Read Kilivila YOBI 11 Bible Online

YOBI 11 - Kilivila bible

YOBI 11

¹Ki, kudoki gala availa ibodi bimapu komwaidona bigimakava lokulilivali? Ki, kudoki avai tau biyobidubadu bigatona bibani avaka kala bwaina?

³Yobi mwa, ki, kudoki gala bakamapwaisi m bigatona? Kaina m biga yousokana bivigaki ipakalaki kaiyamaisi gala bigatona?

⁴Yoku kulivala mwada avaka m biga kamokwita wala; kulivala mwada yoku tomigileu Yaubada omatala.

⁵Eisekila gala wala anikoli ammakawala Yaubada bimapu m biga!

⁶Matauna bilukwaim kabitam nanamsela bidubadu. Mimilisi nanamsa saina nigonigwa gala ibodi tomota bikatetasi. Yaubada eimipukwaim sitana wala, gala makawala ibudoki m sula.

⁷Ki kudoki ibodaim bukuvitobu ammakawala Yaubada la tovakaigaga deli la peula, kaina gagabila bukubani Yaubada tomwaidona?

⁸Yaubada la tovakaigaga makawala labuma gala isim kala kalitutila, e gala wala ibodi bukuyosi. Yaubada inikoli si valu tomata, mitaga yoku gala kunikoli.

⁹Yaubada la tovakaigaga kala beiyaya ikalisau valu watanawa, deli goli ikalisau bolita kala beiyaya.

¹⁰Kidamwa Yaubada bikatupipaim e bilauwaim oyakala, availa okaboyakala ibodi bisilibodi matauna?

¹¹Yaubada bogwa einikoli availa availa matausina gala isim dimlesi; matauna bogwa leivitoki tolosila komwaidona mitugaga leiuvagaisi.

¹²Tomota toninagowa ibodi bitaboda ninasi wa yam makwaina ase nabubolodila biunaisi litusia makawala wala bulutuvalu.

¹³Mwa, Yobi, ibodi bukuninavila, e bukukukoli Yaubada.

¹⁴Kukwau kuligaiwa komwaidona mitugaga deli sula metoya om valu.

¹⁵Oluvi bukukowana tuvaila, deli m tuvaluwa bukutotu peula.

¹⁶E oluvi komwaidona kam mwau onanom biwokuva, makawala dadoya bitayelu wala bima e bimyeiya.

¹⁷Yoku m momova visigala bikalisau kalasia visigala tutala bitowota, e momova dudubalela makawala biwolali visiga.

¹⁸Yoku bukukwala e bisim m pikwaku; Yaubada bikolaim e bukubani m vaiwasi.

¹⁹Yoku gala bukukukoli kam tilaula; e bidubadu tomota bikanasi wala binigadaimsi paila pilasi.

²⁰Mitaga tomitugaga bimitigibugibusi deli si pikwaku biwokuva; e bikubu si keda gala wala bisakauligilaisi Yaubada. E si pikwaku kwaitala wala kaliga bibodasi.