Read Kilivila 2 SAMWELA 23 Bible Online

2 SAMWELA 23 - Kilivila bible

2 SAMWELA 23

¹Debida latula Yese matauna Yaubada eilupi walakaiwa. E matauna Yekobe la Yaubada inagi paila biguyau, e matauna wala tobutula wosi pilaminabwaita paila mina Isireli. Baisa la biga kala vigimkovila.

²Yaubada bilomala ililivala metoya owodogu, e la biga obilubalogu wala.

³Mina Isireli si Yaubada bogwa eilivala. Matauna Isireli kala tokwala ilukwaigu, kawala, “Avai guyau ikikaraiwaga duwosisia, deli ikikaraiwaga deli la kamaiaba baisa Yaubada,

⁴e matauna makawala kalasia la yuwoula ititapi yam makwaina gala lowalowa, kaina makawala kalasia goli bivigaki mnumonu bivivivila avai tuta biwokuva kuna.”

⁵E baisa makawala Yaubada bikabwaili dalegu, paila matauna bogwa ilivala la kabutu kwekanuvagasi deli yeigu. E makwaina kakikita gala wala bikotuni, e biga katotila makwaina gala wala bitakatumapu. Ka, baisa wala magigu! Baisa goli bivigaki ulo tomgwaga, e Yaubada mokwita wala bivigaki makawala.

⁶Mitaga tomota matausina gala inikolaisi Yaubada makawala kaigunigwaini bitalavi, e gala taitala ibodi bikabikoni.

⁷Gagabila wala takalisigi metoya okoroba kaina kaiyala, e tagabu ivakakovi wala itamwau.

⁸Baisa makawala yagasi Debida la kumatoula. Taitala yagala Yoseba Basebeti tolela Takemoni. Oluwalaisi mabudona idokaisi Kasitaitolu, matauna kasi tokugwa. Matauna deli la kaiyala ikabilia deli kala tilaula kasi bawa lakatulima lakatutolu komwaidosi wala ikatumati okawakali kwaitala.

⁹Taiyuwela metoya matausina Kasitaitolu yagala Eleasa matauna Dodo latula odalela Awo. Kwematala yam matauna sola Debida iyokolaisi mina Pilisitia matausina bogwa ikatubaiasasi paila bikabiliasi. Mina Isireli komwaidona isakaulasi,

¹⁰mitaga Eleasa iwai wala kailolala ikabilii mina Pilisitia tatoula wala la kema ikabi oyamala gala gagabila bikilavi makavina. Yam makwaina Guyau ivigaki saina vakaigaga tomgaga. Avai tuta kabilia bogwa leiwokuva, mina Isireli ikaimilavausi ambaisa Eleasa itotu e ivililaisi tabodala uwosi tomata.

¹¹E taitolula dabala wota yagala Samma matauna Agi latula, tolela Arara. E mina Pilisitia eililatu mapilana Lei, ambaisa bigulela bini isisu. E mina Pilisitia ibokavilaisi mina Isireli,

¹²mitaga Samma iwai kailolala itotu olopola bagula ikikabilia ikatumati mina Pilisitia. E Guyau bogwa ivagi tomgaga kwaiveka yam makwaina.

¹³E bogwa eivakatitaikina tayoyuwa kala tuta bivitouula taitolu metoya mabudona Kasitailuwotolu matausina ilosi wa lagi mapilana Adulam, ambaisa Debida isisu, wa tuta matutona budotala mina Pilisitia eibudaisi kabosikaiwa oItayatilela Repaim.

¹⁴Tuta matutona Debida isisu wa koya ambaisa eikaliaisi ikatubaiasasi paila kabilia e kwaitala boda mina Pilisitia iyoulisi Bedeliem.

¹⁵E Debida saina ibulokatuuwoli e ikaibiga kawala, “Magigu sainela kidamwa availa bigoli sitana agu sopi metoya outuwotu makwaina opapala kalapisilela Bedeliem!”

¹⁶E kasitaitolu matausina tokabilia dabala wota isugigaiyaisi si kabeikau mina Pilisitia, e igolaisi sitana sopi metoya outuwotu makwaina, e imiakaisi Debida. Mitaga matauna ipaiki gala wala bimom; kaimapula matauna iligabu sopi baisa ivigaki semakavi baisa Guyau

¹⁷e ikaibiga kawala, “Mwa, Guyau, gala wala ibodi bamom baisa sopi! Kidamwa bamom baisa makawala bogwa bamom buyavisi tauwau matausina ikasalaisi si momova!” Mapaila ipaiki gala magila bimom sopi baisa. Baisa makawala si togaga leiyomitalaisi matausina taitolu tokabilia pwataboda.

¹⁸E Abisai matauna Yowabi bodala (inasi yagala Seruya) matauna kasi tokugwa mabudona Kasitailuwotolu dabala wota. Matauna ikikabilia deli la kaiyala e ikatumati lakatutolu tauwau, e baisa ivigaki matauna kumatoula oluwalaisi mabudona Kasitailuwotolu Dabala Si Wota.

¹⁹Matauna saina wala itomgwaga oluwalaisi mabudona Kasitailuwotolu e ivagi kasi tokugwa, mitaga la kabikabi gala wala isakaila matausina Kasitaitolu.

²⁰E Benaia matauna Yeoyada latula tolela Kabisieli matauna taitala dabala wota. Matauna bidubadu vavagi eiuvagi ola tuvaluwa tuvaila, makawala matauna ikatumati taiyu mina Mowabi si kumatoula. Okwaitala okweluvala tuta saina sibula, matauna ibusi ila olumoulela kwaitala laiyoni kasi nobwala e ikatumati natana minasina.

²¹Matauna tuvaila ikatumati taitala saina tovakaigaga tolela Itipita, matauna la kaiyala oyamala wala iyosi. Benaia ikau la puluta iwaiya matauna, ilebu guma Itipita la kaiyala titoulela iyosi e ibasi matauna metoya makaina.

²²Baisa makawala Benaia la togaga eiyomitali, matauna taitala oluwalela mabudona Kasitailuwotolu.

²³Matauna itokesa wala oluwalaisi matausina, mitaga gala wala isakaila mabudona Kasitaitolu Dabala Si Wota. E Debida ivigaki matauna kasi tokugwa komwaidona kala toyamata.

²⁴Kasi kakalawa sesia makawala mabudona Kasitailuwotolu. Asaeli matauna Yowabi bodala Elanani matauna Dodo latula tolela Bedeliem Samma sola Elika tolesi Aroda Elesi tolela Peleti Ira matauna Ikesi latula tolela Tekowa Abiesa tolela Anatoti Mebunai tolela Usa Salimoni tolela Awo Maarai tolela Netopa Eleba matauna Baanai latula tolela Netopa Itai matauna Ribai latula tolela Gibia mapilana Beniamina Benaia tolela Piratoni Idai la valu oitayatila katitaikina Gaasa Abialiboni tolela Araba Asimaveta tolela Baurim Eliaba tolela Saaliboni Yaseni litula Yonatani Samma tolela Arara Aiyam matauna Sarari latula tolela Arara Elipeleti matauna Easibai latula tolela Maaka Eliam matauna Aitopela latula tolela Gilo Esiro tolela Kamela Paarai tolela Arebia Igali matauna Netani latula tolela Soba Bani tolela Gada Seleki tolela Amoni (...)