Read Kilivila YOBI 15 Bible Online

YOBI 15 - Kilivila bible

YOBI 15

¹Mwa Yobi! m biga bigimakava wala, komwaidona wala bigimakava!

³Ka, gala taitala tokabitam ibodi bilivali biga mabigasina makawala yoku tuta baisa lokulilivali kaina bikoli titoulela metoya biga mabigasina gala dimlesi.

⁴Kidamwa bukuuvagi wala nanom titoulem, e gala wala availa ibodi bikukoli Yaubada; kaina binigada baisa matauna.

⁵Ka, m mitugaga kuiyomitali wala metoya om biga titoulem; yoku saina tokabitam bigatona e kuvigikoni mwada bukukolaim metoya om biga titoulem.

⁶Ka yeigu gala togia wowogu bakamogaim; mitaga kam kwamwaga bukubani metoya om biga wala titoulem.

⁷Ki, kudoki yoku kusibogwa ovalu watanawa? Kaina kusibogwa oluviga Yaubada eibubula koya?

⁸Ki kudoki bogwa kuligilabi avaka Yaubada la nanamsa leiuvagi? Kaina kammwaleta wala tokabitam ovalu watanawa?

⁹Avai vavagi kunikoli yakamaisi gala kanikolaisi?

¹⁰Ka yakamaisi ma kabitamsi lakasopelasi metoya matausina tommoyabogwa, matausina goli isibogwasi wala oluviga tamam eikaloubusi.

¹¹Yaubada magila bivisimolaim mitaga avaka paila kupupaiki? Yakamaisi kakamatulasi paila Yaubada, e ma bigasi manum deli duwosisia.

¹²Mitaga yoku iyowa lopom e kugidimilikaimasi deli m gibuluwa.

¹³Yoku kugibuluwi Yaubada e kukwatuvigogu matauna.

¹⁴Ki kudoki avai tau mokwita tomitukwaibwaila? Kaina kudoki availa ibodi bisisu toduwosisia omatala Yaubada?

¹⁵Ka, kugisa - Yaubada gala goli bidubumi la anelosi; paila matausina goli gala imigileusi omatala.

¹⁶Mitaga tomota imomwaisi mitugaga makawala sopi. Mokwita goli, tomota tomitugaga deli gala wala dimlela.

¹⁷E mwa, Yobi, kunakaigali balukwaim avaka ulo nikoli.

¹⁸Ka, tomota tokabitam eivitulokaigusi avaka kamokwita metoya avaka eisopeilisi metoya baisa tumisia, e gala avai vavagi kwekium ikatupwanaisi.

¹⁹Osi valu gala wala togilagala isisuaisi e gala wala availa ibodi bitavili ninasi metoya Yaubada kala dubumi.

²⁰Tau matauna ilamidadi sala bilumkoli mmayuyu sainela ola tuta tomomova.

²¹Butula kabovitukokola bitilikikiki otaigala, e idoki wala luvala wowola, mitaga tolibulebu biyosisi matauna.

²²Matauna bikubu la keda e gala wala ibodi bisakauligili kaliga dudubalela, paila ambaisa wala bilokaia kala kema eitutuli wala matauna bitamati,

²³e mluveka eitulotulasi paila bikomasi wowola. Matauna bogwa leinikolibogwi la tuta omatala dudubila wala.

²⁴Kabomwau la peula makawala taitala guyau saina topeuligaga, eitutuli wala paila biyogagi matauna.

²⁵Baisa makawala tau matauna kala mipuki bibani paila uula matauna ikikapaipaia yamala baisa Yaubada deli ikaluwou Yaubada Topeuligaga.

²⁶Tau matauna nanola walakaiwa deli tokowolova; matauna deli dabala kala kasai iyosali la vayoula e ikalubeigoguna bilokaia Yaubada ikabiliasi.

²⁸Matauna goli eiyouli valu komwaidona e ivakulotiga bwala makwaisina avai tuta kala tomota eibutusi, mitaga igau makateki kabilia bikodidaimi valu mavilousina deli goli bolesi.

²⁹Matauna la kaisisu bikobaluluva mitaga tuta pikekita wala bitamwau; e gala wala kwaitala la guguwa eiyosi bikanuvagasi. Deli goli matauna kaikobula bitamwau,

³⁰e gala wala ibodi bisakauligili kaliga dudubalela. Matauna makawala kaitala kai makaina sisila kova eivakamati, deli lalela yagila iyuvisau ilau.

³¹Kidamwa la nagowa bikugwai e bidubumi wala mitugaga, tuta oluvi mitugaga wala bivigaki kala mapu.

³²E igau gala bibudoki la tuta kaliga, matauna bikikaligabwaga wala e bikaliga makawala sisitala kai masisina bimata e gala tuvaila bimovavau.

³³Matauna makawala tamtala waini matamna kaiuwala kwegigeyata ikaludubali; kaina makawala kaitala kai olibe makaina lalela eikaludubali.

³⁴Matausina gala inikolaisi Yaubada, gala wala bidalasi tuvaila, deli kova bivakadoum si bwala matausina toubuwabu.

³⁵Paila matausina goli tobubulesi nanamsa gaga deli tovagisi mitugaga; tuta komwaidona ninasi ivakasau wala sopa.