Read Kilivila YOBI 13 Bible Online

YOBI 13 - Kilivila bible

YOBI 13

¹Ka, vavagi kwaitala kwaitala kulilivalasi, bogwa wala laligibogwi makwaisina. Komwaidona anikoli wala iwokuva; ulo nikoli saina siniveka makawala yokomi mi ninikoli. Yokomi gala wala kukwalisauwaigusi.

³Yeigu kamataiyu Yaubada ma kominimani, gala yokomi. Yeigu magigu bakamituli avaka ulo nanamsa deli matauna.

⁴Yokomiga sopa wala ivakasauwaimi; yokomi makawala matausina toyuvisa gala ibodi biyomovisi availa tokatoula.

⁵Kulamamsi, e tomota bidokaisi wala isim mi kabitam!

⁶Ka, kuninakaigilasi, e bakamituliga avaka ulo nanamsa.

⁷Avaka paila kusisasopasi? Ki kudokaisi Yaubada bikabwaili avaka mi sopa?

⁸Ki, kaina lokuvigikonaisi mwada bukukolaisi matauna? Kudokaisi ibodaimi bukupilasaisi matauna otutala yakala?

⁹Ka, kidamwa Yaubada bimitakavataimi, ki kudokaisi bibani avai vavagi bwaina? Ki kudokaisi gagabila bukuvigakaisi Yaubada tonagowa, makawala lokuvigakaisi baisa tomota?

¹⁰Ilagoli bukukiumsi avaka mi nanamsa, mitaga Yaubada ibodi wala bikamitilakaimi,

¹¹e kokola wala bivakasauwaimi metoya ola peula.

¹²Bigivakala kwaitala kwaitala lokulilivalasi gala wala dimlesi, makawala wala tubumyou gala wala dimlela; e mi kominimani itamsomsilasi makawala wala kulimoya bitamsomsila.

¹³Ka, ibodi bukukwapatusi, e sitanaga balivala, e bitagisi ammakawala da bigatona kala kamokwita.

¹⁴Yeigu ibodi wala bavisilagi ulo momova.

¹⁵Yeigu ulo pikwaku bogwa leiwokuva, e ammakawala kidamwa Yaubada bikatumataigu? Yeigu baisa tuta bakamituli avaka nanogu baisa matauna.

¹⁶E kaina goli ulo tuvaluwa wala bikolaigu, paila tomitugaga gala wala ibodi bimakaiasi Yaubada.

¹⁷Mapaila ibodi bukunakaigalaisi bibwaina avaka ulo kamitabubula.

¹⁸Yeigu bogwa bakamituli avaka nanogu, paila bogwa lanikoli yeigu lakamokwita.

¹⁹Ki Yaubada, yoku mwada bukutabinakaigu ke? Kidamwa bukuvagi makawala, yeigu bogwa wala bamanum e bakaliga.

²⁰Ka, ibodi wala banigada paila kwaiyu vavagi. Magigu bukukwabwaili makwaisina e yeigu gala tuvaila batotubulokaim.

²¹Wa, desi, taga kumipukwaigu, deli gala bukuvitukukolaigu.

²²Mwa ulo Yaubada, kulivala bikugwa, e yeigu bamapu m biga, kaina balivalabogwa, e bukumapuga ulo biga.

²³Ki, avaka ulo mitugaga? Kaina avai sula bogwa lavagi? Kaina avai vavagi lavagi e lokutabinakaigu ke?

²⁴Avaka paila kutotubulokaigu? Avaka paila kuvigakaigu kam tilaula?

²⁵Ki yoku mwada lokuvigikoni bukuvitukukolaigu? Ka, yeigu gala wala dimlegu, makawala yatala wala yekwesi. Ka, yoku kuuvisilagi yatala yogilumwamwaisa wala.

²⁶Avaka lauvagi igau otubovaugu e leima lagaila, yoku m tabinona paila makwaisina saina yayana baisa yeigu.

²⁷Yoku kuyuwoli kaikegu. e ulo kailoula kumitakavati wala iwokuva, deli goli kumitakavati bakwaigu.

²⁸E kala vigimkovila, yoku kuvigakaigu batamsomsila makawala kaimilapwasa, kaina makawala yatala karekwa liwoliusa eitamtumtu.