Read Kilivila 2 SAMWELA 1 Bible Online

2 SAMWELA 1 - Kilivila bible

2 SAMWELA 1

¹Avai tuta Saulo bogwa eikaliga e Debida ikaimilavau metoya ola tomgwaga odubasi mina Amaleki e isisu ovalu Sikilagi iboda kwaiyu yam.

²E eiyamgwa taitala tau totubovau metoya Saulo okala kabeikau ivalapula imakaia Debida. E matauna eiyomitali la ninamwau, ikisi kala kwama deli ikuma pwaipwaia odabala. E ilokaia Debida ikululu opwaipwaia deli la kamaiaba.

³E Debida ikatupoi matauna kawala, “Ambaisa mokutoya?” E tau matauna ivitakauloki kawala, “Lasakaula metoya mina Isireli okasi kabeikau.”

⁴E Debida ikatupoivau matauna, kawala, “Kulukwaigu avaka eikaloubusi.” E matauna ikaibiga, kawala, “Komwaidomasi tokwabilia kasakaulasi wala metoya okabilia, deli mebau ma tokwabiliasi bogwa leikatumataisi.”

⁵E Debida tuvaila ikatupoi matauna, kawala, “Ammakawalaga lokunikoli Saulo sola Yonatani bogwa eikaligasi ke?”

⁶E matauna ivitakauloki kawala, “Yeigu atotu wa Koya Gilibowa, e agisi Saulo ikalidaga wala ola kaiyala, e mimilisi tilaula imaisi wa waga kaibibiu deli wosa tosisila bogwa eivakatitaikinasi baisa matauna.

⁷E imitavila igisaigu, e idouwaigu atama kawagu, ‘O, tomoya!’

⁸Ikatupoiyaigu availa yeigu, e aluki matauna yeigu guma Amaleki.

⁹E oluvi ikaibiga kawala, ‘Kuma baisa kukwatumataigu! Paila bogwa lasilagi e makateki wala bakaliga.’

¹⁰E bogwa lavitusi makateki goli bikaliga avai tuta wala bikapusi, e mapaila alokaia akatumati matauna. E tomoya, ka, akau kala kulupaipi metoya odabala deli kala mituwetuwa oyamala e bogwa lakau makwaisina guguwa lamiakaim.”

¹¹Debida ikisi kala kakapula deli la valam, e komwaidosi la tokwabilia ivagaisi makawala wala.

¹²Mapaila matausina saina ininamwausi sainela, deli vilamsi ipusoposumasi wala ila ikoyavi, paila posumala Saulo sola Yonatani, deli paila posumala mina Isireli, matausina Guyau la tomota, paila uula saina tobidubadu eikatumataisi metoya okabilia.

¹³E Debida ikatukoyai matauna totubovau availa eimai matauna bulogala, kawala, “Ki, am tolem?” E matauna ivitakauloki kawala, “Yeigu guma Amaleki, mitaga lamili valu baisa omi valu.”

¹⁴E Debida ikatukoyai matauna kawala, “Ammakawalaga yoku lokutuvaluwa e kukwatumati matauna Guyau bogwa leinagi paila biguyau?”

¹⁵E iluki matauna guma Amaleki kawala, “Bogwa lokukwamitulaim titoulem. Ka! Lokukwamogaim goli avai tuta lokukwamituli mwada kukwatumati matauwena Guyau einagi paila biguyau!” E oluvi Debida idou taitala la tokabilia iluki kawala, “Kukwatumati!” E matauna iwaiya guma Amaleki ikatumati matauna.

¹⁷Debida iwosi la kavinavina paila Saulo sola latula Yonatani,

¹⁸e ikaraiwaga bivitulokaisi mina Yuda. (E baisa iginaisi obukila Yasa la Buki.[1])

¹⁹“Okoyala Isireli kada tokugwasi ikaligasi! Mina tuvaluwa mokwita da tokwabiliasi bogwa eikaligasi okabilia.

²⁰Galaga bukukwamitulaisi mapilana Gata kainaga okedala Asikiloni.[2] Gala bukuyomwasalaisi nunumoyela Pilisitia. Gala bukutagwalasi litusia vivila minasina si tapwaroru kwemitawasi bimwasawasi.

²¹“Gala ibodi kuna kaina numla bikapusisi okoyala Gilibowa. Ibodi kubilesi tuta komwaidona bidapakala wala. Paila uula si vayoula mina tuvaluwa ikanukwenusila baisa iyomosilaimasi, e Saulo la vayoula gala tuvaila bikatumigileuwaisi obulami.

²²Metoya ola kaiyala Yonatani saina peula leikatumati kala tilaula, deli Saulo gala wala leinokapisi kala tilaula metoya ola kaiyala, leikatumtuwoli topapeula, e leikatumati kala tilaula.

²³“Saulo sola Yonatani saina bwainigaga deli mina mbwailigu! Igau tommomova kasitaiyu wala isisuaisi, e kasitaiyu wala kala yamtala ikaligasi. Matausina si gigibula ikalisau mluveka, e si peula ikalisau laiyoni.

²⁴“Vilemi Isireli, kuvalamsi paila Saulo! Paila matauna eivisikomaimi kami kwama saina yabubweyani, e ikatububulaimi metoya dakuna kwevivivila deli goula.

²⁵“Tokwabilia mina tuvaluwa bogwa ikaligasi okabilia, matausina bogwa eikatumataisi okabilia, e Yonatani ikanukwenu tokaliga wala wa koya.

²⁶“Yeigu aninamwau paila yoku, tuwagu Yonatani, paila yoku kusaiki bobonam baisa yeigu! Isa bwainigaga m yebwaili paila yeigu, m yebwaili ikalisau gala makawala vivila si yebwaili paila yeigu.

²⁷“Tokwabilia mina tuvaluwa bogwa ikaligasi okabilia, e si guguwa paila kabilia iligaiwaisi wala ikanumakavasi.”