Read Kilivila 1 LILIU 14 Bible Online

1 LILIU 14 - Kilivila bible

1 LILIU 14

¹Guyoula Taia yagala Iram iwitali kwaitala boda baisa Debida paila bigigimwalasi youdila e deli bikatumapusi guguwa. Isaiki Debida makaisina kai kweisila paila youdila, e deli goli matausina tokabitam kaliai metoya dakuna deli metoya kai, kidamwa bikaliaiisi kwaitala ligisa.

²E mapaila Debida itapuloki nanola paila Guyau bogwa eisaili matauna kidamwa biguyoi Isireli, e eivigaki la kabokaraiwaga biyouloveka, paila wala kasi bwaina la tomota.

³E bogwa eisisu Yerusalem, matauna Debida ikatumkulovi la kukova e tuvaila iuni litula guduwovau tauwau deli vivila.

⁴Litula eikaloubusisi mapilana Yerusalem yagasi Sammwa, Sobabi, Netani, Solomoni,

⁵Iba, Elisuwa, Epeleti,

⁶Noga, Nepegi, Yapia,

⁷Elisama, Beeliada, Elipeleti.

⁸Avai tuta mina Pilisitia inakaigalaisi Debida bogwa leivigakaisi eiguyoi viloumwaidona Isireli, e si tokabilia mina Pilisitia ilosi mwada bikatupipaisi matauna. Mapaila Debida ila bibodi matausina.

⁹Mina Pilisitia iviloubusisi Itayatilela Repaim e ivitouulasi ikwayaisi valu.

¹⁰Debida inigada baisa Yaubada kawala, “Ibodi bakabilii mina Pilisitia ke? Ki bogwa bukuvigakaigu batomgwaga?” E Guyau ivitakauloki kawala, “Bwaina wala, kula kukwabilii! Yeigu bogwa bavigakaim bukutomgwaga!”

¹¹Mapaila Debida isugigai matausina mapilana Beali Perasim e ikalisau matausina. Matauna ikaibiga kawala, “Yaubada bogwa eivigakaigu basugigai tilaula si tokabilia makawala dadoya bititayelu.” Mapaila valu makatupona idokaisi Beali Perasim.[5]

¹²Avai tuta mina Pilisitia leisakaulasi, matausina iligaiwaisi minasina si yaubada tokolu, e Debida ikaraiwaga bigabwaisi minasina.

¹³Avai tuta mina Pilisitia ikaimilavausi oitayatila ivitouulasi ikwayaisi valu tuvaila.

¹⁴E Debida tuvaila ikatupoi Yaubada, e ivitakauloki kawala, “Gala bukusugigai matausina metoya mapilana, mitaga kutavina kula kukwatubaiasa katitaikinela mapoulona kai paninita.

¹⁵E avai tuta bukulagi luluwasi tokwabilia odogina kai makaisina, e kusugigai, paila yeigu bogwa balobogwa omatam paila batomgaga odubasi mina Pilisitia tokabilia.”

¹⁶E Debida ivagi avaka Yaubada leikaraiwogi, mapaila matauna ibokavili mina Pilisitia metoya Gibioni iiyosi goli ilau Gesera.

¹⁷E Debida bulogala ikaligiaki ambaisa ambaisa e Guyau ivigaki boda komwaidona ikukolaisi matauna.