Read Kilivila YOBI 12 Bible Online

YOBI 12 - Kilivila bible

YOBI 12

¹Mokwitala yokomi tomota kaigasi, avai tuta bukukwaligasi e kabitam deli bikaliga.

³Mitaga yeigu ulo nikoli vakaila makawala goli yokomi. Yokomi gala tovakaveka e yeigu budami. Gala goli. Tomota komwaidona bogwa einikolaisi m bigatona komwaidona avaka lokulilivala.

⁴E tuta baisa lubaigwa eivigakaigusi wala si kaboyousokana ilagoli yeigu tomitukwaibwaila deli gala isim pikolela wowogu; mitaga matausina igigilaigusi wala; mitaga tuta komwaidona Yaubada immapu wala ulo nigada.

⁵Yokomi gala wala isim kami mwau ouwomi, mitaga lokuvigakaigusi wala mi kaboyousokana; yokomi mi biga kuvigakaisi agu lewa, e makateki wala bukuvakapusiaigusi.

⁶Mitaga touveilau deli matausina gala inikolaisi Yaubada si sisu bwainawokuva wala, ilagoli si peula wala titoulesi eivigakaisi si yaubada.

⁷E mauna nayoyowa deli mauna nasigisagina si nikoli ikalisauwaimi e ibodi wala bivitulokaimi;

⁸ibodi wala bukukwatupoiyaisi bubuli ovalu deli obolita e bivitulokaimi.

⁹Komwaidona bubuli bogwa einikolaisi Yaubada wala matauna kasi tobubuli.

¹⁰Yaubada wala kalamwaleta bubuli komwaidona kasi toyamata, da momovasi tomota, Yaubada wala kalamwaleta ikaraiwogi.

¹¹Makawala m gugoveka bukununugwapu kaula, e makawala m ligibwabwaila biga kwaitala kwaitala.

¹²Tommoyabogwa si kabitam kabitamveka wala, mitaga Yaubada la kabitam isim kala peula. Tommoyabogwa si ninitalapula bogwa wala eibodi; mitaga Yaubada la ninitalapula deli peula avaka magila bivagi.

¹⁴Kidamwa Yaubada bikodidaimi avai vavagi, availa ibodi bivigivau? Deli availa ibodi bitaneku taitala tau Yaubada bogwa leikatupipi?

¹⁵Waigigi eiluvalova tutala Yaubada bikibodi labuma; avai tuta Yaubada bikibolu labuma deli valu watanawa, dadoya bisuluwi wala valu.

¹⁶Yaubada matauna topeula deli tuta komwaidona bikalisau wala kala tilaula; tolamadada deli availa eilumkoli lamadada, kasitaiyu wala Yaubada ikaraiwogi.

¹⁷Matauna ikipinigu ninasi tokaraiwaga deli ivigaki tokugwa si bubunela makawala toninagowa wala.

¹⁸Matauna ivabu gweguya metoya osi takaikaia e ikatupipi matausina;

¹⁹matauna ivabu tolula deli matausina tubulesi tauwau metoya osi kaisisu.

²⁰Matauna ivamwau udosi matausina isim kasi dubumi, e ikipinigu ninasi tommoyabogwa.

²¹Matauna iyomsili kaidadala valu deli isaili kala kalitutila si karaiwaga tokaraiwaga.

²²Matauna iyomitali lumalama ambaisa saina dubilikitakita makawala kaliga dudubalela.

²³Matauna ivigaki boda kwaitala kwaitala bipeulasi deli bibudovekasi mitaga oluvi ikalisau matausina deli ikatudoum matausina.

²⁴Matauna ikipinigu kasi tokugwa ninasi e ivigaki matausina iwausi deli si takainowa.

²⁵Matausina iuvabakwalisi deli iuvagogeunasi odudubila makawala tomomom sopi kaipeula.