Read Kilivila YOBI 18 Bible Online

YOBI 18 - Kilivila bible

YOBI 18

¹Mwa Yobi, ki, kudoki avai tutaga bipatu wodom? Ka, kidamwa bukukwapatu e bukunakaigalaimasi e yakamaisi ibodi bakabigitonimsi.

³Mwa, avaka eibisiki lopom e lokudokaimasi yakamaisi gweiluva makawala bulutuvalu?

⁴Ka, kam leiya wala eivigaki kam silagi. Kaina kudoki okam leiya bimoluga valu ke? Ki, kudoki Yaubada biyomwasali nanom kidamwa bikatupeli koya kabasi?

⁵Ka tau matauna tomitugaga la kaitapa bogwa wala eimati biyuvisau bimata; e gala tuvaila biluluvau.

⁶E kaitapa makaina ola bwala bimata.

⁷Omitibogwa la kailoula peula, mitaga baisa tuta eisilibeibeu; ikikapusi - mitaga kala pakula wala titoulela.

⁸Matauna gala wala igigisi wota ililoula wala ila ikola;

⁹sikula ibuluweu kaikela e iwai wala itoyaim.

¹⁰Ka, kala yuwoyoula eikatupwanaisi opwaipwaia; ivigaki kala sikula e itabodaisi la keda.

¹¹E kabovitukokola itavini wala itapatu matauna; avai tuta idoki biloula ibubokuli wala tuta komwaidona.

¹²Omitibogwa la kaisisu peula, mitaga baisa tuta bigigadi wala molu; kabomwau makwaina okanivala wala tuta komwaidona.

¹³Lelia bikomkuwosi wala wowola biwokuva e kaliga biyoumatila yamala deli kaikela bipwasabogwasi.

¹⁴E ola bwala wala titoulela bipwasigiyogaya e bibiasi wala bilauwaisi ibakwaisi, e bisaitaula wala bila wa Tuma.

¹⁵E avai tuta salipa bikatusokaisi la bwala paila bisimani - oluvi availa magila bisiki bwala makwaina bogwa bwaina wala!

¹⁶Matauna deli tubula tokaliga ? bogwa bikammali opwaipwaia e dalela tommomova bidumadaminasi wala.

¹⁷E kala luluwai bogwa bitamwau ola kaukweda deli goli ambaisa ambaisa; e gala wala availa biluluwai matauna tuvaila.

¹⁸Matauna bisilavi si valu tommomova, deli bisilavi lumalama e bilokaiaga dudubila viluwela.

¹⁹Dalela bogwa wala biwokosi gala taitala bisisu tomomova.

²⁰Opilibomatu bila opilikwaibwaga komwaidona availa bilagaisi la kaliga bulogala matauna bitatuvasi deli kasi kokola.

²¹Baisa makawala kasi mipuki matausina tomitugaga, matausina goli gala ikukolaisi Yaubada.