Read Kilivila NIEMAIA 11 Bible Online

NIEMAIA 11 - Kilivila bible

NIEMAIA 11

¹Tokugwa komwaidosi imilivalusi olopola Yerusalem, e komwaidosiga tomota bikowobobutasi availa bimilivalu Yerusalem. Mapaila metoya kweluwotala kaukweda, taitala wala bikibobuta e matauna deli litula bilosi imilivalusi Yerusalem makwaina viloubumaboma, e komwaidosiga bimwaisi imilivalusi ituwoli valu.

²E komwaidosi tomota ikavisaisi availa availa matausina itugwalaisi titoulesi paila bilosi imilivalusi Yerusalem.

³E viluwela Yuda viloukikekita deli vilouvakaveka tomotala Isireli, tolula, mina Libai, Bwala Kwebumaboma topaisewala, deli Solomoni la towotetila dalesi imilivalusi wala oviloutabusi. Baisa yagasi matausina tokugwala Yuda eisisuaisi olopola Yerusalem.

⁴Matausina odalela Yuda. Ataia matauna Usaia latula, e tabula Sekaraia. E tubula tuvaila yagasi, Amaria, Sepatia, deli Maalaleli, matausina Peresi tubula, matauwena Yuda latula.

⁵Maaseya matauna Baruki latula e tabula Kolosei. E tubula tuvaila yagasi, Asaia, Adaia, Yoiaribi, deli Sekaraia, matausina Sela tubula, matauwena Yuda latula.

⁶Peresi dalela kasi bawa 468 matausina matala gidageda eisisuaisi Yerusalem.

⁷Matausina odalela Beniamina. Salu matauna Mesulam latula, e Yowedi tabula. E tubula tuvaila yagasi, Pedaia, Kolaia, Maaseya, Itieli, deli Yesaia.

⁸Gabai sola Salai, matausina Salu veyala. Mapaila kasi bawa mina Beniamina eisisuaisi Yerusalem 928.

⁹E kasi tokugwa, Yoweli matauna Sikiri latula, e otuboulola paila karaiwaga olopola Yerusalem, Yuda matauna, Asenuwa latula.

¹⁰Tolula. Yedaia matauna Yoiaribi latula sola Yakini.

¹¹Seraia matauna Ilikaia latula, e Mesulam tabula. E tubula tuvaila yagasi, Sadoki, Meraioti, deli Aituba matauna Tolula Toveka.

¹²E kasi bawa komwaidosi dala madalana eiwotetilasi wa Bwala Kwebumaboma 822. Adaia matauna Yerowam latula, e Pelalia tabula. E tubula tuvaila yagasi, Amsi, Sekaraia, Pasuru, deli Malikia.

¹³E tommoyesi dala madalana kasi bawa 242. Amasai matauna Asareli latula, e Asai tabula. E tubula tuvaila yagasi, Mesilemoti, sola Imera.

¹⁴E kasi bawa komwaidosi dala madalana 128, komwaidosi wala matala gidageda. E kasi tokugwa Sabidieli, matauna metoya odalela tokaraiwaga.

¹⁵Mina Libai. Semaia matauna Asubi latula e tabula Asirikam. E tubula tuvaila yagasi, Asabia sola Buni.

¹⁶E Sabetai sola Yosabada, matausina kasi tokugwa mina Libai e tokaraiwogasi paisewala Bwala Kwebumaboma okoukweda.

¹⁷Matania matauna Maika latula, e tabula Sabidi, e matauna odalela Asapi, matauna ikugwai mabudona tousiwosi wa Bwala Kwebumaboma paila biuwosaisi nigadela nokagutoki. Bakibukia matauna kala topilasi Matania. Abida matauna Sammwa latula e tabula Galali, matauna tabula Yedutuni.

¹⁸Kasi bawa komwaidosi mina Libai eisisuaisi Yerusalem mavilouna viloubumaboma ibodi 284.

¹⁹Bwala Kwebumaboma kala toyamata. Akubi, Talimoni deli goli veisia, kasi bawa 172.

²⁰E kesala mina Isireli deli kesala tolula deli mina Libai, ilosi imilivalusi oviloutabusi, mapilasina valu viloukikekita deli vilouvakaveka olopola Yuda.

²¹Matausina Bwala Kwebumaboma kala topaisewa isikaisi pilatala Yerusalem makatupona yagala Opeli, e ipupaisewasi osikowasi Siya sola Gisipa.

²²E kasi tokugwa matausina mina Libai eisisu olopola Yerusalem yagala Usisi, matauna Bani latula e Asabia tabula. E tubula tuvaila yagasi, Matania sola Maika, e Usi matauna odalela Asapi, madalana goli isim si koni bimmwasawasi kaigilagela otutala tapwaroru wa Bwala Kwebumaboma.

²³E guyoula valu ikaraiwogi dala dilatala dilatala paila si tuta bikukugwaiyaisi mwasawela kaigilagela wa Bwala Kwebumaboma yam kwaitala kwaitala.

²⁴Petaia matauna Mesesabeli latula odalela Sira olumolela mabudona Yuda e matauna goli udosi mina Isireli ola ligisa guyoula Pesia.

²⁵Bidubadu tomota eimilivalusi katitaikina si bagula. Matausina metoya mabudona Yuda si valu Kiriati Aba, Diboni deli Yekaseli, e deli viloukikekita otalisi mavilousina vilouvakaveka.

²⁶Tuvaila imilivalusi mavilousina Yesuwa, Molada, Betipeleti,

²⁷Asarisuwali, deli Biasiba e deli viloukikekita otalila mavilouna.

²⁸Imilivalusi mapilasina Sikilagi deli Mekona deli viluwela,

²⁹Enirimoni, Seva, Yamti,

³⁰Sanowa, Adulam deli viloukikekita mavilousina otalisi vilouvakaveka. Isisuaisi mavilouna Lakisi deli wa bagula katitaikina mavilouna, e deli mavilouna Aseka deli mavilousina viloukikekita. E ka, mina Yuda si valu oluwalaisi mapilana Biasiba opilibolimila deli mapilana Itayatilela Inom opiliyavata.

³¹Mina Beniamina imilivalusi Geba, Mikimasi, Ai, Beteli deli mavilousina katitaikina mavilouna,

³²Anatoti, Nobi, Ananaia,

³³Asora, Rama, Gitaim,

³⁴Adida, Seboiim, Nebalati,

³⁵Lodi, Ono, deli oItayatilela Tokabitam.

³⁶Mimilisi mabudosina mina Libai omitibogwa eimilivalusi mapilana Yuda olopola, mitaga tuta baisa eilukwaisi bigalasi bilosi imilivalusi deli tomotala Beniamina.