Read Kichwa Apocalipsis 5 Bible Online

Apocalipsis 5 - Kichwa bible

Apocalipsis 5

¹Chi tiyarinaibi tiyauta ricusha paihua ali maquibi shuc pillushca quillcata chariucta ricurani. Chi quillcaga jahuaibis ucuibis quillcashca mara ishcandi partibi. Chasnallata canzhis (7) sellohuan japichishca mara.

²Chasnallata ricurani shuc yapa ushaiyuc angelta. Pai sinzhi shimihuan caparisha tapura, Pita ushan tucui sellashcagunata pitisha cai quillcata pascangahua.

³Rimacpi randi chi quillcata pascasha ricunata mana pihuas usharachu, jahuapachai aucunas, cai pachai aucunas, allpa ucui huañushca aucunahuas mana ushanaurachu.

⁴Chi quillcata pascasha ricungahuallas pihuas mana ushac ashcamanda ñuca yapa huacarani.

⁵Chasna huacaupi shuc rucuga ñucata nihuara ama huacaichu nisha. Ricui, caibimi Judá muntunmanda Leon Puma nishcami, huañuc rey amu Davidmanda mirai man. Pai ushaihuan tucuita binsishcamandami chi canzhis (7) sellashcagunata pascasha quillcata ricunatas ushan nihuara.

⁶Chihuasha chi jatun tiyarina chaupi shungüi shuc Oveja shayauta ricurani. Paita muyucta chi chuscu (4) causaucuna, chi ishcai chunga chuscu (24) rucugunahuas shayanaura. Chi Ovejaga huanchishcacuinta ricuric mara. Paiga canzhis (7) cachutas, canzhis ñahui muyutas charirami. Chi canzhis ñahui muyugunaga tucui cai pachama cachashca Diospa canzhis ushaiyuc samaiguna manaun.

⁷Chi Ovejaga jatun tiyarinaibi tiyaugma risha paihua ali maquibi chariushca quillcata japira.

⁸Chi quillcashcata japicpi chi chuscu causaucuna, chi rucugunahuas Ovejahua ñaupacpi cungurinaurami. Chi rucugunaga gustu tucana arpagunata charinaura. Chasnallata curimanda rashca pillchigunaibi gustu asnac pulbushcagunata jundachishcatami charinaura. Chi gustu asnac pulbuga Diospa runaguna paita mañashcata ricuchin.

⁹Paiguna shuc mushuc cantanata casna nisha cantanaura:Canga huanchishca marangui,camba rahuaihuanmi runagunata randishcacuintaquishpichiranguitucui chican muntungunamanda,tucui tunu rimaccunamandas,tucui llactagunamandas,tucui mundugunamandahuas.Diospa runaguna tucuchun nisha quishpichishcangui.Can chasna rashcamanda canllamichi quillcashcata japishasellashcagunata pascanata ushangui.

¹⁰Chasna runagunata randishami paigunañucanchi Dios munashcata ranauchun nisha,pagrigunacuinta Diospacta rauctucunauchun nisha rashcanguimi.Chasna racpi jatun mandaucunacuintacai pachaibi mandangaunami nisha cantanaura.

¹¹Chihuasha ricurani jatun tiyarina muyucta, chi causaucuna muyuctas, chi rucuguna muyuctahuas ashca angelguna rimashcata uyaranimi. Chi angelgunaga yapa ashca manaura, ashca huarangami mana yupaibacchu anaura.

¹²Paiguna sinzhita rimanaura casna nisha:Huanchishca Ovejaga balichishca mantucuigunata mandangahua,yapa ashcata charingahuas,tucuitas yachangahuas,imatahuas ushaihuan rangahuasbalic man, ali man, jatun man nishaalabashca tucungami. Chasna nishami tucui angelgunaga rimanaura.

¹³Chasnallata jahuapachais cai pachais, allpa ucuis lamar ucuis tucui chigunai tiyaucunahuas Diosta alabanaura. Tucuiguna casna rimaushcata uyarani:Jatun tiyarinaibi tiyauc Dios,Ovejahuas huiñaigama balic manguinisha jahuayachisha alabashca tucunguimi,tucui ushaita huiñaigama charinguitucuigunatas mandangahua nishami rimanaura.

¹⁴Chasna cantacpi chi chuscu (4) causaucunaga chasna achun nisha rimanaura. Chasna rimacpi chi ishcai chunga chuscu (24) rucu runagunas cungurisha huiñai causacta alabanaura.