Read Kilivila YOBI 21 Bible Online

YOBI 21 - Kilivila bible

YOBI 21

¹Kunakaigali avaka balivali; ulo nigada baisa yoku mesinaku wala kuyominumwaigu.

³Ibodi bukukwapatu e balivalaga sitana, e kidamwa bavenoku livala, ibodi wala bukuyosokanaigu kidamwa magim.

⁴Baisa ulo kominimani gala deli tomota; ulo bigatona isim uula mapaila gala wala ibodi baminumki.

⁵Mwa kugisaigu! Agu gigisa bogwa leibodi bukumitakavataigu e biyowa lopom!

⁶Avai tuta baninamsi avaka bogwa eikaloubusisi baisa yeigu, bimitaki wala wowogu, bitulukwedudu wowogu deli wala titavaigu.

⁷Avaka paila Yaubada itugwali tomitugaga bisisuaisi tommomova, tatoula wala bitommoyasi e bikobaluluva si kaisisu?

⁸Matausina biunaisi litusia e bibanaisi tubusia mitaga isisuaisi wala iuvatubwasi magudisina tatoula wala bitovakavekasi.

⁹Yaubada gala wala itagwala kabomwau bikaloubusi osi kaukweda; e gala wala bikokolasi metoya osi sisu.

¹⁰Matausina ivitubwaisi si bulumakau e avai tuta minasina bivalulusi gala wala kwaitala mwau ibodasi.

¹¹Litusia bisakauluvivilasi wala immwasawasi makawala minasina lam

¹²e avai tuta bilagaisi butusi gita deli loloni e deli wala kaiwosisi.

¹³Osi tuta komwaidona si sisu bwaina wala e avai tuta bikaligasi manumwokuva wala gala bilumkolaisi mmayuyu.

¹⁴Tomitugaga ilukwaisi Yaubada taga biyokaikai uwosi; matausina gala magisi binikolaisi nanola matauna paila si momova.

¹⁵Si nanamsa mwada gala wala dimlela si wotetila baisa Yaubada, kaina avai vavagi bwaina bibanaisi metoya osi nigada.

¹⁶Matausina ilivalasi mwada metoya osi peula titoulesi eipapeulasi, mitaga yeigu gala wala ibodi nanogu avaka si nanamsa.

¹⁷Sivavila tomitugaga si kaitapa bimitamata? Ki sitana taitala matausina iboda kabomwau avai tuta? Ki, kudoki avai tuta Yaubada bimipuki tomitugaga metoya ola gibuluwa

¹⁸e biyuvisau matausina makawala yogilumwamwaisa biyuvisau wa yagila, kaina makawala tubumyou utuyagila biyuvisau?

¹⁹Yoku kulivala mwada Yaubada bimipuki guditala gwadi paila tamala la mitugaga. Mwa akatulokaim gala makawala; ibodi wala Yaubada bimipuki tomitugaga titoulela; ibodi Yaubada bivituloki bivagi makawala paila uula si mitugaga.

²⁰Mapaila ibodi wala tomitugaga bilumkolaisi mokaila si mitugaga; ibodi wala bilumkolaisi Yaubada Topeuligaga la ninamwau.

²¹Kidamwa avai tuta taitala tau bogwa eikaliga, ki kudoki sitana ikaiki wowola ammakawala litula eiligaim si mwasawa kaina?

²²Ki kudoki availa gagabila bivituloki Yaubada, matauna goli gweguya kasi toyakala?

²³Mimilisi tomota gala wala igigadi gidageda isisuaisi wala tatoula ikaligasi. Matausina si kaliga bwainawokuva wala bilosi imanum uwosi, gala ibusi uwosi makasi kaitubwa wala kaligasi ikaligasi.

²⁵Mitaga mimilisi gala wala sitana si mwasawa ibinikolaisi, tommomova avai tuta bikaligasi deli wala si ninamwau.

²⁶Mitaga komwaidodasi wala makawala bitakaligasi bibakwaidasi; komwaidodasi wala bipusokaidasi mwatemwata.

²⁷Mwa, m nanamsa komwaidona anikoli wala iwokuva.

²⁸Yoku m kwatupoi kawam, “Tau matauna todabala la bwala ambaisa eititoki baisa tuta, matauwena goli tomitugaga?”

²⁹Mwa, ki gala sitana kubigitoni tomota matausina tokwaidadina? Ki gala kulilagi bulogala si kwaidadina ililivalaisi?

³⁰Ka, wa yam makwaina Yaubada bigibuluwa e bimipuki, baisa tau matauna tomitugaga tuta komwaidona eisisu tomomova.

³¹Gala wala availa ibodi bitabinaki taitala tomitugaga kaina bikaimapu baisa matauna avaka komwaidona leivagi.

³²Avai tuta bilupaisi bilauwaisi wa laka bisetuwolaisi wala bilauwaisi, okala laka makwaina isim toyamatela,

³³lakatuluwovila tomota bilokaiasi paila kala visalili matauna, e pwaipwaia goli biyobobu matauna.

³⁴Mwa, yoku kuvigikoni mwada bukupilasaigu mitaga bigimakava wala! Ka, ulo biga komwaidona lokummapu kulilivala sopawokuva wala.