nishca quimsa huata chaupi 3 ½ man).

⁷Chihuashaga shuc jatun macanacuna jahuapachaibi tiyara. Mandauc angel Miguelmi paihua angelgunandi dragonhuan macanacunaura. Chasnallata dragonbas paihua angelgunandi Diospa angelgunahuan macanacunaura.

⁸Chasna macanacushallata dragon mana binsinata ushara, chihuasha jahuapachaibi lugar mana mas tiyarachu chibi paiguna tiyangahua.

⁹Chasna acpi chi dragonda chimanda allpama llucshichisha cachai tucura. Pai callari urasmanda palucuinta mara, supaigunahua amu Satanas nishca man, paiga intiru munduta umachic man. Paita cai munduma shitashca mara paihua angelgunandi.

¹⁰Chimandaga jahuapachaibi sinzhita caparishcata uyarani casna nisha:Cunanga supaimanda quishpina punzha pactarishcami.Ñáucanchi Dios pailla mandauc aushcata ricuchishcami.Chasnallata pailla tucuita ranata ushac ashcatas,paihua Cristo jatun mandac amu ashcatahuas ña ricuchishcami.Tutandi punzhandi ñucanchi Diospa ñaupacpiñucanchi quiric huauquigunata culpayachiusupaitaga jahuapachamanda cai pachamaña tucsitucushcami.

¹¹Chi quiric huauquigunagaOvejahua rahuaihuan maillashcamandami,Diospa shimita yachachishcamandas supaita binsinaura.Piñaccuna huanchishun nicpihuaspaiguna huañunata mana manzhanaurachu.

¹²Chimanda jahuapachaibi causaccunas cushiyaichi.Astahuanbas allpai causaccunagachasnallata lamarbi tiyaccunahuasai, imachari tucungauna.Supaiga pai munashcata rana uras ñatucuriushcata yachashamiyapa piñarishcahuan cangunama uraicumushca nishcatas uyarani.

¹³Chi dragonga paillata cai pachama shitashcata yachasha chi cari huahuayuc huarmita huanchingahua catisha rira.

¹⁴Chimandami chi huarmima ishcai (2) jatun angahua rigrata cushca ara chi palu ñaupagmanda huanburisha miticungahua runa illashca partima. Chi pairaicu alichishca partibi paita cuiraitucungami quimsa huata chaupigama (3 ½).

¹⁵Chi huarmi chasna miticucpi paluga paihua shimihuan ashca yacuta huarmihua huashaibi pucura paita apachun nisha.

¹⁶Chasna yacuta pucucpihuas allpa partirisha ucuma llambu sáuc apara. Chasna rasha chi huarmita yanapasha quishpichira.

¹⁷Chasna tucucpi chi dragonga chi huarmita mas sinzhita piñara. Chihuasha paita mana huanchinata ushashami macanacungahua callarira chi huarmimanda miraigunahuan. Chigunaga Dios mandashca shimitas, Jesucristo sirtu rimashca shimita alita pactachiccuna manaura.