Read Kilivila 1 LILIU 4 Bible Online

1 LILIU 4 - Kilivila bible

1 LILIU 4

¹Matausina mimilisi tuvaila Yuda dalela. Peresi, Esironi, Kami, Ura, deli Sobali.

²Sobali latula Reaya, e Reaya latula Yaata, e Yaata litula Aumai sola Laada, e tomotala Sora tubusia matausina.

³Ura matauna Keleba sola la kwava Eparati si kuluta, e dalela matausina totai valu Bedeliem. Ura litula taitolu. Etam, Penueli, deli Esa. Etam litula tauwau taitolu. Yesireeli, Isima, deli Idubasi, e vivila natana wala yagala Aseleliponi. Penueli matauna totai valu Gedori, e Esa matauna totai valu Usa.

⁵Asura matauna totai valu Tekowa, e la kukova nayu, Ela sola Naara.

⁶Matauna sola Naara eiunaisi litusia taivaisi. Ausam, Epera, Temeni, deli Eayasitari.

⁷E Asura sola la kwava nayuwela Ela eiunaisi litusia taitolu. Sereti, Isa, deli Etinani.

⁸E Kosi matauna Anubi sola Sobeba tumasi, e tubusi dalela leikitetilasi metoya Arum latula Aareli.

⁹Ka, taitala tau yagala Yabesa, odalela komwaidona saina itemamalaisi matauna. E inala idoki yagala matauna Yabesa,[2] paila uula ola tuta kaloubusi saina mmayuyugaga inala ilumkoli.

¹⁰Mitaga Yabesa inigada baisa Isireli la Yaubada, kawala, “Mwa Yaubada kumitukwaiyaigu, kusakaigu bidubadu ulo pwaipwaia. Kusikailigu e kukolaigu metoya avai mitugaga ola peula taga biyomiyuyaigu.” Mapaila Yaubada isaiki matauna avaka bogwa leinigadi.

¹¹Keleba matauna Suwai bodala, latula taitala tau yagala Meira, Meira latula Esitoni,

¹²e matauna Esitoni litula taitolu. Betarapa, Pasea, deli Teina. Teina matauna totai valu Neyasi. Matausina dalesi isibogwasi mapilana Reka.

¹³Kenasi litula taiyu, Otaniela sola Seraia. Otaniela tuvaila litula taiyu Atata sola Meonotai.

¹⁴Meonotai latula Opera. Seraia latula Yowabi, matauna totai valu yagala Itayatilela Tokabitam e tomotala komwaidona isisuaisi mavilouna kasi tovagi youdila.

¹⁵Yepune latula Keleba e, Keleba litula taitolu. Iru, Ela, deli Naam. E Ela latula Kenasi.

¹⁶Yealeleli litula taivasi. Sipa, Sipai, Tiria, deli Asareli.

¹⁷Esirai litula taivasi. Yetera, Meredi, Eperi, deli Yaloni. Meredi ivaiya Bitia, minana guyoula Itipita latula, e litusi natana vivila yagala Miriam, e taiyu tauwau, Sammai sola Isiba. Isiba matauna totai valu Esitemowa. Meredi tuvaila ivaiya natana vivila odalela Yuda, e litusia kasitaitolu. Yeredi, matauna totai valu Gedori, Ebera, matauna totai valu Soko, e Yekutieli, matauna totai valu Sanowa.

¹⁹Odia ivaiya minana Naam luleta. Matausina tubusia tokitetila dilayu dala, dilatala Gam dalela; madalana eisisuaisi ovalu Keila, e dilayuwela Maakati dalela eisisuaisi ovalu Esitemowa.

²⁰Simoni litula taivasi. Aminoni, Rina, Benanani, deli Tiloni. Isi litula taiyu. Soweti sola Benisoweta.

²¹Sela matauna taitala Yuda latula. E odalela mimilisi tovakaveka isisu, makawala Eri, matauna totai valu Leka; Lada, matauna totai valu Maresa; e dalesi toyoudilesi karekwa, si valu Beta Asibeya;

²²tuvaila Yokim deli tomotela valu Koseba; e Yowasi sola Sarapi, matausina ivaisi vilesi Mowabi e oluvi imilivalusi mapilana Bedeliem. (Gulogula makwaisina metoya tommoyabogwa.)

²³Matausina guyau la towotetila towaisi kulia leisisuaisi ovalu mavilousina Netaim deli Gedera.

²⁴Simioni litula tailima. Nemweli, Yamini, Yaribi, Sera, deli Sauli.

²⁵Sauli latula Salum, e tabula Mibisam, e tabula tubuyuwela yagala Misima.

²⁶E metoya baisa Misima madilana bitetila baisa Ammweli, bimakaia Sakura deli Simei.

²⁷Simei litula kasi bawa tailuwotala tailima taitala tauwau, e nalima natana vivila, mitaga veyala gala wala litusia bidubadu, mapaila Simioni dalela gala wala idalasi sainela makawala Yuda dalela kala bidugaga.

²⁸Mavilousina si valu Simioni dalela leisisuaisi eiuvalutu leima ola tuta guyau Debida. Biasiba, Molada, Asarisuwali,

²⁹Bilia, Esem, Toladi,

³⁰Betuweli, Oma, Sikilagi,

³¹Beti Makaboti, Asarisusim, Betibiri, deli Saaraim.

³²Matausina isisuaisi olumoulela kwailima valu tuvaila. Etam, Aini, Rimoni, Tokeni, deli Asani,

³³deli mavilousina opapala eitavinaisi eitapataisi, eiuvalutu eila itobu Bealati mapilana okwaibwagayouya. Baisa makawala livalesi matausina leiginaisi paila dalesi deli paila valu mavilousina leisisikaisi.

³⁴Tauwau matausina dala tommoyela yagasi makawala. Mesobabi, Yamileki, Yosa, matauna Amasaia latula, Yoweli, Yeu (matauna Yosibia latula, Yosibaia matauna Seraia latula, e Seraia matauna Asieli latula), Eliowenai, Yaakoba, Yesowaia, Asaia, Adieli, Yesimieli, Benaia, Sisa (matauna Sipi latula, Sipi matauna Aloni latula, matauna odalesi Yedaia, Simri deli Semaia). Paila bogwa saina dalesi eiunigeyaisi,

³⁹matausina isipitalaisi valu mapilana opilikwaibwaga ila katitaikinela valu Gerara, matausina biuvakamsi si sipi mapilana opilibomatula itayatila valu makwaina eititoki.

⁴⁰Matausina ibanaisi bidubadu kubilela mnumonu semitamata okabayatila saina vakaigaga baisa goli kaboluvapela gala kwaitala kabokokola. E omitibogwa mina Am eimilivalusi baisa.

⁴¹Ola tuta Guyau Esekaia matauna guyoula Yuda, tomota yagasi walakaiwa ilosi Gerara e ikodidaimisi si bwala deli si buliyoyova matausina tomotala mavilouna. Matausina ibokavilaisi tomotala e isikaisiga mavilouna ivigakaisi si valu tatousi paila uula saina bidubadu mnumonu semitamata paila si sipi bikamkwamsi.

⁴²Budotala Simioni dalela kasi bawa tailakatulima tomota isuwaisi opilibomatu ilosi Edom. Matausina Isi litula ikugwaiyaisi mabudona, yagasi Pelatia, Nearia, Repaia, deli Usieli.

⁴³Metoya baisa matausina ikatumataisi mina Amaleki kesala tommomova e isikaisiga valu omitibogwa leima lagaila.