Read Kilivila YOBI 14 Bible Online

YOBI 14 - Kilivila bible

YOBI 14

¹Oda tutasi kaloubusi yakidasi komwaidodasi tomamama. Da momovasi gala tuta kaduwonaku e tuta komwaidona tabudobodasi mwau.

²Takaitubwasi e taigiyagisi saina nanakwa, makawala lala, e tatitamwausi makawala kaikobu.

³Mwa Yaubada! Ki, ibodi bukugisaigu kaina, kaina bukusailigu omatam om kwaboyakala paila bukuyakalaigu?

⁴Mina watanawa saina topupagatu, e galaga avai tuta bitabani vavagi migileu metoya baisa matausina.

⁵Yoku lokunigibogwi kala kaduwonaku si momova baisa ovalu watanawa, kaina navila tubukona bisisuaisi tommomova. Yoku bogwa lokukwaraiwogi baisa, e gala wala gagabila bitakatumapu.

⁶Ibodi bukumitilavi e bukuligaiwa mina watanawa. Kutagwala wala si kaisisu kala mwau biyomwasali matausina - kidamwa goli gagabila.

⁷Kidamwa kaitala kai bogwa biteyasi, makaina kala pikwaku isisu wala, paila makaina igau bitasusilasi e bimovavau.

⁸Ilagoli kailawalila bogwa eiyatomoyasi, deli uulotoula bogwa eikaliga olumoulela pwaipwaia,

⁹mitaga kidamwa deli sopi, makaina bitasusila makawala kaitala kaitubovau kai.

¹⁰Mitaga kidamwa taitala tau bikaliga, e baisa kala vigimkovila matauna. Ka! Bikaliga, e ambaisa bitabani matauna tuvaila?

¹¹Makawala waya bisimwaisi titayelu deli katuwotu bimadasi,

¹²e makawala goli tomota bikaligasi, e gala tuvaila bitokaiasi. Igau tutala labuma bikanigaga e matausina tuvaila bikanigagasi, e gala bimamatasi, kaina bikanuvivilasi metoya osi masisi.

¹³Yeigu adoki mwada bukusipepunaigu wa Tuma,[11] e basipepuni wala avai tuta kam leiya biwokuva, e oluvi bukuvitobu m tuta paila bukululuwaigu.

¹⁴Kidamwa taitala bikaliga, ki, ibodi bimovavau? Mitaga yeigu batulotula paila tuta bwaina, e batulotula wala avai tuta mwau makwaina biwokuva.

¹⁵E wa tuta matutona yoku bukudou e yeigu batama. Yoku bimwamwasila nanom baisa yeigu, paila yeigu goli m tomota.

¹⁶E yoku bukuvitusi komwaidona avaka bauvagi, mitaga gala bukululuwai avaka ulo mitugaga.

¹⁷Bukukwau makwaisina mitugaga e bukuligaiwa, deli bukuwinisau komwaidona ulo sula makwaisina bogwa lavagi.

¹⁸Igau kala kweluva bima avai tuta koya bikapusisi, deli raibwaga biluvapelasi bilosi ambaisa.

¹⁹Sopi bikatudubuni dakuna, deli kuna kunovakaveka bikunuwisau pwaipwaia. Makawala goli yoku bukukodidaimi tomota si pikwaku paila momova.

²⁰Yoku kukwalisau taitala tau e kuyabi matauna bila bitamwauvagasi wala. Tutala ikaliga, e migila bikasigegina wala.

²¹Litula ibanaisi kasi taimamila, mitaga gala avai tuta inikoli avaka. Gala goli bilukibogwaisi matauna avai tuta litula ibodasi mmosila.

²²Ilumkoli wala kala gidageda wowola titoulela, e deli goli onanola saina mmayuyu sainela.