Read Kilivila YOBI 16 Bible Online

YOBI 16 - Kilivila bible

YOBI 16

¹Biga mabigasina bogwa wala laligilabi omitibogwa; e mwada kukwabwailigusi mitaga kukwatumkulovaisi wala agu mmayuyu.

³Ki, desi wala bukulilivalasi e gala avai tuta bipatu udomi? Avaka eibisiki lupomi bwaina wala bukukwammwatasi?

⁴Ka, kidamwa yeigu makawala yokomi, batitaku wala mi bigatona biwokuva, e deli ulo katugougeuna bayosokanaimi deli balulukwaimi wala bakakululaimi.

⁵Yeigu bakatupewolaimi metoya ogu kwatuloluta e ulo bigatona komwaidona bivigaki kami bigabwaila.

⁶Mitaga ulo bigatona komwaidona gala wala sitana ipilasi agu mmayuyu, e kidamwa bakukutabu wala, agu mmayuyu gala wala biluvitaitaia.

⁷Mwa Yaubada, bogwa lokuyogugwesaigu; kutagwala bikatumataisi litugwa.

⁸Yoku bogwa kuyosaigu. Mokwitatoula yoku agu tilaula. Wowogu eititasi wala totuwanawokuva, e tomota itakikitasi baisa ikibuboti ulo sula.

⁹E deli kala leiya Yaubada matauna ikimimisaigu wala iwokuva; e igigisaigu deli wala la kowolova.

¹⁰Tomota iyosokanaigusi; matausina ivaulaigusi ivapataigusi e ikatupataisi migigu.

¹¹Yaubada bogwa eikasalaigu oyumasi tomitugaga.

¹²Yeigu lasisu wala tomanum. Mitaga Yaubada eikibodi ulovagu e iwawaigu wala ikatumataigu. Yaubada ivigakaigu kabokomsilawa,

¹³e matauna ikikalipupoiyaigu wala tomwaidogu iwokuva - kaiyala makaisina eibubasaigu ila wala iyauki kategu; matauna gala sitana la nokapisi baisa yeigu.

¹⁴Matauna bwaina wala ibubasaigu makawala taitala tokabilia bitaboduvagasi dabala deli la gibuluwa biwawaiya tilaula e Yaubada iwawaigu makawala.

¹⁵Asikam ulo saigala e auvalam, e auwabugwa wala opwaipwaia deli kala mama wowogu.

¹⁶Auvalam tatoula wala ikulubweyani migigu, isupilaki matagu deli iguyugwayu.

¹⁷Mitaga yeigu gala wala ikipwasa yamagu avai pakula, e ulo nigada baisa Yaubada duwosisia wala.

¹⁸O pwaipwaia, taga kukuboli sula makwaisina avaka leivigakaigusi! Taga kukuboli ulo dou paila karaiwaga duwosisia bitamwau!

¹⁹Taitala agu topilasi eisisu wa labuma paila bipiaigu.

²⁰Lubaigwa iyosokanaigusi; e deli ulo valam akounakaila Yaubada.

²¹Ibodi wala availa bikayubabai paila yeigu, makawala taitala tau bikayubabai paila lubaila.

²²Ulo tuta kaliga bogwa eivakatitaikina e lalalouya keda makadana bauyeia wala gala bakaimilavau.